Klei Mphŭn Dơ̆ng 1:16 - Klei Aê Diê Blŭ 2015

¹⁶ Aê Diê mjing dua boh mngač prŏng, boh mngač prŏng hĭn kiă êjai hruê, boh mngač điêt hĭn kiă êjai mlam. Ñu mjing wăt phung mtŭ mơh.

Klei Mphŭn Dơ̆ng 1:16 Iomraidhean Croise

Klei Mphŭn Dơ̆ng 1:15

Wăt brei diñu jing lu boh mngač hlăm anôk êhŏng ti adiê čiăng mtrang lăn ala.” Snăn klei anăn jing mtam.

Y-Yôp 31:26

tơdah kâo dlăng leh kơ yang hruê êjai gơ̆ mtrang, amâodah kơ mlan dar hŏng klei siam,

Y-Yôp 38:7

tơdah jih jang mtŭ aguah mmuñ mđrăm mbĭt, leh anăn jih jang phung anak êkei Aê Diê driâo hơ̆k?

Klei Mmuñ Hđăp 148:3

Bi mni bĕ kơ Ñu, Ơ yang hruê leh anăn mlan, bi mni bĕ kơ Ñu, Ơ jih jang mtŭ mngač.

Klei Mmuñ Hđăp 148:5

Brei diñu bi mni kơ anăn Yêhôwa, kyuadah Ñu mtă leh, snăn digơ̆ jing.

Klei Mmuñ Hđăp 19:6

Ñu ƀlĕ mơ̆ng sa knhal adiê, leh anăn bi tuč klei ñu êran ti sa knhal mkăn; amâo mâo mnơ̆ng dưi đuĕ dăp mơ̆ng mđiă ñu ôh.

Klei Mmuñ Hđăp 74:16

Hruê jing dŏ Ih, wăt mlam jing dŏ Ih mơh. Ih pô hrih boh mngač leh anăn yang hruê.

Klei Mmuñ Hđăp 8:3

Tơdah kâo dlăng kơ phung adiê jing bruă kđiêng Ih ngă, mlan leh anăn phung mtŭ mnơ̆ng Ih hrih leh;

Y-Êsai 13:10

Kyuadah mtŭ hlăm adiê leh anăn jih jang boh mngač hlăm adiê amâo srăng lŏ mtrang klei mngač ôh; yang hruê srăng jing mmăt tơdah ñu ƀlĕ, leh anăn mlan amâo lŏ mtrang mngač ôh.

Y-Êsai 24:23

Hlăk anăn, mlan srăng guam leh anăn yang hruê srăng hêñ; kyuadah Yêhôwa kơ phung kahan srăng kiă kriê ti čư̆ Siôn leh anăn ti ƀuôn Yêrusalem, Ñu srăng bi êdah klei guh kơang Ñu ti anăp phung khua mduôn Ñu.

Y-Êsai 40:26

Kngưr ală diih phă dlông leh anăn dlăng bĕ: hlei pô hrih mnơ̆ng anăn? Ñu bi kbiă phung kahan anăn tui si dŭm mâo digơ̆; Ñu iêô jih jang digơ̆ hŏng anăn digơ̆. Hŏng klei myang Ñu prŏng leh anăn kyuadah Ñu jing ktang hlăm klei myang, amâo kƀah sa mta ôh.

Y-Êsai 45:7

Kâo mjing klei mngač leh anăn hrih klei mmăt. Kâo bi truh klei đĭ kyar leh anăn hrih klei bi rai. Kâo jing Yêhôwa, Pô ngă jih jang klei anei.’ ”

Y-Yêrêmi 31:35

Snei Yêhôwa lač: Pô brei yang hruê mtrang êjai hruê leh anăn bi kčah leh kơ mlan leh anăn kơ mtŭ mtrang êjai mlam, Pô bi kpư̆ êa ksĭ brei gơ̆ poh yă — Yêhôwa kơ phung kahan jing anăn Ñu:

Y-Haƀakuk 3:11

Yang hruê leh anăn mlan dôk hĕ hlăm adiê kyua klei mngač ƀrăm Ih tơdah Ih mnah diñu, kyua klei kmlăi kju Ih mtrang.

Y-Mathiơ 24:29

“Bhiâo hin leh ruê̆ jih hruê knap mñai anăn, yang hruê srăng jing mmăt, mlan amâo srăng lŏ mtrang mngač ôh, phung mtŭ srăng lĕ mơ̆ng adiê leh anăn jih klei myang hlăm phung adiê srăng kpư̆ mgei.

Y-Mathiơ 27:45

Mơ̆ng mông tal năm truh kơ mông tal dua păn mâo klei mmăt tar ƀar čar.

I Kôrantô 15:41

Klei guh yang hruê mdê, klei guh mlan mdê, leh anăn klei guh mtŭ mdê; wăt klei guh sa asăr mtŭ anei mdê hŏng klei guh sa asăr mtŭ mkăn.

Klei Mtô Mñă Klei Bhiăn 4:19

Răng bĕ diih, huĭdah diih angưi ală phă adiê leh anăn tơdah diih ƀuh yang hruê, mlan, leh anăn mtŭ, jih jang phung kahan hlăm adiê, diih mâo klei mtrŭt leh anăn kkuh mpŭ kơ dŏ anăn leh anăn mă bruă kơ diñu, mnơ̆ng anăn Yêhôwa Aê Diê diih brei leh kơ jih jang phung ƀuôn sang dôk ti gŭ jih adiê.

Klei Bi Êdah 21:23

Ƀuôn anăn amâo lŏ čiăng kơ yang hruê amâodah mlan bi mngač ñu ôh, kyuadah klei guh kơang Aê Diê bi mngač ƀuôn anăn, leh anăn Êđai Biăp jing pui kđen kơ ñu.