Klei Mphŭn Dơ̆ng 1:12 - Klei Aê Diê Blŭ 2015

¹² Lăn čăt ana kyâo mtâo, rơ̆k mâo mjeh tui si mta diñu, leh anăn ana kyâo mboh mâo mjeh tui si mta diñu. Aê Diê ƀuh klei anăn jing jăk.

Klei Mphŭn Dơ̆ng 1:12 Iomraidhean Croise

Klei Mphŭn Dơ̆ng 1:11

Leh anăn Aê Diê lač, “Brei lăn bi čăt ana kyâo mtâo, rơ̆k mâo mjeh, leh anăn ana kyâo mboh mâo mjeh tui si mta diñu ti rŏng lăn.” Snăn klei anăn jing mtam.

Klei Mphŭn Dơ̆ng 1:13

Mâo tlam leh anăn mâo aguah, jing hruê tal tlâo.

Klei Mmuñ Hđăp 104:14

Ih brei rơ̆k čăt kơ hlô mnơ̆ng, leh anăn djam kơ mnuih yua, čiăng kơ ñu dưi mâo mnơ̆ng ƀơ̆ng huă mơ̆ng lăn,

Y-Êsai 61:11

Kyuadah msĕ si lăn bi đuh mnơ̆ng, leh anăn msĕ si war djam bi čăt mjeh arăng rah leh hlăm ñu, msĕ snăn mơh Khua Yang Yêhôwa srăng bi truh klei kpă ênô leh anăn klei bi mni ti anăp jih jang găp djuê mnuih.

Y-Markôs 4:28

Lăn pô yơh mjing mnơ̆ng, grăn êlâo, leh anăn amung, leh anăn mâo asăr hlăm amung anăn.

Y-Luk 6:44

Kyuadah arăng thâo kral grăp ana kyâo tui si boh gơ̆. Arăng amâo pĕ ôh boh hra mơ̆ng hruĕ êruê, kăn srăng pĕ rei boh kriăk ƀâo mơ̆ng pum êruê.

II Kôrantô 9:10

Pô brei mjeh kơ pô rah leh anăn kpŭng kơ gơ̆ ƀơ̆ng srăng brei leh anăn bi lar mjeh diih, leh anăn srăng bi mđĭ lu boh tŭ dưn mơ̆ng klei kpă ênô diih.

Galati 6:7

Đăm brei arăng mplư diih ôh; arăng amâo dưi mưč kơ Aê Diê ôh. Kyuadah ya mjeh arăng rah, ñu srăng wiă boh anăn mơh.

Hêbrơ 6:7

Kyuadah lăn msah leh hŏng êa hjan lĕ ti ñu jêñ jêñ leh anăn bi čăt rơ̆k yuôm kơ phung pla ñu, lăn anăn mă tŭ klei jăk jĭn mơ̆ng Aê Diê.