Klei Mphŭn Dơ̆ng 1:1 - Klei Aê Diê Blŭ 2015

¹ Hlăk mphŭn dơ̆ng Aê Diê hrih adiê leh anăn lăn ala.

Klei Mphŭn Dơ̆ng 1:1 Iomraidhean Croise

II Bruă Mtao 19:15

Y-Hêsêkia wah lač ti anăp Yêhôwa leh anăn lač, “Ơ Yêhôwa, Aê Diê Israel, Pô dôk ti jhưng mtao ti dlông phung čêrubim, knŏng hjăn Ih jing Aê Diê kơ jih jang ƀuôn ala mtao ti lăn ala. Ih hrih leh adiê leh anăn lăn ala.

I Klei Yăl Dliê 16:26

Kyuadah jih jang yang phung ƀuôn sang jing knŏng rup krah, ƀiădah Yêhôwa mjing leh adiê.

II Klei Yăl Dliê 2:11

Snăn Y-Huram mtao ƀuôn Tir lŏ wĭt lač hlăm sa pŏk hră ñu mơĭt kơ Y-Salômôn, “Kyuadah Yêhôwa khăp kơ phung ƀuôn sang Ñu, Ñu mjing leh ih mtao kiă kriê digơ̆.”

Y-Nêhêmi 9:6

Y-Êsra lač, “Ih jing Yêhôwa, knŏng hjăn Ih; Ih mjing leh adiê, adiê kơ jih jang adiê, mbĭt hŏng jih jang phung kahan diñu, lăn ala leh anăn jih jang mnơ̆ng hlăm ñu, jih jang êa ksĭ leh anăn jih jang mnơ̆ng mâo hlăm diñu; leh anăn Ih răng kriê jih jang diñu; leh anăn phung kahan hlăm adiê kkuh mpŭ kơ ih.

Y-Yôp 26:13

Hŏng êwa mơ̆ng êgei Ñu, Ñu mprăp bi doh phung adiê; kngan Ñu tlŏ ala dôk đuĕ.

Y-Yôp 38:4

Ti anôk ih dôk hlăk Kâo dưm atur kơ lăn ala? Hưn bĕ kơ Kâo, tơdah ih mâo klei thâo săng.

Y-Yôp 9:8

knŏng hjăn Ñu yơh lang leh phung adiê, leh anăn juă ti dlông êlah êa ksĭ poh yă;

Klei Mmuñ Hđăp 102:25

Ênuk đưm Ih ngă atur kơ boh lăn; leh anăn jih adiê jing bruă kngan Ih ngă.

Klei Mmuñ Hđăp 104:24

Ơ Yêhôwa, bruă Ih lu êdimima! Ih ngă diñu jih hŏng klei thâo mĭn; lăn ala bŏ leh hŏng mnơ̆ng Ih hrih.

Klei Mmuñ Hđăp 104:30

Tơdah Ih mơĭt Mngăt Myang Ih, diñu jing mtam; leh anăn Ih bi mrâo ƀô̆ mta lăn ala.

Klei Mmuñ Hđăp 115:15

Akâo bĕ kơ Yêhôwa Pô hrih leh adiê leh anăn lăn ala brei klei jăk jĭn kơ diih.

Klei Mmuñ Hđăp 121:2

Klei đru kâo kbiă hriê mơ̆ng Yêhôwa, Pô hrih adiê leh anăn lăn ala.

Klei Mmuñ Hđăp 124:8

Klei đru drei kbiă hriê mơ̆ng Yêhôwa, Pô Hrih adiê leh anăn lăn ala.

Klei Mmuñ Hđăp 134:3

Akâo kơ Yêhôwa brei klei jăk jĭn kơ diih mơ̆ng ƀuôn Siôn; Ñu yơh Pô hrih adiê leh anăn lăn ala.

Klei Mmuñ Hđăp 136:5

Pô hrih leh adiê hŏng klei thâo săng; kyua klei khăp Ñu dôk nanao hlŏng lar.

Klei Mmuñ Hđăp 146:6

Pô hrih adiê leh anăn lăn ala, êa ksĭ leh anăn jih jang mnơ̆ng hlăm diñu, Yêhôwa, Pô dôk sĭt suôr hlŏng lar.

Klei Mmuñ Hđăp 33:6

Yêhôwa hrih phung adiê hŏng klei Ñu blŭ, leh anăn jih jang mnơ̆ng hŏng êwa mơ̆ng ƀăng êgei Ñu.

Klei Mmuñ Hđăp 33:9

Kyuadah Ñu blŭ, snăn mâo mnơ̆ng; Ñu mtă, snăn gơ̆ jing kjăp.

Klei Mmuñ Hđăp 8:3

Tơdah kâo dlăng kơ phung adiê jing bruă kđiêng Ih ngă, mlan leh anăn phung mtŭ mnơ̆ng Ih hrih leh;

Klei Mmuñ Hđăp 8:4

ya anak mnuih jing tơl Ih hdơr mĭn kơ diñu, leh anăn ya anak mnuih jing tơl Ih răng kriê kơ diñu?

Klei Mmuñ Hđăp 90:2

Êlâo kơ mâo čư̆ leh anăn êlâo kơ Ih mjing boh lăn leh anăn lăn ala, mơ̆ng ênuk hlŏng lar truh kơ ênuk hlŏng lar, Ih jing Aê Diê.

Klei Mmuñ Hđăp 96:5

Kyuadah jih jang yang phung ƀuôn sang kkuh jing knŏng rup yang, Ƀiădah Yêhôwa hrih leh phung adiê.

Klei Kbiă 20:11

Kyuadah hlăm năm hruê Yêhôwa hrih adiê, lăn ala, êa ksĭ, leh anăn jih jang mnơ̆ng mâo hlăm diñu, leh anăn Ñu mdei hruê tal kjuh. Kyuanăn Yêhôwa hơêč hmưi kơ hruê sabat anăn leh anăn pioh brei hruê sabat jing doh jăk.

Klei Kbiă 31:18

Tơdah Aê Diê ruê̆ blŭ kơ Y-Môis ti dlông čư̆ Sinai, Ñu brei kơ gơ̆ dua pŏk mdhă klei bi mguôp, mdhă boh tâo kđiêng Aê Diê pô čih leh.

Klei Bi Hriêng 16:4

Yêhôwa ngă leh jih jang mnơ̆ng pioh kơ klei Ñu čuăn, wăt mnuih ƀai pioh kơ hruê bi kmhal.

Klei Bi Hriêng 3:19

Hŏng klei knhâo Yêhôwa mdơ̆ng atur lăn ala, hŏng klei thâo săng Ñu bi kjăp phung adiê.

Khua Pô Mtô 12:1

Hdơr bĕ kơ Pô Hrih ih êjai ênuk ih hlăk ai, êlâo kơ hruê jhat truh, leh anăn thŭn srăng truh hlăk anăn ih lač, “Kâo amâo mâo klei mơak hlăm thŭn anei ôh”,

Y-Êsai 37:16

“Ơ Yêhôwa kơ phung kahan, Aê Diê Israel, Pô dôk gŭ ti jhưng mtao ti dlông phung čêrubim, knŏng hjăn Ih yơh jing Aê Diê kơ jih jang ƀuôn ala mtao ti lăn ala; Ih yơh Pô hrih adiê leh anăn lăn ala.

Y-Êsai 40:21

Diih amâo tuôm thâo hĕ? Diih amâo tuôm hmư̆ hĕ? Arăng amâo tuôm hưn kơ diih hĕ klei anăn mơ̆ng mphŭn? Diih amâo tuôm thâo săng hĕ mơ̆ng ênuk mdơ̆ng tur lăn ala?

Y-Êsai 40:26

Kngưr ală diih phă dlông leh anăn dlăng bĕ: hlei pô hrih mnơ̆ng anăn? Ñu bi kbiă phung kahan anăn tui si dŭm mâo digơ̆; Ñu iêô jih jang digơ̆ hŏng anăn digơ̆. Hŏng klei myang Ñu prŏng leh anăn kyuadah Ñu jing ktang hlăm klei myang, amâo kƀah sa mta ôh.

Y-Êsai 40:28

Ih amâo thâo hĕ? Ih amâo hmư̆ hĕ? Yêhôwa jing Aê Diê dôk hlŏng lar, Pô Hrih leh knhal lăn ala. Ñu amâo hwăt ôh, kăn êmăn rei, arăng amâo dưi ksiêm ôh jih klei Ñu thâo săng.

Y-Êsai 42:5

Snei Aê Diê Yêhôwa lač, Pô hrih leh anăn mblang leh phung adiê, Pô lang leh lăn ala leh anăn mnơ̆ng kbiă mơ̆ng gơ̆, Pô brei êwa kơ phung ƀuôn sang hlăm gơ̆, leh anăn klei hdĭp kơ phung êbat tinăn:

Y-Êsai 44:24

Snei Yêhôwa lač, Pô Bi Tui diih, Pô mjing diih leh hlăm tian: “Kâo jing Yêhôwa, Pô mjing leh jih jang mnơ̆ng, hjăn Kâo yơh Pô mblang leh phung adiê, Pô lang leh lăn ala,

Y-Êsai 45:18

Kyuadah snei Yêhôwa lač, Pô Hrih phung adiê, Ñu yơh jing Aê Diê, Pô mmuôn lăn ala leh anăn mjing gơ̆, Ñu yơh bi kjăp gơ̆, Ñu amâo hrih gơ̆ čiăng jing anôk êhŏng ôh, ƀiădah mjing gơ̆ kơ anôk arăng dôk. Kâo jing Yêhôwa, amâo lŏ mâo pô mkăn ôh.

Y-Êsai 51:13

Ih wơr bĭt leh Yêhôwa, Pô Mjing ih, Pô mblang leh phung adiê leh anăn dưm leh atur lăn ala. Ih huĭ nanao jih hruê kyua klei pô ktư̆ juă ngêñ, tơdah gơ̆ mkra čiăng bi rai. Ti klei ngêñ pô ktư̆ juă?

Y-Êsai 51:16

Kâo dưm leh klei Kâo blŭ hlăm ƀăng êgei ih, leh anăn mdăp ih leh hŏng êyui kngan Kâo, êjai mblang phung adiê leh anăn dưm atur lăn ala, leh anăn lač kơ ƀuôn Siôn, ‘Ih jing phung ƀuôn sang Kâo.’ ”

Y-Êsai 65:17

“Kyuadah nĕ anei, Kâo hrih adiê mrâo leh anăn lăn ala mrâo. Arăng amâo srăng lŏ hdơr ôh kơ mnơ̆ng mphŭn dô, kăn arăng lŏ mĭn kơ mnơ̆ng anăn rei.

Y-Yêrêmi 10:12

Yêhôwa yơh hrih leh lăn ala hŏng klei myang Ñu, Pô bi kjăp leh lăn ala hŏng klei thâo mĭn Ñu, leh anăn hŏng klei Ñu thâo săng Ñu lang phung adiê.

Y-Yêrêmi 32:17

‘Ơ Yêhôwa Aê Diê ah! Ih yơh mjing leh phung adiê leh anăn lăn hŏng klei myang prŏng Ih leh anăn hŏng păl Ih yơr leh! Amâo mâo sa klei ôh jing dleh đei kơ Ih,

Y-Yêrêmi 51:15

Yêhôwa yơh mjing leh lăn ala hŏng klei myang Ñu, Ñu bi kjăp leh lăn ala hŏng klei thâo mĭn Ñu, leh anăn hŏng klei Ñu thâo săng Ñu lang leh phung adiê.

Y-Sakari 12:1

Klei ktrŏ Yêhôwa blŭ djŏ kơ Israel: Snei Yêhôwa lač, Pô lang leh phung adiê leh anăn ngă leh atur kơ lăn ala leh anăn Pô mjing leh mngăt mnuih hlăm lam gơ̆:

Y-Mathiơ 11:25

Hlăk anăn Yêsu blŭ snei, “Kâo bi mni kơ Ih, Ơ Ama, Khua Yang adiê leh anăn lăn ala, kyuadah Ih mdăp klei anei kơ phung thâo mĭn leh anăn thâo săng, ƀiădah bi êdah leh kơ phung hđeh điêt;

Y-Markôs 13:19

Kyuadah hlăm ênuk anăn srăng mâo klei knap mñai amâo tuôm mâo ôh msĕ snăn mơ̆ng ênuk Aê Diê hrih jih jang mnơ̆ng hlŏng kơ hruê anei, kăn srăng lŏ tuôm mâo rei.

Bruă Phung Khua Ƀĭng Kna 14:15

“Hơi, si ngă diih ngă snăn? Hmei jing phung mnuih msĕ si diih mơh, leh anăn hmei hưn kơ diih klei mrâo mrang jăk, čiăng kơ diih lui klei ngă yang hơăi mang anei, leh anăn wĭt kơ Aê Diê hdĭp, Pô hrih leh adiê, lăn ala, êa ksĭ, leh anăn jih jang mnơ̆ng hlăm diñu.

Bruă Phung Khua Ƀĭng Kna 17:24

Aê Diê, Pô hrih lăn ala leh anăn jih jang mnơ̆ng hlăm Ñu, jing Khua Yang kơ adiê leh anăn kơ lăn ala, amâo dôk ôh hlăm sang yang kngan mnuih ngă,

Bruă Phung Khua Ƀĭng Kna 4:24

Leh diñu hmư̆ klei anăn, diñu wah lač mđrăm mbĭt kơ Aê Diê, “Ơ Khua Yang, Pô hrih adiê, lăn ala, êa ksĭ, leh anăn jih jang mnơ̆ng hlăm digơ̆,

Hră Y-Pôl Mơĭt kơ Phung Rôm 11:36

Kyuadah jih jang mnơ̆ng kbiă hriê mơ̆ng Ñu, kyua Ñu, leh anăn kơ Ñu. Pioh kơ Aê Diê yơh klei guh kơang hlŏng lar. Amen.

I Kôrantô 8:6

ƀiădah kơ phung drei mâo knŏng sa čô Aê Diê, Ama. Ñu yơh hrih jih jang mnơ̆ng leh anăn drei hdĭp kơ Ñu; leh anăn mâo sa čô Khua Yang, Yêsu Krist, mơ̆ng Ñu jih jang mnơ̆ng jing leh, leh anăn mơ̆ng Ñu drei mâo klei hdĭp.

Êphêsô 3:9

leh anăn brei jih jang mnuih thâo săng ya hdră klei hgăm anăn, mdăp leh êjai lu ênuk hlăm Aê Diê, Pô hrih leh jih jang mnơ̆ng,

Hêbrơ 1:10

Leh anăn, “Ơ Khua Yang, hlăk mphŭn dơ̆ng Ih mdơ̆ng leh atur lăn ala, leh anăn jih adiê jing bruă kngan Ih ngă;

Hêbrơ 1:2

ƀiădah hlăm ênuk knhal tuč anei Ñu blŭ leh kơ drei hŏng Anak Êkei Ñu. Aê Diê brei Gơ̆ jing Pô dưn jih jang mnơ̆ng, hŏng Gơ̆ msĕ mơh Ñu hrih leh lăn adiê.

Hêbrơ 11:3

Hŏng klei đăo drei thâo săng kơ Aê Diê hrih leh lăn adiê hŏng klei Ñu blŭ, snăn mnơ̆ng dưi ƀuh Aê Diê mjing mơ̆ng mnơ̆ng amâo dưi ƀuh ôh.

Hêbrơ 3:4

(Kyuadah grăp boh sang mâo pô ngă ñu, ƀiădah Pô ngă jih jang mnơ̆ng jing Aê Diê.)

II Y-Pêtrôs 3:5

Diñu čŏng čiăng wơr bĭt klei sĭt nik anei: mphŭn dô hŏng klei Aê Diê blŭ mâo phung adiê leh anăn lăn ala, Aê Diê hrih lăn ala mơ̆ng êa leh anăn hŏng êa.

I Y-Yôhan 1:1

Kâo čih djŏ kơ Klei Blŭ klei hdĭp, klei anăn mâo mơ̆ng mphŭn dơ̆ng, klei anăn hmei hmư̆ leh, klei anăn ală hmei ƀuh leh, klei anăn hmei dlăng leh, leh anăn kngan hmei ruêh leh.

Klei Bi Êdah 10:6

leh anăn kat asei hŏng Pô dôk hdĭp hlăm jih jang ênuk, Pô hrih leh adiê leh anăn jih jang mnơ̆ng hlăm adiê, lăn ala leh anăn jih jang mnơ̆ng hlăm lăn ala, leh anăn êa ksĭ leh anăn mnơ̆ng hlăm êa ksĭ, amâo srăng lŏ bi krư̆i ôh,

Klei Bi Êdah 14:7

Ñu lač hŏng asăp kraih, “Huĭ mpŭ bĕ kơ Aê Diê leh anăn brei klei guh kơang kơ Ñu, kyuadah mông Ñu phat kđi truh leh. Leh anăn kkuh mpŭ bĕ kơ Ñu, Pô hrih adiê, lăn ala, êa ksĭ, leh anăn jih jang akŏ êa.”

Klei Bi Êdah 21:6

Leh anăn Ñu lač kơ kâo, “Jih bruă leh! Kâo jing Alpha leh anăn Ômêga, klei mphŭn dơ̆ng leh anăn klei knhal tuč. Kơ hlei pô mhao, kâo srăng brei hơăi mang êa hdĭp mơ̆ng akŏ êa hdĭp.

Klei Bi Êdah 22:13

Kâo jing Alpha leh anăn Ômêga, Pô êlâo hĭn leh anăn Pô knhal tuč, klei mphŭn dơ̆ng leh anăn klei knhal tuč.”

Klei Bi Êdah 3:14

“Čih bĕ kơ dĭng buăl jăk Phung Sang Aê Diê ti ƀuôn Laôdisê snei: Nĕ snei Pô Amen lač, Pô hưn sĭt suôr leh anăn sĭt nik, Pô phŭn kơ klei Aê Diê hrih.

Klei Bi Êdah 4:11

“Ơ Khua Yang leh anăn Aê Diê hmei, Ih mâo klei năng mă tŭ klei guh kơang, klei mpŭ, leh anăn klei myang, kyuadah Ih hrih leh jih jang mnơ̆ng, leh anăn tui si Ih čiăng diñu jing leh, leh anăn Ih hrih leh diñu.”