I Y-Samuel 9:3 - Klei Aê Diê Blŭ 2015

³ Aseh dliê Y-Kis ama Y-Sôl wơr êlan. Snăn Y-Kis lač kơ Y-Sôl anak êkei ñu, “Mă bĕ sa čô hlăm phung dĭng buăl mbĭt hŏng ih, kgŭ bĕ nao duah aseh dliê.”

I Y-Samuel 9:3 Iomraidhean Croise

Phung Khua Phat Kđi 10:4

Ñu mâo tlâo pluh čô anak êkei đĭ tlâo pluh drei aseh dliê; leh anăn diñu mâo tlâo pluh boh ƀuôn arăng pia kdriêk čar Hawôt-Jair hlŏng kơ hruê anei. Krĭng anăn dôk hlăm ala čar Galaat.

Phung Khua Phat Kđi 5:10

Ơ phung đĭ aseh dliê kô̆, Ơ phung dôk gŭ ti añuê siam, leh anăn phung êbat ktuê êlan, mmuñ bĕ!

I Y-Samuel 10:14

Mneh Y-Sôl lač kơ ñu leh anăn kơ dĭng buăl ñu, “Ti anôk diih nao lĕ?” Ñu lač, “Čiăng duah aseh dliê, leh anăn tơdah hmei thâo hmei amâo dưi ƀuh digơ̆ ôh, hmei nao kơ Y-Samuel.”

I Y-Samuel 10:2

Hruê anei tơdah ih đuĕ mơ̆ng kâo, ih srăng bi tuôm hŏng dua čô êkei giăm msat H'Račel hlăm čar Benjamin ti ƀuôn Sêlsa, leh anăn diñu srăng lač kơ ih, ‘Aseh dliê ih nao duah arăng ƀuh leh, leh anăn ară anei ama ih amâo lŏ hnĭng ôh kơ aseh dliê, ƀiădah ñu hyưt hnĭng kơ ih, lač, “Ya kâo srăng ngă kyua anak êkei kâo?” ’

I Y-Samuel 9:2

Ñu mâo sa čô anak êkei bi anăn Y-Sôl, sa čô hlăk ai kƀăt êkei. Amâo mâo ôh sa čô êkei hlăm phung ƀuôn sang Israel kƀăt hĭn kơ ñu; mơ̆ng mra ñu phă dlông ñu jing dlông hĭn kơ phung mkăn.

I Y-Samuel 9:20

Bi kơ aseh dliê ih luč leh mâo tlâo hruê, đăm uêñ mĭn kơ diñu ôh, kyuadah arăng ƀuh leh diñu. Leh anăn kơ hlei pô arăng pioh leh jih klei yuôm hlăm čar Israel? Amâo djŏ hĕ kơ ih yơh leh anăn kơ jih sang ama ih?”

I Y-Samuel 9:4

Diñu găn čar kngư Êphraim leh anăn găn čar Salisa, ƀiădah diñu amâo ƀuh aseh dliê ôh. Diñu găn čar Salim, ƀiădah aseh dliê amâo dôk tinăn ôh. Leh anăn diñu găn čar Benjamin, ƀiădah amâo ƀuh aseh dliê ôh.