I Y-Samuel 8:3 - Klei Aê Diê Blŭ 2015

³ Phung anak êkei ñu amâo tui hlue êlan ñu ôh, ƀiădah klah đuĕ čiăng ƀơ̆ng ngăn; diñu mă tŭ ngăn sun, leh anăn bi msoh kơ klei kpă.

I Y-Samuel 8:3 Iomraidhean Croise

II Y-Samuel 15:4

Y-Apsalôm lŏ blŭ, “Ơ tơdah kâo dưi jing khua phat kđi hlăm čar! Snăn grăp čô mâo kđi amâodah klei, ñu dưi hriê kơ kâo, leh anăn kâo srăng bi kpă brei klei ñu.”

Klei Mmuñ Hđăp 15:5

Ñu amâo brei ôh arăng čan prăk ñu hŏng klei čiăng ƀơ̆ng mnga, kăn mă tŭ rei ngăn sun čiăng ngă kơ phung ênuah. Hlei pô ngă snăn amâo srăng tuôm mgei ôh.

Klei Mmuñ Hđăp 26:10

Kngan diñu ngă klei ƀai nanao, leh anăn kngan hnuă diñu bŏ hŏng ngăn sun.

Klei Kbiă 18:21

Leh anăn ruah bĕ mơ̆ng phung ƀuôn sang phung êkei mâo klei dưi, thâo huĭ mpŭ kơ Aê Diê, ênuah ênô, bi êmut kơ klei sun ngăn. Brei phung anăn jing khua kơ sa êbâo čô, kơ sa êtuh čô, kơ êma pluh čô, leh anăn kơ pluh čô.

Klei Kbiă 23:6

Đăm bi mtah ôh klei năng hlăm kđi mnuih ƀun.

Klei Kbiă 23:8

Đăm mă ôh mnơ̆ng sun ngăn, kyuadah mnơ̆ng sun ngăn bi bum ală phung khua, leh anăn bi mtah klei kđi phung kpă.

Khua Pô Mtô 2:19

leh anăn hlei thâo thâodah ñu srăng jing sa čô thâo mĭn amâodah mluk? Ƀiădah ñu srăng jing khua kơ jih jang mnơ̆ng kâo mâo hŏng klei suăi leh anăn klei thâo mĭn kâo ti gŭ yang hruê. Klei anăn msĕ mơh jing klei hơăi mang.

Y-Êsai 1:23

Phung khua kiă kriê ih jing phung bi kdơ̆ng, găp hŏng phung knĕ. Grăp čô khăp kơ ngăn sun leh anăn tui tiŏ klei mưn. Diñu amâo mgang phung anak êrĭt ôh, kăn diñu uêñ rei kơ klei kpă phung mniê djiê ung.

Y-Êsai 33:15

Pô dôk dơ̆ng ƀơ̆ng huă hŏng klei kpă ênô leh anăn blŭ klei djŏ, pô bi êmut kơ ngăn ƀơ̆ng hŏng klei ktư̆ juă, pô ktah kngan huĭdah mă tŭ ngăn sun, pô kăt knga amâo čiăng hmư̆ ôh klei tuh êrah, leh anăn pĭt ală amâo čiăng dlăng kơ klei jhat ôh.

Y-Mika 3:11

Phung khua ñu phat kđi kyua ngăn sun, phung khua ngă yang ñu mtô kyua ênoh mưn, phung khua pô hưn êlâo ñu bi êdah klei hgăm kyua prăk. Ƀiădah diñu knang kơ Yêhôwa leh anăn lač, “Amâo djŏ hĕ Yêhôwa dôk ti krah drei? Amâo mâo klei jhat ôh srăng truh kơ drei.”

Klei Mtô Mñă Klei Bhiăn 16:19

Đăm bi msoh kơ klei kpă ôh; đăm dôk sa nah tĭng ôh; đăm mă tŭ ngăn sun ôh; kyuadah ngăn sun bi bum ală phung thâo mĭn leh anăn bi msoh klei pô kpă.

I Y-Timôthê 3:3

amâo jing mnuih kpiê ruă ôh, amâo jing mnuih krêñ ôh ƀiădah êdu, amâo bi mneh msao, amâo khăp kơ prăk ôh.

I Y-Timôthê 6:10

Kyuadah klei khăp kơ prăk jing agha kơ jih jang klei jhat; leh anăn kyua klei tluh anăn đa đa klah đuĕ leh mơ̆ng klei đăo leh anăn bi truh kơ ai tiê diñu lu klei rŭng ênguôt.

I Y-Samuel 12:2

Nĕ anei, sa čô mtao anei atăt ba diih; bi kâo, mduôn leh, ƀŭk kâo kô̆ leh, leh anăn nĕ anei phung anak êkei kâo dôk mbĭt hŏng diih. Kâo êbat leh ti anăp diih mơ̆ng kâo hlăk ai truh kơ hruê anei.

I Y-Samuel 2:35

Leh anăn Kâo srăng ruah kơ Kâo pô sa čô khua ngă yang sĭt suôr, pô srăng ngă tui si ai tiê Kâo leh anăn klei mĭn Kâo; leh anăn Kâo srăng mdơ̆ng ñu jing sa boh sang kjăp, leh anăn ñu srăng mă bruă hlŏng lar ti anăp pô Kâo trôč êa ƀâo mngưi.