I Y-Samuel 7:3 - Klei Aê Diê Blŭ 2015

³ Y-Samuel lač kơ jih sang Israel, “Tơdah diih lŏ wĭt kơ Yêhôwa hŏng jih ai tiê diih, snăn mă hwiê hĕ phung yang tue leh anăn phung yang mniê Astarôt mơ̆ng krah diih, leh anăn gai ai tiê diih phă Yêhôwa, mă bruă knŏng kơ Ñu, snăn kơh Ñu srăng bi mtlaih diih mơ̆ng kngan phung Philistin.”

I Y-Samuel 7:3 Iomraidhean Croise

Klei Mphŭn Dơ̆ng 35:2

Snăn Y-Yakôp lač kơ sang ñu leh anăn kơ jih jang phung dôk mbĭt hŏng ñu, “Lui hĕ rup yang tue ti krah diih. Bi doh bĕ diih pô, leh anăn bi mlih čhum ao diih.

I Bruă Mtao 11:33

kyuadah ñu lui wir Kâo leh anăn kkuh mpŭ leh kơ Astarôt yang mniê phung Sidôn, Čhêmôs yang phung Môap, Milkôm yang phung Amôn, leh anăn ñu amâo êbat ôh hlăm êlan Kâo, čiăng ngă ya jing kpă ti anăp ală Kâo leh anăn djă pioh klei bhiăn Kâo leh anăn klei Kâo mtrŭn, msĕ si Y-Đawit ama ñu ngă leh.

I Bruă Mtao 8:48

tơdah diñu kmhal hŏng jih klei mĭn leh anăn hŏng jih ai tiê hlăm čar phung roh diñu, phung mă ba diñu jing mnă, leh anăn diñu wah lač kơ Ih phă čar diñu pô, čar Ih brei leh kơ phung aê diñu, ƀuôn Ih ruah leh, leh anăn sang kâo mdơ̆ng leh kơ Anăn Ih;

II Bruă Mtao 17:39

ƀiădah brei diih huĭ mpŭ kơ Yêhôwa Aê Diê diih, leh anăn Ñu srăng bi mtlaih diih mơ̆ng kngan jih jang phung roh diih.”

II Bruă Mtao 23:15

Êbeh kơ anăn knưl ti ƀuôn Bêthel anôk dlông Y-Jêrôbôam anak êkei Y-Nêbat mdơ̆ng leh, pô bi msoh leh phung Israel, knưl leh anăn anôk dlông anăn ñu klư̆ leh anăn bi mčah đơ điêt boh tâo gơ̆, tlê dŏ anăn tơl ƀhĭ; leh anăn ñu čuh sa ƀĕ gơ̆ng kŭt rup yang Asêra msĕ mơh.

I Klei Yăl Dliê 22:19

Ară anei čuăn bĕ hlăm klei mĭn leh anăn ai tiê diih čiăng duah Yêhôwa Aê Diê diih. Kgŭ bĕ leh anăn mdơ̆ng anôk doh jăk kơ Yêhôwa Aê Diê, čiăng kơ hip klei bi mguôp Yêhôwa leh anăn čhiên mngan doh jăk Aê Diê arăng dưi ba mŭt dưm hlăm sa boh sang mdơ̆ng leh kơ anăn Yêhôwa.”

I Klei Yăl Dliê 28:9

Leh anăn bi ih, Ơ Y-Salômôn anak êkei kâo, thâo kral bĕ Aê Diê ama ih, leh anăn mă bruă bĕ kơ ñu hŏng jih ai tiê leh anăn hŏng klei mĭn čiăng; kyuadah Yêhôwa ksiêm dlăng jih jang ai tiê, leh anăn ñu thâo săng jih jang hdră leh anăn klei mĭn. Tơdah ih duah ñu, ñu srăng brei ih ƀuh ñu; ƀiădah tơdah ih lui ñu, ñu srăng suôt ih hlŏng lar.

II Klei Yăl Dliê 19:3

Ƀiădah ăt arăng ƀuh mâo klei jăk hlăm ih, kyuadah ih bi rai leh rup yang Asêra mơ̆ng čar, leh anăn ai tiê ih čuăn duah Aê Diê.”

II Klei Yăl Dliê 20:33

Ƀiădah ñu amâo bi rai ôh anôk dlông; phung ƀuôn sang ka pioh ôh ai tiê diñu kơ Aê Diê phung aê diñu.

II Klei Yăl Dliê 30:19

hlei pô čuăn ai tiê čiăng duah Aê Diê, Yêhôwa Aê Diê kơ phung aê diñu, wăt tơdah amâo djŏ ôh tui si klei bhiăn kơ adŭ doh jăk.”

Klei Bi Hriêng 16:1

Hdră mĭn kbiă hriê mơ̆ng mnuih, ƀiădah klei lŏ wĭt lač kbiă hriê mơ̆ng Yêhôwa.

Y-Êsai 55:7

Brei pô ƀai lui hĕ êlan ñu pô, leh anăn brei mnuih wê lui klei ñu mĭn. Brei ñu lŏ wĭt kơ Yêhôwa čiăng Gơ̆ srăng pap kơ ñu, kơ Aê Diê drei kyuadah Gơ̆ srăng pap brei êbeh dlai.

Y-Yêrêmi 24:7

Kâo srăng brei kơ diñu ai tiê thâo kral kơ Kâo jing Yêhôwa; leh anăn diñu srăng jing phung ƀuôn sang Kâo, leh anăn Kâo srăng jing Aê Diê diñu, kyuadah diñu srăng lŏ wĭt kơ Kâo hŏng jih ai tiê diñu.’

Y-Yêrêmi 36:3

Năng ai sang Israel srăng hmư̆ jih jang klei jhat Kâo mĭn leh čiăng ngă kơ diñu, snăn grăp čô dưi wir đuĕ mơ̆ng êlan jhat ñu, snăn Kâo dưi pap brei klei wê leh anăn klei soh diñu.”

Y-Yêrêmi 4:1

“Ơ Israel, tơdah ih lŏ wĭt, lŏ wĭt bĕ kơ Kâo,” Yêhôwa lač. “Tơdah ih mă hwiê hĕ mơ̆ng anăp Kâo klei Kâo bi êmut kheh, leh anăn amâo ngă kĭ kơ̆ ôh,

Y-Êsêkiêl 14:6

Kyuanăn lač bĕ kơ sang Israel, ‘Snei Yêhôwa Aê Diê lač: “Kmhal bĕ leh anăn lui hĕ rup yang diih; leh anăn wir hĕ ƀô̆ mta diih mơ̆ng jih jang klei jhat Kâo bi êmut kheh diih ngă leh.

Y-Êsêkiêl 18:31

Mă hwiê hĕ jih jang klei soh diih ngă leh hŏng Kâo, leh anăn mă bĕ kơ diih pô ai tiê mrâo leh anăn mngăt myang mrâo! Ya diih čiăng djiê lĕ, Ơ sang Israel?’

Y-Ôsê 14:1

Ơ Israel, lŏ wĭt bĕ kơ Yêhôwa Aê Diê ih, kyuadah ih lĕ buh leh kyua klei soh ih.

Y-Mathiơ 15:8

‘Phung anei mpŭ kơ Kâo hŏng ƀăng kƀông, ƀiădah ai tiê diñu kbưi mơ̆ng Kâo,

Y-Mathiơ 4:10

Yêsu lač kơ ñu, “Đuĕ bĕ Satan! Kyuadah Klei Aê Diê Blŭ čih leh snei: ‘Brei ih kkuh mpŭ kơ Khua Yang Aê Diê ih, leh anăn brei ih mă bruă knŏng kơ Ñu yơh.’ ”

Y-Mathiơ 6:24

“Sa čô amâo dưi ôh jing hlŭn kơ dua čô khua; kyuadah ñu srăng bi êmut kơ sa čô anei leh anăn khăp kơ sa čô mkăn. Amâodah ñu srăng mpŭ kơ pô anei leh anăn bi êmut kơ pô mkăn. Diih amâo dưi ôh mă bruă kơ Aê Diê wăt kơ klei jing mdrŏng.

Y-Luk 4:8

Yêsu lŏ wĭt lač kơ ñu, “Klei Aê Diê Blŭ čih leh snei, ‘Brei ih kkuh mpŭ kơ Khua Yang Aê Diê ih, leh anăn mă bruă knŏng kơ Ñu yơh.’ ”

Y-Yôhan 4:24

Aê Diê jing Mngăt Myang, leh anăn hlei pô čiăng kkuh mpŭ kơ Ñu, brei kkuh mpŭ hŏng mngăt leh anăn hŏng klei sĭt nik.”

Klei Mtô Mñă Klei Bhiăn 10:20

Brei diih huĭ mpŭ kơ Yêhôwa Aê Diê diih; brei diih mă bruă kơ Ñu leh anăn dôk giăm Ñu, leh anăn diih srăng kat asei hŏng anăn Ñu.

Klei Mtô Mñă Klei Bhiăn 13:4

Brei diih êbat tui hlue Yêhôwa Aê Diê diih leh anăn huĭ mpŭ kơ Ñu, djă pioh klei Ñu mtă leh anăn gưt asăp kơ Ñu, leh anăn brei diih mă bruă kơ Ñu leh anăn dôk bi mguôp hŏng Ñu.

Klei Mtô Mñă Klei Bhiăn 4:29

Ƀiădah mơ̆ng anôk anăn diih srăng duah Yêhôwa Aê Diê diih, leh anăn diih srăng ƀuh Ñu tơdah diih duah Ñu hŏng jih ai tiê leh anăn jih mngăt diih.

Klei Mtô Mñă Klei Bhiăn 6:13

Brei ih huĭ mpŭ kơ Yêhôwa Aê Diê ih; brei ih mă bruă kơ Ñu, leh anăn kat asei hŏng anăn Ñu.

Y-Yôsuê 13:31

sa mkrah kdriêk čar Galaat, ƀuôn Astarôt leh anăn ƀuôn Êdrei, ƀuôn anăn hlăm ƀuôn ala mtao Y-Ôk hlăm Basan. Ƀuôn anei bi mbha kơ phung ƀuôn sang Y-Makir čô čĕ Y-Manasê kơ sa mkrah phung Makir tui si găp djuê diñu.

Y-Yôsuê 24:14

Snăn ară anei huĭ mpŭ bĕ kơ Yêhôwa, leh anăn mă bruă kơ Ñu hŏng klei ênuah leh anăn hŏng klei sĭt suôr. Hwiê hĕ phung yang phung aê diih đưm mă leh bruă ti nah yŭ Êa Krông Ơphrat leh anăn hlăm čar Êjip, leh anăn mă bruă bĕ kơ Yêhôwa.

Y-Yôsuê 24:23

Ñu lač, “snăn hwiê hĕ phung yang tue ti krah diih, leh anăn bi wir ai tiê diih phă Yêhôwa, Aê Diê phung Israel.”

Phung Khua Phat Kđi 10:16

Snăn diñu lui hĕ phung yang tue mơ̆ng ti krah diñu, leh anăn mă bruă kơ Yêhôwa; leh anăn Yêhôwa ênguôt snăk kyua klei knap mñai phung Israel.

Phung Khua Phat Kđi 10:6

Phung ƀuôn sang Israel lŏ ngă klei ƀai ti anăp ală Yêhôwa, leh anăn mă bruă kơ phung yang Baal, kơ yang Astarôt, phung yang čar Aram, phung yang ƀuôn Sidôn, phung yang čar Môap, phung yang phung Amôn, leh anăn phung yang phung Philistin; leh anăn diñu lui wir Yêhôwa, amâo mă bruă kơ Gơ̆ ôh.

Phung Khua Phat Kđi 2:11

Phung ƀuôn sang Israel ngă klei jhat ti anăp ală Yêhôwa, leh anăn mă bruă kơ phung yang Baal.

Phung Khua Phat Kđi 2:13

Diñu lui wir Yêhôwa leh anăn mă bruă kơ phung yang Baal leh anăn kơ yang Astarôt.

I Y-Samuel 31:10

Diñu dưm ao msei gơ̆ hlăm sang yang Astarôt, leh anăn diñu pơ̆ng asei mlei djiê Y-Sôl ti mnư̆ ƀuôn Bet-San.