I Y-Samuel 5:4 - Klei Aê Diê Blŭ 2015

⁴ Ƀiădah tơdah diñu kgŭ ưm aguah êdei, nĕ anei Dagôn êbuh leh kŭp ƀô̆ ti lăn ti anăp hip Yêhôwa, boh kŏ Dagôn leh anăn dua ƀĕ kngan gơ̆ tloh leh dôk ti mdhă anôk mŭt ƀăng bhă; ăt dôk knŏng asei mlei Dagôn.

I Y-Samuel 5:4 Iomraidhean Croise

Y-Êsai 27:9

Kyuanăn hŏng klei anei arăng srăng bi doh klei wê phung Yakôp, leh anăn snei jing jih klei truh kyua klei bi doh klei soh diñu: Yakôp srăng brei jih jang boh tâo knưl jing msĕ si boh tâo čŭr ƀhĭ leh, amâo srăng mâo phung yang Asêra leh anăn knưl čuh mnơ̆ng ƀâo mngưi ăt dôk ôh.

Y-Êsai 40:20

Pô ƀun ƀin êdi ruah sa ƀĕ kyâo amâo thâo brŭ ôh; ñu duah sa čô mnuih mbruă čiăng krah rup yang amâo thâo mgei ôh.

Y-Yêrêmi 10:11

“Snei brei ih lač kơ diñu: ‘Phung yang anei amâo tuôm mjing phung adiê leh anăn lăn ala srăng rai tuč mơ̆ng lăn ala leh anăn mơ̆ng ti gŭ phung adiê.’ ”

Y-Yêrêmi 10:14

Grăp čô mnuih jing mluk leh anăn amâo mâo klei thâo săng ôh; grăp čô mnuih tia mah mâo klei hêñ kyua rup yang ñu tia leh, kyuadah rup yang ñu jing yang amâo sĭt ôh, leh anăn digơ̆ amâo thâo bi êwa ôh.

Y-Yêrêmi 10:15

Digơ̆ jing hơăi mang, jing bruă klei mplư; truh hruê arăng bi kmhal digơ̆, digơ̆ srăng rai tuč.

Y-Yêrêmi 50:2

“Hưn bi êdah bĕ ti krah phung găp djuê mnuih, mđĭ čhiăm gru leh anăn hưn bĕ, đăm mdăp klei anăn ôh, leh anăn lač: ‘Arăng mă leh ƀuôn Ƀaƀilôn, arăng bi hêñ leh yang Bel, yang Mêrôdak bŏ hŏng klei huĭ. Arăng bi hêñ leh rup krah ñu, rup yang ñu dlưh rai leh.’

Y-Đaniel 11:8

Ñu srăng mă ba kơ čar Êjip rup yang leh anăn rup krah phung čar Dưr, leh anăn wăt čhiên mngan yuôm ngă hŏng prăk leh anăn hŏng mah. Êjai đa đa thŭn ñu amâo srăng lŏ bi kdơ̆ng hŏng mtao čar Dưr ôh.

Y-Mika 1:7

Jih jang rup krah ñu srăng mčah đơ điêt, jih jang ênoh mưn ñu arăng srăng čuh hĕ hlăm pui, leh anăn Kâo srăng bi rai hĕ jih jang rup yang ñu. Kyuadah ñu mă tŭ mnơ̆ng anăn hŏng ênoh mưn mơ̆ng klei knhông, leh anăn dŏ anăn srăng lŏ wĭt jing ênoh mưn sa čô mniê knhông.

I Y-Samuel 6:5

Snăn brei diih ngă rup kdloh mlŭn diih leh anăn rup kkuih diih, mnơ̆ng bi rai čar diih, leh anăn brei klei guh kơang kơ Aê Diê Israel. Năng ai Ñu srăng hrui kngan Ñu mơ̆ng diih, mơ̆ng phung yang diih, leh anăn mơ̆ng čar diih.