I Y-Samuel 4:3 - Klei Aê Diê Blŭ 2015

³ Tơdah phung kahan wĭt kơ anôk kđông, phung khua mduôn Israel lač, “Si ngă Yêhôwa brei phung Philistin dưi hŏng drei hruê anei? Brei drei ba tinei hip klei bi mguôp Yêhôwa mơ̆ng ƀuôn Silô, čiăng kơ hip anăn dưi hriê ti krah drei leh anăn bi mtlaih drei mơ̆ng klei ktang phung roh drei.”

I Y-Samuel 4:3 Iomraidhean Croise

II Y-Samuel 15:25

Leh anăn mtao lač kơ Y-Sadôk, “Kkung ba wĭt bĕ hip Aê Diê kơ ƀuôn. Tơdah kâo srăng mâo klei pap ti anăp ală Yêhôwa, Ñu srăng lŏ atăt wĭt kâo, leh anăn brei kâo ƀuh hip leh anăn anôk Yêhôwa dôk.

I Klei Yăl Dliê 17:1

Tơdah Y-Đawit dôk hlăm sang ñu pô, Y-Đawit lač kơ khua pô hưn êlâo Y-Nathan, “Nĕ anei, kâo dôk hlăm sa boh sang ngă hŏng kyâo sêdar, ƀiădah hip klei bi mguôp Yêhôwa dôk ti gŭ sang čhiăm.”

Klei Mmuñ Hđăp 74:1

Ơ Aê Diê, ya ngă Ih lui hĕ hmei, ya ngă Ih ngêñ kơ phung biăp hlăm kdrăn rơ̆k mda Ih hlŏng lar?

Klei Mmuñ Hđăp 74:11

Ya ngă Ih kñŭn hĕ kngan Ih, ya ngă Ih amâo yơr kngan hnuă bi rai diñu ôh?

Y-Êsai 50:1

Snei Yêhôwa lač: “Ti hră klei bi lui ung mô̆ amĭ diih, hŏng hră anăn Kâo lui ñu leh? Amâodah kơ hlei pô hlăm phung Kâo đuôm nư Kâo čhĭ diih leh? Nĕ anei, kyua klei wê ih yơh arăng čhĭ leh diih, leh anăn kyua klei diih gao klei bhiăn arăng lui leh amĭ diih.

Y-Êsai 58:3

‘Ya ngă hmei kăm ƀơ̆ng huă leh anăn ih amâo ƀuh ôh? Ya ngă hmei bi luă gŭ hmei pô leh anăn ih amâo uêñ kơ klei anăn ôh?’ Kyuadah hruê diih kăm ƀơ̆ng huă diih duah klei bi mơak kơ diih pô, leh anăn ktư̆ juă jih jang phung mă bruă kơ diih.

Y-Êsai 59:1

Nĕ anei, kngan Yêhôwa amâo jing đŭt ôh tơl Ñu amâo dưi bi mtlaih, knga Ñu kăn dăl rei tơl Ñu amâo dưi hmư̆ ôh.

Y-Êsai 59:2

Ƀiădah klei wê diih yơh bi ktlah leh diih mơ̆ng Aê Diê diih. Klei soh diih yơh mdăp hĕ leh ƀô̆ mta Ñu mơ̆ng diih tơl Ñu amâo hmư̆ ôh.

Y-Yêrêmi 3:16

Tơdah diih jing lar leh anăn êngŭm leh hlăm čar, hlăm hruê anăn Yêhôwa lač, diñu amâo srăng lŏ lač ôh, ‘Hip klei bi mguôp Yêhôwa.’ Arăng amâo srăng lŏ mĭn amâo lŏ hdơr amâo lŏ hnĭng kơ hip anăn ôh; arăng amâo srăng lŏ ngă ñu ôh.

Y-Yêrêmi 7:4

Đăm diih knang ôh kơ klei blŭ mplư anei: “Anei jing sang yang Yêhôwa, sang yang Yêhôwa, sang yang Yêhôwa.”

Klei Yap 10:33

Snăn diñu đuĕ nao mơ̆ng čư̆ Yêhôwa tlâo hruê êbat; leh anăn hip klei bi mguôp Yêhôwa nao ti anăp diñu tlâo hruê êbat, čiăng duah sa anôk mdei kơ diñu.

Klei Yap 10:35

Tơdah hip đuĕ nao, Y-Môis lač, “Kgŭ bĕ Ih, Ơ Yêhôwa, leh anăn brei phung roh Ih bra đuĕ mdê mdê; leh anăn brei phung bi êmut kơ Ih đuĕ ti anăp Ih.”

Klei Yap 31:6

Y-Môis tiŏ nao diñu kơ klei bi blah, sa êbâo čô mơ̆ng grăp găp djuê, mbĭt hŏng Y-Phinêas anak êkei khua ngă yang Y-Êlêasar djă ba mbĭt hŏng ñu mnơ̆ng yua doh jăk leh anăn ki ayŭ brei răng.

Klei Mtô Mñă Klei Bhiăn 29:24

sĭt yơh, jih jang phung găp djuê srăng lač, ‘Si ngă Yêhôwa ngă snei kơ čar anei? Si ngă klei hlơr, klei ngêñ prŏng anei?’

Klei Mtô Mñă Klei Bhiăn 31:26

“Mă bĕ hdruôm hră klei bhiăn anei leh anăn dưm gơ̆ ti djiêô hip klei bi mguôp Yêhôwa Aê Diê diih, čiăng gơ̆ dưi dôk tinăn jing sa klei hưn bi kdơ̆ng hŏng diih.

II Y-Timôthê 3:5

ngă klei mpŭ knŏng ti êngao ƀiădah hngah klei myang mơ̆ng klei kkuh mpŭ anăn. Brei ih đuĕ mơ̆ng phung anăn.

Hêbrơ 9:4

mâo knưl mah pioh čuh mnơ̆ng ƀâo mngưi leh anăn hip klei bi mguôp luôm mah sơăi. Hlăm hip anăn mâo sa boh čeh mah arăng dưm mana, giê Y-Arôn bi mnga leh, leh anăn mdhă boh tâo klei bi mguôp.

Y-Yôsuê 4:7

Hlăk anăn diih srăng lač kơ diñu, Êa krông Yurdan khuôt hĕ ti anăp hip klei bi mguôp Yêhôwa; tơdah hip găn êa krông Yurdan, êa khuôt hĕ. Snăn yơh boh tâo anei srăng jing nanao sa klei bi hdơr kơ phung ƀuôn sang Israel.”

Y-Yôsuê 6:6

Snăn, Y-Yôsuê anak êkei Y-Nun iêô phung khua ngă yang leh anăn lač kơ digơ̆, “Kkung bĕ hip klei bi mguôp, leh anăn brei kjuh čô khua ngă yang djă kjuh ƀĕ ki biăp knô ti anăp hip Yêhôwa.”

Y-Yôsuê 7:7

Y-Yôsuê lač, “Hbơih, Ơ Khua Yang Aê Diê, si ngă Ih atăt hĕ phung ƀuôn sang anei brei găn êa krông Yurdan, čiăng jao hmei hlăm kngan phung Amôrit bi rai hmei? Jăk hĭn hmei dôk nah dih êa krông Yurdan!

Y-Yôsuê 7:8

Ơ Yêhôwa, ya kâo dưi lač kyuadah phung Israel wir leh rŏng ti anăp phung roh diñu!

I Y-Pêtrôs 3:21

Êa anăn jing klei bi hmô kơ klei ƀaptem bi mtlaih diih ară anei, amâo djŏ klei bi doh klei čhŏ asei mlei ôh, ƀiădah jing klei kwưh ƀuăn kơ Aê Diê mơ̆ng ai tiê kpă jăk, hŏng klei Yêsu Krist kbiă lŏ hdĭp.

Y-Yut 1:5

Kâo čiăng bi hdơr kơ diih, wăt tơdah diih thâo leh klă jih klei anăn dưn, tơdah leh Khua Yang bi mtlaih sa phung ƀuôn sang mơ̆ng čar Êjip, êdei tinăn Ñu bi rai phung amâo đăo ôh.

I Y-Samuel 1:24

Tơdah gơ̆ lui mam leh, H'An atăt ba gơ̆ mbĭt hŏng ñu mbĭt hŏng sa drei êmô knô mâo tlâo thŭn, sa êphah kpŭng ƀhĭ, leh anăn sa kdô klĭt kpiê. Ñu atăt ba gơ̆ kơ sang Yêhôwa ti ƀuôn Silô. Hđeh anăn ăt dôk mda.

I Y-Samuel 14:18

Y-Sôl lač kơ Y-Ahija, “Kkung ba hip Aê Diê tinei,” kyuadah ênuk anăn hip Aê Diê arăng kkung hiu mbĭt hŏng phung ƀuôn sang Israel.

I Y-Samuel 4:2

Phung Philistin dăp bi blah hŏng phung Israel, leh anăn tơdah klei bi blah dơ̆ng ktang hĭn, phung Philistin dưi hŏng phung Israel, bi mdjiê hlăm brô pă êbâo čô êkei ti kdrăn bi blah.