I Y-Samuel 3:9 - Klei Aê Diê Blŭ 2015

⁹ Snăn Y-Hêli lač kơ Y-Samuel, “Nao đih bĕ; leh anăn tơdah ñu lŏ iêô ih, brei ih lač, ‘Blŭ bĕ, Ơ Yêhôwa, kyuadah dĭng buăl Ih dôk hmư̆.’ ” Snăn Y-Samuel nao đih ti anôk ñu.

I Y-Samuel 3:9 Iomraidhean Croise

Klei Mmuñ Hđăp 85:8

Kâo srăng hmư̆ ya klei Aê Diê Yêhôwa srăng lač; kyuadah Ñu srăng blŭ klei êđăp ênang kơ phung ƀuôn sang Ñu, kơ phung doh jăk Ñu, ƀiădah đăm brei diñu lŏ wĭt ngă klei mluk ôh.

Klei Mmuñ Hđăp 85:9

Sĭt nik klei Ñu bi mtlaih giăm truh kơ phung huĭ mpŭ kơ Ñu, čiăng kơ čar drei dưi mâo klei guh kơang.

Klei Kbiă 20:19

Diñu lač kơ Y-Môis, “Brei ih pô blŭ kơ hmei, leh anăn hmei srăng dôk hmư̆; ƀiădah đăm brei ôh Aê Diê blŭ kơ hmei, huĭdah hmei srăng djiê.”

Y-Êsai 6:8

Leh anăn kâo hmư̆ asăp Khua Yang lač, “Hlei pô kâo srăng tiŏ nao? Hlei pô srăng nao brei kơ drei?” Hlăk anăn kâo lač, “Tinei kâo, tiŏ nao kâo bĕ.”

Y-Đaniel 10:19

Ñu lač, “Đăm huĭ ôh, Ơ pô arăng khăp snăk, dôk êđăp ênang bĕ; dôk ktang, bi mđĭ ai bĕ.” Tơdah ñu blŭ kơ kâo, kâo lŏ mâo ai ktang leh anăn kâo lač, “Ơ, brei khua kâo blŭ bĕ, kyuadah ih bi ktang kâo leh.”

Bruă Phung Khua Ƀĭng Kna 9:6

Kgŭ bĕ mŭt hlăm ƀuôn, leh anăn arăng srăng lač kơ ih ya klei ih srăng ngă.”

Y-Yôsuê 5:14

Gơ̆ lač, “Hơăi, kâo jing khua kơ phung kahan Yêhôwa. Snăn yơh kâo hriê anei.” Y-Yôsuê kŭp ƀô̆ ti lăn kkuh mpŭ, leh anăn lač kơ gơ̆, “Ya klei khua kâo mtă kơ dĭng buăl ih?”

I Y-Samuel 3:10

Yêhôwa hriê leh anăn dôk dơ̆ng leh anăn iêô msĕ si êlâo, “Ơ Y-Samuel! Ơ Y-Samuel!” Leh anăn Y-Samuel lač, “Blŭ bĕ, kyuadah dĭng buăl Ih dôk hmư̆.”

I Y-Samuel 3:8

Yêhôwa lŏ iêô Y-Samuel tal tlâo, leh anăn gơ̆ kgŭ nao kơ Y-Hêli leh anăn lač, “Kâo tinei, kyua ih iêô kâo leh.” Hlăk anăn Y-Hêli thâo săng kơ Yêhôwa iêô hđeh êdam anăn.