3 Đăm lŏ blŭ ôh hŏng klei mgao snăk, đăm brei klei mgao kbiă mơ̆ng ƀăng êgei ih ôh; kyuadah Yêhôwa jing Aê Diê kơ klei thâo mĭn, leh anăn Ñu mkă hnơ̆ng jih bruă arăng ngă.
hlăk anăn hmư̆ bĕ mơ̆ng adiê anôk Ih dôk, leh anăn pap brei, ngă bĕ, bi wĭt kơ grăp čô tui si Ih thâo kral ai tiê ñu, tui si jih êlan ñu (kyuadah Ih, knŏng Ih yơh thâo kral ai tiê jih jang anak mnuih);
brei Aê Diê mkă kâo hlăm sa knăng djŏ, leh anăn brei Ñu thâo klei ênuah ênô kâo!
Khua Yang drei jing prŏng leh anăn bŏ hŏng klei myang, klei Ñu thâo săng amâo mâo knhal ôh.
Diñu kđăl ai tiê diñu kơ klei pap; ƀăng kƀông diñu blŭ mgao.
Brei kƀông phung luar jing kmlô, diñu blŭ bi kdơ̆ng hŏng phung kpă hŏng klei jhat, hŏng klei mgao leh anăn klei bi êmut.
amâo djŏ hĕ Aê Diê dưi thâo klei anăn? Kyuadah Ñu thâo klei hgăm hlăm ai tiê.
Đăm kngưr kŏ ngă jhŏng ôh, leh anăn đăm blŭ klei mgao ôh.
Diñu blŭ nanao hŏng klei mgao; jih jang phung ngă klei wê bi mni kơ diñu pô.
Jih jang êlan mnuih jing doh kơ ală ñu pô, ƀiădah Yêhôwa ksiêm klei ai tiê čiăng.
Tơdah ih lač, “Nĕ anei, hmei amâo thâo ôh klei anăn,” amâo djŏ hĕ Pô ksiêm ai tiê ƀuh leh klei anăn? Amâo djŏ hĕ Pô kiă kriê mngăt ih thâo leh klei anăn? Leh anăn amâo djŏ hĕ ñu srăng bi wĭt kơ grăp čô tui si bruă gơ̆ ngă leh?
Klei huĭ mpŭ kơ Yêhôwa jing klei bi êmut kơ klei jhat, kâo bi êmut kơ klei krưh, klei mgao, êlan klei jhat leh anăn klei blŭ wê.
Êlan phung kpă ênô jing dap, Ơ Pô Kpă, Ih ngă bi dap êlan phung kpă ênô.
Kơ hlei pô ih mưč leh anăn dlao wač lĕ? Kơ hlei pô ih bi kdơ̆ng hŏng asăp ur leh anăn dlăng hŏng klei mgao? Kơ Pô Doh Jăk phung Israel yơh!
Kâo jing Yêhôwa Pô kăp ksiêm klei mĭn leh anăn lông dlăng ai tiê arăng, čiăng brei kơ grăp čô tui si êlan ñu êbat, tui si boh mơ̆ng klei ñu ngă.”
Ih mđĭ ih pô bi kdơ̆ng hŏng Kâo hŏng ƀăng êgei ih, leh anăn bi lar klei ih blŭ bi kdơ̆ng hŏng Kâo; Kâo hmư̆ leh klei anăn.’
Ară anei, kâo gơ̆ Y-Nebukatnetsar bi mni, mpŭ, leh anăn mpŭ mni kơ Mtao hlăm adiê; kyuadah jih bruă Ñu jing sĭt leh anăn êlan Ñu kpă; leh anăn hlei pô êbat hlăm klei mgao Ñu dưi bi mdlưh hĕ.
TÊKEL: Arăng mkă ih leh hlăm knăng leh anăn ƀuh ih kƀah.
“Klei diih blŭ jing khăng hŏng Kâo,” Yêhôwa lač, “Ƀiădah diih lač, ‘Si klei hmei blŭ bi kdơ̆ng hŏng Ih leh?’
Sĭt nik klei Aê Diê blŭ jing hdĭp leh anăn myang, ƀơ̆ng hĭn kơ sa ƀĕ đao gưm mâo dua nah mta, kma tơl blah ai mĭn hŏng mngăt, klang bi kkuh hŏng dlô, ksiêm klei mĭn leh anăn klei ai tiê čiăng.
“Pô Myang Hĭn, Aê Diê, Yêhôwa! Pô Myang Hĭn, Aê Diê, Yêhôwa! Ñu thâo klei anei; leh anăn brei phung Israel thâo klei anei! Tơdah hŏng klei bi kdơ̆ng amâodah hlăm klei amâo dôk sĭt suôr hŏng Yêhôwa ôh, đăm hơưi kơ hmei ôh hruê anei
Kâo srăng bi mdjiê phung anak ñu. Leh anăn jih jang Phung Sang Aê Diê srăng thâo kơ Kâo jing Pô ksiêm klei mĭn leh anăn ai tiê, leh anăn Kâo srăng brei kơ grăp čô diih tui si bruă diih ngă.
Leh anăn Y-Sêbul lač kơ ñu, “Ti anôk ƀăng kƀông ih, pô lač, ‘Hlei pô Y-Abimêlek, čiăng kơ drei mă bruă kơ ñu?’ Amâo djŏ hĕ phung anei jing phung ih bi êmut? Nao bĕ ară anei bi blah hŏng diñu.”
Ƀiădah Yêhôwa lač kơ Y-Samuel, “Đăm dlăng asei mlei ti êngao amâodah kơ klei ñu dlông awan ôh, kyuadah Kâo hngah kơ ñu leh. Kyuadah Yêhôwa amâo dlăng msĕ si mnuih dlăng ôh; mnuih dlăng asei mlei ti êngao, ƀiădah Yêhôwa dlăng kơ ai tiê.”