I Y-Samuel 13:4 - Klei Aê Diê Blŭ 2015

⁴ Jih jang phung Israel hmư̆ klei anăn lač, Y-Sôl dưi leh hŏng kđông phung Philistin, leh anăn msĕ mơh phung Philistin bi êmut snăk kơ phung Israel. Leh anăn arăng iêô phung ƀuôn sang brei bi mguôp hŏng Y-Sôl ti ƀuôn Gilgal.

I Y-Samuel 13:4 Iomraidhean Croise

Klei Mphŭn Dơ̆ng 34:30

Y-Yakôp lač kơ Y-Simêôn leh anăn Y-Lêwi, “Diih bi truh klei rŭng răng kơ kâo leh anăn brei phung mnuih ƀuôn sang phung Kanaan leh anăn phung Pêrisit bi êmut kơ kâo. Kâo jing knŏng phung ƀiă; tơdah diñu srăng bi kƀĭn mđrăm mbĭt bi kdơ̆ng hŏng kâo leh anăn ngă kơ kâo, kâo srăng rai tuč mbĭt hŏng sang kâo.”

Klei Kbiă 5:21

Diñu lač kơ Y-Môis leh anăn kơ Y-Arôn, “Brei Yêhôwa dlăng kơ diih leh anăn phat kđi, kyuadah diih brei Pharaôn leh anăn phung dĭng buăl ñu bi êmut kơ hmei. Diih dưm leh sa ƀĕ đao gưm hlăm kngan diñu čiăng bi mdjiê hmei.”

Y-Sakari 11:8

Hlăm sa mlan kâo bi rai leh tlâo čô mgăt biăp. Ƀiădah mngăt kâo amâo thâo gĭr hŏng diñu ôh, leh anăn msĕ mơh mngăt diñu bi êmut kơ kâo.

I Y-Samuel 10:8

Leh anăn ih srăng trŭn êlâo kơ kâo ti ƀuôn Gilgal; leh anăn nĕ anei, kâo srăng hriê kơ ih čiăng myơr mnơ̆ng myơr čuh leh anăn myơr mnơ̆ng ngă yang kơ klei êđăp ênang. Brei ih dôk guôn kjuh hruê tơl kâo truh kơ ih, leh anăn bi êdah kơ ih ya klei ih srăng ngă.”

Y-Yôsuê 5:9

Yêhôwa lač kơ Y-Yôsuê, “Hruê anei Kâo bi ruê̆ klei čar Êjip bi hêñ diih.” Kyuanăn arăng bi anăn kơ anôk anăn Gilgal hlŏng kơ hruê anei.

Klei Mphŭn Dơ̆ng 46:34

brei diih lač, ‘Phung dĭng buăl ih, hmei wăt phung aê hmei, rông êmô biăp dơ̆ng mơ̆ng hmei hlăk ai truh ti ară anei,’ čiăng kơ diih dưi dôk hlăm čar Gôsen; kyuadah phung mgăt biăp jing mnơ̆ng phung Êjip bi êmut kheh.”

II Y-Samuel 10:6

Tơdah phung Amôn ƀuh diñu jing phung Y-Đawit bi êmut, phung Amôn tiŏ nao mnuih mưn phung Siri ti ƀuôn Bet-Rêhôp leh anăn mơ̆ng čar Sôba, dua pluh êbâo čô kahan êbat jơ̆ng, wăt mtao ƀuôn Maka mbĭt hŏng sa êbâo čô kahan, wăt phung mnuih čar Tôp pluh dua êbâo čô kahan.

I Y-Samuel 27:12

Y-Akis knang kơ Y-Đawit êjai mĭn, “Ñu mjing ñu pô mnơ̆ng phung ƀuôn sang ñu Israel bi êmut snăk. Kyuanăn ñu srăng jing dĭng buăl kâo nanao.”