I Y-Samuel 1:3 - Klei Aê Diê Blŭ 2015

³ Grăp thŭn êkei anăn kbiă mơ̆ng ƀuôn ñu đĭ nao kơ ƀuôn Silô čiăng kkuh mpŭ leh anăn myơr mnơ̆ng ngă yang kơ Yêhôwa kơ phung kahan. Tinăn dua čô anak êkei Y-Hêli, Y-Hôphni leh anăn Y-Phinêas, jing khua ngă yang kơ Yêhôwa.

I Y-Samuel 1:3 Iomraidhean Croise

Klei Mmuñ Hđăp 78:60

Ñu lui hĕ anôk Ñu dôk ti ƀuôn Silô, sang čhiăm Ñu dôk ti krah phung mnuih.

Klei Kbiă 23:14

“Tlâo blư̆ grăp thŭn brei ih ngă klei knăm mpŭ kơ Kâo.

Klei Kbiă 23:17

Tlâo blư̆ grăp thŭn brei jih jang phung êkei ih hriê ti anăp Khua Yang Yêhôwa.

Klei Kbiă 34:23

Tlâo blư̆ grăp thŭn brei jih jang phung êkei diih bi êdah ti anăp Yêhôwa Aê Diê, Aê Diê phung Israel.

Y-Luk 2:41

Grăp thŭn amĭ ama Yêsu nao kơ ƀuôn Yêrusalem djŏ hruê Knăm Klei Găn.

Klei Mtô Mñă Klei Bhiăn 16:16

Tlâo blư̆ grăp thŭn brei jih jang phung êkei bi êdah ti anăp Yêhôwa Aê Diê diih ti anôk Ñu srăng ruah: ti knăm Kpŭng Amâo Mâo Kpei, ti knăm Kjuh Hruê Kăm, leh anăn ti knăm Sang Čhiăm. Diñu amâo dưi bi êdah ti anăp Yêhôwa kngan êhŏng ôh.

Y-Yôsuê 18:1

Jih jang phung Israel bi kƀĭn ti ƀuôn Silô leh anăn mdơ̆ng sang čhiăm klei bi kƀĭn ti anăn. Jih čar mŭt diñu leh.

Phung Khua Phat Kđi 18:31

Snăn, diñu mdơ̆ng rup krah Y-Mika ngă leh, êjai ênuk sang Aê Diê dôk ti ƀuôn Silô.

Phung Khua Phat Kđi 21:19

Snăn diñu lač, “Nĕ anei, grăp thŭn mâo sa klei knăm kơ Yêhôwa ti ƀuôn Silô, tĭng dưr ƀuôn Bêthel, tĭng ngŏ êlan đĭ nao mơ̆ng ƀuôn Bêthel truh ti ƀuôn Sičem, leh anăn tĭng dhŭng ƀuôn Lêbôna.”

I Y-Samuel 1:21

Y-Êlkana leh anăn jih jang sang ñu đĭ nao čiăng myơr kơ Yêhôwa mnơ̆ng ngă yang grăp thŭn, leh anăn čiăng bi sĭt klei ñu ƀuăn leh.

I Y-Samuel 1:9

Leh diñu huă ƀơ̆ng leh anăn mnăm ti ƀuôn Silô, H'An kgŭ. Y-Hêli khua ngă yang dôk gŭ ti sa boh mdhô̆ giăm gơ̆ng ƀăng bhă sang yang Yêhôwa.

I Y-Samuel 14:3

leh anăn mâo Y-Ahija anak êkei Y-Ahitup, hơô ao êphôt; pô anei jing adei Y-Ikabôt; Y-Ahija jing čô Y-Phinêas, čô Y-Hêli, khua ngă yang Yêhôwa ti ƀuôn Silô. Phung ƀuôn sang amâo thâo ôh kơ Y-Jônathan đuĕ nao leh.

I Y-Samuel 2:19

Grăp thŭn amĭ gơ̆ ngă kơ gơ̆ sa blah ao jhung điêt, leh anăn ba kơ gơ̆ tơdah ñu đĭ nao mbĭt hŏng ung ñu čiăng myơr mnơ̆ng ngă yang grăp thŭn.

I Y-Samuel 2:34

Leh anăn klei srăng truh kơ dua čô anak êkei ih Y-Hôphni leh anăn Y-Phinêas srăng jing klei bi knăl kơ ih: jih diñu dua srăng djiê hlăm sa hruê.

I Y-Samuel 3:13

Kâo hưn kơ ñu klei Kâo srăng bi kmhal sang ñu hlŏng lar kyua klei wê ñu thâo leh; kyuadah phung anak êkei ñu blŭ klei jhat ƀai kơ Aê Diê, ƀiădah ñu amâo kơ̆ng ghă digơ̆ ôh.

I Y-Samuel 4:11

Arăng mă leh hip Aê Diê; leh anăn arăng bi mdjiê leh dua čô anak êkei Y-Hêli, Y-Hôphni leh anăn Y-Phinêas.

I Y-Samuel 4:4

Snăn phung ƀuôn sang tiŏ nao mnuih kơ ƀuôn Silô, leh anăn ba mơ̆ng anăn, hip klei bi mguôp Yêhôwa kơ phung kahan, Pô dôk gŭ ti jhưng mtao ti krah phung čêrubim. Dua čô anak êkei Y-Hêli, Y-Hôphni leh anăn Y-Phinêas, dôk tinăn mbĭt hŏng hip klei bi mguôp Aê Diê.