I Bruă Mtao 9:9 - Klei Aê Diê Blŭ 2015

⁹ Leh anăn arăng srăng lač, ‘Kyuadah diñu lui leh Yêhôwa Aê Diê diñu, Pô bi kbiă leh phung aê diñu mơ̆ng čar Êjip, leh anăn knang kơ phung yang mkăn, kkuh mpŭ leh anăn mă bruă kơ phung yang anăn. Kyuanăn yơh Yêhôwa bi truh jih klei jhat anei kơ diñu.’ ”

I Bruă Mtao 9:9 Iomraidhean Croise

I Bruă Mtao 18:18

Gơ̆ lŏ wĭt lač, “Kâo amâo tuôm bi rŭng phung Israel ôh; ƀiădah ih leh anăn sang ama ih bi rŭng leh, kyuadah diih lui hĕ leh klei Yêhôwa mtă leh anăn tui hlue phung yang Baal.

II Bruă Mtao 22:17

Kyuadah diñu lui wir leh Kâo leh anăn čuh mnơ̆ng ƀâo mngưi kơ phung yang mkăn, tơl diñu mčhur Kâo ngêñ kơ jih jang bruă kngan diñu ngă. Kyuanăn Kâo srăng čuh ai ngêñ kơ anôk anei, leh anăn ñu amâo srăng ram ôh.

II Klei Yăl Dliê 29:8

Kyua anăn klei Yêhôwa ngêñ truh kơ phung Yuđa leh anăn kơ phung ƀuôn Yêrusalem, leh anăn Ñu brei digơ̆ jing sa mnơ̆ng bi huĭ arăng, mnơ̆ng bi kngăr, leh anăn mnơ̆ng brei arăng djik djak, msĕ si diih ƀuh leh hŏng ală diih pô.

II Klei Yăl Dliê 7:22

Leh anăn arăng srăng lač, ‘Kyuadah diñu lui leh Yêhôwa Aê Diê phung aê diñu, Pô atăt leh diñu kbiă mơ̆ng čar Êjip, leh anăn bi mguôp hŏng phung yang mkăn, kkuh mpŭ kơ digơ̆, leh anăn mă bruă kơ phung yang anăn; kyuanăn Yêhôwa bi truh jih klei jhat anei kơ diñu.’ ”

Y-Yêrêmi 2:19

Klei soh ih srăng mkra ih pô, leh anăn klei ih lui wir srăng ƀuah ih. Ksiêm leh anăn brei ih thâo klei ih lui wir Yêhôwa Aê Diê ih jing jhat leh anăn ênguôt. Ih amâo lŏ huĭ mpŭ kơ kâo ôh,” Khua Yang Aê Diê kơ phung kahan lač.

Y-Yêrêmi 22:8

Lu găp djuê mnuih srăng găn giăm ƀuôn anei, leh anăn grăp čô srăng lač kơ pô riêng gah ñu, ‘Si ngă Yêhôwa ngă leh snăn kơ ƀuôn prŏng anei?’

Y-Yêrêmi 44:23

Kyuadah diih čuh leh mnơ̆ng ƀâo mngưi, leh anăn kyuadah diih ngă soh leh hŏng Yêhôwa, amâo gưt asăp kơ Yêhôwa amâo êbat ôh hlăm klei bhiăn Ñu leh anăn klei Ñu mtă leh anăn klei Ñu hưn, snăn klei jŭ jhat anei truh leh kơ diih, msĕ si mâo hruê anei.”

Y-Yêrêmi 5:19

Leh anăn tơdah diih lač, ‘Si ngă Yêhôwa Aê Diê drei ngă leh jih klei anei kơ drei?’ ih srăng lač kơ diñu, ‘Msĕ si diih lui Kâo leh, leh anăn mă bruă kơ yang tue hlăm čar diih, msĕ snăn mơh diih srăng mă bruă kơ phung tue hlăm čar amâo jing čar diih pô ôh.’

Y-Yêrêmi 50:7

Jih jang phung tuôm hŏng diñu koh ƀơ̆ng diñu, leh anăn phung roh diñu lač, ‘Hmei amâo jing soh ôh, kyuadah diñu ngă soh leh hŏng Yêhôwa, kdrăn rơ̆k diñu sĭt, Yêhôwa, Pô phung aê diñu čang hmăng.’

Klei Čŏk Hia 2:15

Jih jang phung găn ktuê êlan pah kngan kyua ih, diñu mƀhơi leh anăn kteh kŏ kyua anak mniê ƀuôn Yêrusalem; “Djŏ mơ̆ anei jing ƀuôn arăng pia klei siam klă, klei hơ̆k mơak kơ jih lăn ala?”

Klei Mtô Mñă Klei Bhiăn 29:23

jih čar jing boh tâo pui leh anăn hra, leh anăn sa anôk hŏng pui ƀơ̆ng leh, arăng amâo tuôm buh rah ôh, leh anăn amâo mâo mnơ̆ng čăt ôh, tinăn rơ̆k amâo dưi čah mta, klei bi rai msĕ si ti ƀuôn Sôdôm, Gômôrơ, Adma, leh anăn Sêbôim, Yêhôwa bi rai leh hŏng klei Ñu ăl leh anăn ngêñ —