I Bruă Mtao 9:8 - Klei Aê Diê Blŭ 2015

⁸ Leh anăn sang anei srăng jing kăm mnơ̆ng rai, grăp čô găn giăm sang anei srăng bi kngăr leh anăn srăng mưč; leh anăn diñu srăng lač, ‘Si ngă Yêhôwa ngă msĕ snăn kơ čar anei leh anăn kơ sang anei?’

I Bruă Mtao 9:8 Iomraidhean Croise

II Bruă Mtao 22:17

Kyuadah diñu lui wir leh Kâo leh anăn čuh mnơ̆ng ƀâo mngưi kơ phung yang mkăn, tơl diñu mčhur Kâo ngêñ kơ jih jang bruă kngan diñu ngă. Kyuanăn Kâo srăng čuh ai ngêñ kơ anôk anei, leh anăn ñu amâo srăng ram ôh.

II Bruă Mtao 25:9

Ñu čuh sang Yêhôwa leh anăn sang mtao, leh anăn jih jang sang hlăm ƀuôn Yêrusalem; jih jang sang prŏng ñu čuh leh.

II Klei Yăl Dliê 29:8

Kyua anăn klei Yêhôwa ngêñ truh kơ phung Yuđa leh anăn kơ phung ƀuôn Yêrusalem, leh anăn Ñu brei digơ̆ jing sa mnơ̆ng bi huĭ arăng, mnơ̆ng bi kngăr, leh anăn mnơ̆ng brei arăng djik djak, msĕ si diih ƀuh leh hŏng ală diih pô.

II Klei Yăl Dliê 36:19

Diñu čuh sang yang Aê Diê, bi klưh mnư̆ ƀuôn Yêrusalem, čuh jih jang sang mtao hŏng pui, leh anăn bi rai jih jang čhiên mngan yuôm.

II Klei Yăl Dliê 7:21

Leh anăn ti sang arăng mpŭ anei, grăp čô găn srăng bi kngăr leh anăn lač, ‘Si ngă Yêhôwa ngă hĕ snei kơ čar anei leh anăn kơ sang anei?’

Y-Êsai 64:11

Sang yang hmei doh jăk leh anăn siam, anôk phung aê hmei bi mni kơ Ih, arăng čuh leh hŏng pui, jih jang mnơ̆ng yuôm hmei jing mnơ̆ng rai leh.

Y-Yêrêmi 16:10

Tơdah ih hưn kơ phung ƀuôn sang anei jih jang klei anei, leh anăn diñu lač kơ ih, ‘Si ngă Yêhôwa hưn leh jih jang klei jhat anei srăng truh kơ hmei? Ya klei wê hmei ngă leh? Ya klei soh hmei ngă leh hŏng Yêhôwa Aê Diê hmei?’

Y-Yêrêmi 18:16

mjing čar diñu anôk ênguôl, sa mnơ̆ng arăng djă djik djak nanao. Grăp čô găn tinăn mâo klei huĭ snăk leh anăn kteh kŏ ñu.

Y-Yêrêmi 19:8

Kâo srăng mjing ƀuôn anei sa klei bi huĭ, sa mnơ̆ng arăng djă djik djak; grăp čô hlei pô găn tinăn srăng huĭ leh anăn kyua jih klei truh leh.

Y-Yêrêmi 22:28

Djŏ mơ̆ Y-Jêhôyakin jing čeh mčah leh arăng bi êmut, gŏ amâo mâo pô čiăng ôh? Si ngă arăng suôt hĕ leh ñu leh anăn phung anak ñu kơ čar diñu amâo thâo kral ôh?

Y-Yêrêmi 25:9

nĕ anei, Kâo srăng tiŏ nao arăng iêô jih jang phung găp djuê mnuih hlăm čar dưr,” Yêhôwa lač, “leh anăn iêô Y-Nebukatnetsar mtao čar Ƀaƀilôn dĭng buăl Kâo, leh anăn Kâo srăng atăt diñu ngă kơ čar anei leh anăn phung dôk hlăm čar, leh anăn ngă kơ jih jang găp djuê dôk jŭm dar. Kâo srăng bi rai diñu jih, leh anăn mjing diñu klei bi huĭ arăng, klei arăng djă djik djak, leh anăn klei hêñ nanao.

Y-Yêrêmi 44:8

Si ngă diih mčhur ai brei Kâo ngêñ hŏng bruă kngan diih ngă, čuh mnơ̆ng ƀâo mngưi kơ phung yang mkăn hlăm čar Êjip, anôk diih hriê čiăng dôk, čiăng kơ arăng bi luč diih leh anăn mjing diih mnơ̆ng arăng tăm pah leh anăn mnơ̆ng arăng djă djik djak ti krah jih jang găp djuê mnuih ti lăn ala?

Y-Yêrêmi 49:17

“Êđôm srăng jing sa klei bi huĭ arăng; grăp čô hlei pô găn giăm ñu srăng huĭ êdimima leh anăn mƀhơi kyuadah jih jang klei bi knap mñai truh leh kơ diñu.

Y-Yêrêmi 5:19

Leh anăn tơdah diih lač, ‘Si ngă Yêhôwa Aê Diê drei ngă leh jih klei anei kơ drei?’ ih srăng lač kơ diñu, ‘Msĕ si diih lui Kâo leh, leh anăn mă bruă kơ yang tue hlăm čar diih, msĕ snăn mơh diih srăng mă bruă kơ phung tue hlăm čar amâo jing čar diih pô ôh.’

Y-Yêrêmi 50:13

Kyua klei Yêhôwa ngêñ amâo srăng lŏ mâo mnuih dôk tinăn ôh, ƀiădah gơ̆ srăng jing anôk ênguôl sĭt nik; grăp čô hlei pô găn giăm ƀuôn Ƀaƀilôn srăng kdjăt, leh anăn mƀhơi kyua jih klei êka gơ̆.

Y-Yêrêmi 52:13

Ñu čuh sang yang Yêhôwa, sang mtao, leh anăn jih jang sang hlăm ƀuôn Yêrusalem; jih jang sang prŏng ñu čuh jih.

Klei Čŏk Hia 2:15

Jih jang phung găn ktuê êlan pah kngan kyua ih, diñu mƀhơi leh anăn kteh kŏ kyua anak mniê ƀuôn Yêrusalem; “Djŏ mơ̆ anei jing ƀuôn arăng pia klei siam klă, klei hơ̆k mơak kơ jih lăn ala?”

Y-Đaniel 9:12

Ñu bi sĭt leh klei Ñu blŭ bi kdơ̆ng hŏng hmei leh anăn hŏng phung khua hmei, hŏng klei Ñu bi truh kơ hmei klei knap mñai prŏng; kyuadah amâo tuôm mâo ôh ti gŭ adiê msĕ si klei truh leh kơ ƀuôn Yêrusalem.

Klei Mtô Mñă Klei Bhiăn 28:37

Leh anăn diih srăng jing sa mnơ̆ng bi huĭ, sa klei bi hriêng, sa mnơ̆ng arăng djă djik djak ti krah jih jang phung ƀuôn sang Yêhôwa srăng atăt ba diih.

Klei Mtô Mñă Klei Bhiăn 29:23

jih čar jing boh tâo pui leh anăn hra, leh anăn sa anôk hŏng pui ƀơ̆ng leh, arăng amâo tuôm buh rah ôh, leh anăn amâo mâo mnơ̆ng čăt ôh, tinăn rơ̆k amâo dưi čah mta, klei bi rai msĕ si ti ƀuôn Sôdôm, Gômôrơ, Adma, leh anăn Sêbôim, Yêhôwa bi rai leh hŏng klei Ñu ăl leh anăn ngêñ —