I Bruă Mtao 9:7 - Klei Aê Diê Blŭ 2015

⁷ hlăk anăn Kâo srăng bi rai phung Israel mơ̆ng čar Kâo brei leh kơ digơ̆; leh anăn Kâo srăng hwiê hĕ mơ̆ng ală Kâo sang Kâo pioh brei leh kơ Anăn Kâo; leh anăn phung Israel srăng jing sa klei bi hriêng leh anăn sa klei djă djik djak ti krah jih jang phung ƀuôn sang.

I Bruă Mtao 9:7 Iomraidhean Croise

I Bruă Mtao 11:10

leh anăn Pô mtă leh kơ ñu djŏ kơ klei anei, čiăng kơ ñu đăm tui hlue phung yang mkăn ôh; ƀiădah ñu amâo djă pioh ôh klei Yêhôwa mtă leh.

I Bruă Mtao 9:3

Yêhôwa lač kơ gơ̆, “Kâo hmư̆ leh klei ih wah lač leh anăn klei ih kwưh leh ti anăp Kâo. Kâo pioh brei leh sang ih ngă anei, leh anăn Kâo dưm Anăn Kâo tinăn hlŏng lar. Ală Kâo leh anăn ai tiê Kâo srăng dôk tinăn jih jang ênuk.

II Bruă Mtao 25:21

Mtao Ƀaƀilôn čăm bi mdjiê digơ̆ ti ƀuôn Ribla hlăm čar Hamat. Snăn arăng mă ba phung Yuđa jing mnă ti êngao čar diñu pô.

II Bruă Mtao 25:9

Ñu čuh sang Yêhôwa leh anăn sang mtao, leh anăn jih jang sang hlăm ƀuôn Yêrusalem; jih jang sang prŏng ñu čuh leh.

II Klei Yăl Dliê 36:19

Diñu čuh sang yang Aê Diê, bi klưh mnư̆ ƀuôn Yêrusalem, čuh jih jang sang mtao hŏng pui, leh anăn bi rai jih jang čhiên mngan yuôm.

II Klei Yăl Dliê 7:20

hlăk anăn Kâo srăng buč hĕ diih mơ̆ng čar Kâo brei leh kơ diih; leh anăn sang anei Kâo pioh brei leh kơ Anăn Kâo, Kâo srăng hwiê hĕ mơ̆ng ƀô̆ mta Kâo, leh anăn srăng brei gơ̆ jing sa klei bi hriêng leh anăn sa mnơ̆ng arăng djă djik djak ti krah jih jang phung ƀuôn sang.

Klei Mmuñ Hđăp 44:14

Ih brei hmei jing mnơ̆ng phung găp djuê tlao mưč, leh anăn mnơ̆ng brei phung ƀuôn sang kteh kŏ.

Klei Mmuñ Hđăp 44:15

Kâo hêñ jih hruê, klei hêñ guôm ƀô̆ mta kâo leh,

Klei Mmuñ Hđăp 69:11

Tơdah kâo hơô klŭng, kâo jing mnơ̆ng diñu djă djik djak.

Y-Êsai 65:15

Phung Kâo ruah leh srăng yua anăn diih čiăng tăm pah kơ arăng, leh anăn Khua Yang Yêhôwa srăng bi mdjiê diih; ƀiădah Ñu srăng pia phung dĭng buăl Ñu hŏng anăn mkăn.

Y-Yêrêmi 24:9

Kâo srăng mjing diñu klei bi huĭ kơ jih jang ƀuôn ala mtao ti lăn ala, brei jing sa klei hêñ, klei arăng djă djik djak, klei mưč, leh anăn klei tăm pah hlăm jih jang anôk Kâo srăng suôt diñu.

Y-Yêrêmi 25:9

nĕ anei, Kâo srăng tiŏ nao arăng iêô jih jang phung găp djuê mnuih hlăm čar dưr,” Yêhôwa lač, “leh anăn iêô Y-Nebukatnetsar mtao čar Ƀaƀilôn dĭng buăl Kâo, leh anăn Kâo srăng atăt diñu ngă kơ čar anei leh anăn phung dôk hlăm čar, leh anăn ngă kơ jih jang găp djuê dôk jŭm dar. Kâo srăng bi rai diñu jih, leh anăn mjing diñu klei bi huĭ arăng, klei arăng djă djik djak, leh anăn klei hêñ nanao.

Y-Yêrêmi 26:18

“Y-Mika ƀuôn Môrêset hưn êlâo leh hlăm ênuk Y-Hêsêkia mtao Yuđa, leh anăn lač kơ jih jang phung ƀuôn sang čar Yuđa, ‘Snei klei Yêhôwa kơ phung kahan lač, “Arăng srăng kai ƀuôn Siôn msĕ si sa boh hma; ƀuôn Yêrusalem srăng jing sa kăm mnơ̆ng rai, leh anăn čư̆ sang yang srăng jing čư̆ kmrơ̆ng.” ’

Y-Yêrêmi 26:6

snăn Kâo srăng ngă kơ sang anei msĕ si Kâo ngă leh kơ ƀuôn Silô, leh anăn Kâo srăng yua anăn ƀuôn anei jing sa klei tăm pah kơ jih jang găp djuê mnuih ti lăn ala.’ ”

Y-Yêrêmi 44:8

Si ngă diih mčhur ai brei Kâo ngêñ hŏng bruă kngan diih ngă, čuh mnơ̆ng ƀâo mngưi kơ phung yang mkăn hlăm čar Êjip, anôk diih hriê čiăng dôk, čiăng kơ arăng bi luč diih leh anăn mjing diih mnơ̆ng arăng tăm pah leh anăn mnơ̆ng arăng djă djik djak ti krah jih jang găp djuê mnuih ti lăn ala?

Y-Yêrêmi 52:13

Ñu čuh sang yang Yêhôwa, sang mtao, leh anăn jih jang sang hlăm ƀuôn Yêrusalem; jih jang sang prŏng ñu čuh jih.

Klei Čŏk Hia 1:8

Ƀuôn Yêrusalem ngă soh kjham leh, kyuanăn ñu jing hĕ čhŏ. Jih jang hlei pô mpŭ kơ ñu êlâo ară anei bi êmut kơ ñu, kyuadah digơ̆ ƀuh klei lưng mlŭn ñu; sĭt nik wăt ñu pô krao, leh anăn wir mdăp ƀô̆ mta ñu.

Klei Čŏk Hia 2:17

Yêhôwa bi sĭt leh klei Ñu čuăn ngă, bi truh leh klei Ñu arưp aram, tui si Ñu mtă leh mơ̆ng sui; Ñu mdlưh ih leh amâo mâo klei pap ôh, Ñu brei leh phung roh hơ̆k mơak kyua ih, leh anăn bi mđĭ klei ktang phung roh ih.

Y-Êsêkiêl 24:21

Lač bĕ kơ sang Israel, ‘Snei Yêhôwa Aê Diê lač: Nĕ anei, Kâo srăng bi čhŏ adŭ doh jăk Kâo, anôk myang diih, klei bi mơak kơ ală diih, leh anăn klei mngăt diih čiăng; leh anăn phung anak êkei leh anăn phung anak mniê diih, phung diih lui leh, srăng djiê hŏng đao gưm.

Y-Êsêkiêl 5:15

Ih srăng jing mnơ̆ng bi hêñ leh anăn arăng djă djik djak, sa mnơ̆ng brei răng leh anăn bi huĭ kơ phung găp djuê mnuih jŭm dar ih, tơdah Kâo bi truh klei phat kđi kơ ih hlăm klei Kâo ăl leh anăn ngêñ, leh anăn hŏng klei ƀuah mkra ktang. Kâo gơ̆ Yêhôwa blŭ leh klei anăn.

Y-Ôsê 9:3

Diñu amâo srăng dôk hlăm čar Yêhôwa ôh; ƀiădah Êphraim srăng lŏ wĭt kơ čar Êjip, leh anăn diñu srăng ƀơ̆ng mnơ̆ng ƀơ̆ng huă amâo doh hlăm čar Asiri.

Y-Yôel 2:17

Brei phung khua ngă yang, phung mă bruă kơ Yêhôwa, čŏk hia plah wah adring hŏng knưl, leh anăn brei diñu lač, “Ơ Yêhôwa, hơưi bĕ kơ phung ƀuôn sang Ih, đăm brei ngăn dưn Ih jing mnơ̆ng hêñ ôh, mnơ̆ng phung găp djuê mnuih djă djik djak. Ya yuôm diñu srăng lač ti krah phung ƀuôn sang, ‘Ti Aê Diê diñu lĕ?’ ”

Y-Mika 3:12

Snăn kyua diih arăng srăng kai čư̆ Siôn msĕ si sa boh hma; ƀuôn Yêrusalem srăng jing sa kăm mnơ̆ng rai leh, leh anăn čư̆ sang yang srăng jing kmrơ̆ng kpal.

Y-Mathiơ 23:38

Nĕ anei, sang diih Aê Diê lui leh brei jing ênguôl.

Y-Mathiơ 24:2

Ñu lač kơ digơ̆, “Diih ƀuh mơ̆ jih jang sang anei? Sĭt nik Kâo lač kơ diih, amâo srăng mâo sa boh tâo ti dlông boh tâo mkăn amâo srăng klưh ôh.”

Y-Luk 21:24

Diñu srăng djiê hŏng đao gưm, leh anăn arăng srăng atăt diñu jing mnă ti krah jih jang găp djuê mnuih. Leh anăn phung tue srăng juă ƀuôn Yêrusalem tơl ênuk phung tue ruê̆ leh.”

Klei Mtô Mñă Klei Bhiăn 28:37

Leh anăn diih srăng jing sa mnơ̆ng bi huĭ, sa klei bi hriêng, sa mnơ̆ng arăng djă djik djak ti krah jih jang phung ƀuôn sang Yêhôwa srăng atăt ba diih.

Klei Mtô Mñă Klei Bhiăn 4:26

hruê anei kâo iêô adiê leh anăn lăn ala jing mnơ̆ng hưn bi kdơ̆ng hŏng diih kơ klei diih srăng djăl luč jih mơ̆ng ala čar diih srăng găn êa krông Yurdan mă jing dŏ diih. Diih amâo srăng dôk sui tinăn ôh, ƀiădah diih srăng rai jih nguêč.

Y-Yôsuê 23:16

tơdah diih gao klei bi mguôp Yêhôwa, Aê Diê diih mtă leh kơ diih, leh anăn nao mă bruă kơ phung yang mkăn leh anăn buôn kkuh ti anăp diñu. Hlăk anăn Yêhôwa srăng čuh ai ngêñ kơ diih, leh anăn diih srăng djăl rai tuč mơ̆ng čar jăk Ñu brei leh kơ diih.”

I Y-Samuel 15:11

“Kâo hƀlŏk kơ klei Kâo mjing leh Y-Sôl mtao; kyuadah ñu lui wir leh amâo lŏ tui hlue Kâo ôh, leh anăn amâo ngă ôh tui si klei Kâo mtă leh.” Y-Samuel ngêñ snăk leh anăn ur kơ Yêhôwa jih mlam.