I Bruă Mtao 9:6 - Klei Aê Diê Blŭ 2015

⁶ Ƀiădah tơdah ih weh đuĕ mơ̆ng klei tui hlue Kâo, ih amâodah phung anak ih, leh anăn amâo djă pioh ôh klei Kâo mtă leh anăn klei bhiăn Kâo mdơ̆ng leh ti anăp diih, ƀiădah diih nao mă bruă kơ yang mkăn leh anăn kkuh mpŭ kơ diñu,

I Bruă Mtao 9:6 Iomraidhean Croise

II Bruă Mtao 18:12

kyuadah diñu amâo gưt asăp Yêhôwa Aê Diê diñu ôh, ƀiădah gao klei Gơ̆ bi mguôp, si tô hmô jih jang klei Y-Môis dĭng buăl Yêhôwa mtă leh. Diñu amâo čiăng hmư̆, kăn gưt rei.

II Bruă Mtao 22:17

Kyuadah diñu lui wir leh Kâo leh anăn čuh mnơ̆ng ƀâo mngưi kơ phung yang mkăn, tơl diñu mčhur Kâo ngêñ kơ jih jang bruă kngan diñu ngă. Kyuanăn Kâo srăng čuh ai ngêñ kơ anôk anei, leh anăn ñu amâo srăng ram ôh.

I Klei Yăl Dliê 28:9

Leh anăn bi ih, Ơ Y-Salômôn anak êkei kâo, thâo kral bĕ Aê Diê ama ih, leh anăn mă bruă bĕ kơ ñu hŏng jih ai tiê leh anăn hŏng klei mĭn čiăng; kyuadah Yêhôwa ksiêm dlăng jih jang ai tiê, leh anăn ñu thâo săng jih jang hdră leh anăn klei mĭn. Tơdah ih duah ñu, ñu srăng brei ih ƀuh ñu; ƀiădah tơdah ih lui ñu, ñu srăng suôt ih hlŏng lar.

II Klei Yăl Dliê 15:2

leh anăn ñu kbiă nao bi tuôm hŏng Y-Asa leh anăn lač kơ gơ̆, “Hmư̆ bĕ kâo, Ơ Y-Asa, leh anăn jih jang phung Yuđa leh anăn phung Benjamin: Yêhôwa dôk mbĭt hŏng diih êjai diih dôk mbĭt hŏng Ñu. Tơdah diih duah Ñu, Ñu srăng brei diih ƀuh Ñu; ƀiădah tơdah diih lui Ñu, Ñu srăng lui diih.

Klei Mmuñ Hđăp 89:30

Tơdah phung anak ñu lui klei bhiăn Kâo, leh anăn amâo êbat ôh tui si klei Kâo mtă;

Klei Mmuñ Hđăp 89:31

tơdah diñu gao klei bhiăn Kâo, leh anăn amâo djă pioh ôh klei Kâo mtă;

Klei Mmuñ Hđăp 89:32

snăn Kâo srăng bi kmhal hŏng giê klei diñu gao klei bhiăn, leh anăn čăm diñu kyua klei wê diñu.

Y-Yêrêmi 26:4

Brei ih lač kơ diñu, ‘Snei Yêhôwa lač: Tơdah diih amâo dôk hmư̆ Kâo ôh, amâo êbat hlăm klei bhiăn Kâo mdơ̆ng leh ti anăp diih,

Klei Čŏk Hia 1:8

Ƀuôn Yêrusalem ngă soh kjham leh, kyuanăn ñu jing hĕ čhŏ. Jih jang hlei pô mpŭ kơ ñu êlâo ară anei bi êmut kơ ñu, kyuadah digơ̆ ƀuh klei lưng mlŭn ñu; sĭt nik wăt ñu pô krao, leh anăn wir mdăp ƀô̆ mta ñu.

I Y-Samuel 15:11

“Kâo hƀlŏk kơ klei Kâo mjing leh Y-Sôl mtao; kyuadah ñu lui wir leh amâo lŏ tui hlue Kâo ôh, leh anăn amâo ngă ôh tui si klei Kâo mtă leh.” Y-Samuel ngêñ snăk leh anăn ur kơ Yêhôwa jih mlam.

I Y-Samuel 2:30

Kyua anăn Yêhôwa, Aê Diê Israel hưn, ‘Kâo ƀuăn leh kơ sang ih leh anăn kơ sang aê ih srăng mă bruă kơ Kâo nanao hlŏng lar.’ Ƀiădah ară anei Yêhôwa hưn, ‘Hơăi, Kâo amâo lŏ ngă snăn ôh. Kyuadah Kâo srăng mpŭ kơ hlei phung mpŭ kơ Kâo, leh anăn phung bi êmut kơ Kâo, Kâo amâo srăng mpŭ ôh kơ phung diñu.