I Bruă Mtao 9:4 - Klei Aê Diê Blŭ 2015

⁴ Bi ih, tơdah ih êbat ti anăp Kâo msĕ si Y-Đawit ama ih êbat leh hŏng klei sĭt suôr leh anăn klei kpă ênô, ngă tui hlue jih jang klei Kâo mtă leh kơ ih, djă pioh klei bhiăn Kâo leh anăn klei Kâo mtrŭn,

I Bruă Mtao 9:4 Iomraidhean Croise

Klei Mphŭn Dơ̆ng 17:1

Tơdah Y-Abram mâo dua păn pluh dua păn thŭn, Khua Yang bi êdah kơ Y-Abram, lač kơ ñu, “Kâo jing Aê Diê Pô Mâo Jih Klei Myang. Êbat bĕ ti anăp Kâo leh anăn brei ih jing pô amâo mâo klei arăng dưi ƀuah ôh.

Klei Mphŭn Dơ̆ng 20:5

Amâo djŏ hĕ ñu pô lač kơ kâo, ‘Gơ̆ jing adei mniê kâo’? Leh anăn gơ̆ pô lač, ‘Ñu jing ayŏng kâo’. Kâo ngă leh klei anei hŏng ai tiê kpă leh anăn kngan amâo mâo soh ôh.”

II Y-Samuel 22:22

Kyuadah kâo tui hlue leh êlan Yêhôwa, leh anăn amâo tuôm đuĕ lui Aê Diê kâo hŏng klei ƀai ôh.

I Bruă Mtao 11:38

Tơdah ih mđing knga kơ jih klei Kâo mtă kơ ih, leh anăn êbat hlăm êlan Kâo, leh anăn ngă ya klei jing kpă ti anăp ală Kâo êjai djă pioh klei bhiăn Kâo leh anăn klei Kâo mtă, msĕ si Y-Đawit dĭng buăl Kâo ngă leh, Kâo srăng dôk mbĭt hŏng ih leh anăn mdơ̆ng kơ ih sa boh sang kjăp, msĕ si Kâo mdơ̆ng leh kơ Y-Đawit, leh anăn Kâo srăng brei phung Israel kơ ih.

I Bruă Mtao 11:4

Kyuadah tơdah Y-Salômôn mduôn leh, phung mô̆ ñu bi wir ai tiê ñu kơ phung yang mkăn; leh anăn ai tiê ñu amâo dôk sĭt suôr klă ôh hŏng Yêhôwa Aê Diê ñu, msĕ si ai tiê sĭt suôr Y-Đawit ama ñu.

I Bruă Mtao 11:6

Snăn Y-Salômôn ngă klei jhat ti anăp ală Yêhôwa leh anăn amâo tui hlue Yêhôwa hŏng jih ai tiê ôh msĕ si Y-Đawit ama ñu ngă leh.

I Bruă Mtao 14:8

Kâo sua mă leh ƀuôn ala mtao mơ̆ng sang Y-Đawit leh anăn jao gơ̆ kơ ih; ƀiădah ih amâo tuôm jing msĕ si dĭng buăl Kâo Y-Đawit ôh, pô djă pioh leh klei Kâo mtă, leh anăn tui hlue leh Kâo hŏng jih ai tiê ñu, ngă knŏng ya klei jing kpă ti anăp ală Kâo.

I Bruă Mtao 15:5

kyuadah Y-Đawit ngă leh ya klei jing kpă ti anăp ală Yêhôwa, leh anăn amâo weh ôh mơ̆ng sa klei gơ̆ mtă leh kơ ñu jih ênuk ñu dôk hdĭp, knŏng hlăm klei Y-Uri êkei Hitit.

I Bruă Mtao 3:14

Leh anăn tơdah ih êbat hlăm êlan Kâo, djă pioh klei bhiăn Kâo leh anăn klei Kâo mtă msĕ si ama ih Y-Đawit êbat leh, snăn Kâo srăng lŏ bi kdung hruê ih.”

I Bruă Mtao 3:3

Y-Salômôn khăp kơ Yêhôwa, êbat hlăm klei bhiăn Y-Đawit ama ñu; ƀiădah ñu ngă yang leh anăn čuh mnơ̆ng ƀâo mngưi ti anôk dlông.

I Bruă Mtao 3:6

Y-Salômôn lač, “Ih bi êdah leh klei khăp prŏng leh anăn sĭt suôr kơ dĭng buăl Ih Y-Đawit ama kâo, kyuadah ñu êbat ti anăp Ih hŏng klei sĭt suôr, hŏng klei kpă ênô, leh anăn hŏng klei ênuah ai tiê ti anăp Ih. Leh anăn Ih djă pioh leh kơ ñu klei khăp prŏng anei leh anăn brei leh kơ ñu sa čô anak êkei dôk gŭ ti jhưng mtao ñu hruê anei.

I Bruă Mtao 6:12

“Bi kơ sang ih dôk ngă anei, tơdah ih srăng êbat hlăm klei bhiăn Kâo, leh anăn gưt klei Kâo mtrŭn, leh anăn djă pioh jih klei Kâo mtă, êbat tui hlue digơ̆, snăn Kâo srăng bi sĭt klei Kâo blŭ hŏng ih, klei anăn Kâo blŭ leh hŏng Y-Đawit ama ih.

I Bruă Mtao 8:25

Snăn ară anei, Ơ Yêhôwa, Aê Diê phung Israel, djă pioh bĕ klei Ih ƀuăn leh kơ dĭng buăl Ih Y-Đawit ama kâo, klei Ih ƀuăn leh kơ ñu, lač, ‘Ti anăp Kâo ih amâo srăng kƀah ôh sa čô mnuih dôk gŭ ti jhưng mtao Israel, knŏng tơdah phung anak êkei ih răng kơ êlan diñu, êbat ti anăp Kâo msĕ si ih êbat leh ti anăp Kâo.’

II Bruă Mtao 20:3

“Hdơr bĕ ară anei, Ơ Yêhôwa, kâo kwưh kơ Ih, klei kâo êbat leh ti anăp Ih hŏng klei sĭt suôr leh anăn hŏng jih ai tiê, leh anăn ngă leh klei jăk ti anăp ală Ih.” Leh anăn Y-Hêsêkia hia ênguôt snăk.

II Klei Yăl Dliê 17:4

ƀiădah duah Aê Diê ama ñu leh anăn êbat tui hlue klei Gơ̆ mtă, leh anăn amâo ngă ôh tui si phung Israel ngă.

Klei Mmuñ Hđăp 101:2

Kâo srăng răng kơ klei dôk dơ̆ng ƀơ̆ng huă djŏ. Hbĭl Ih srăng hriê kơ kâo? Kâo srăng dôk hlăm sang kâo hŏng ai tiê kpă.

Klei Mmuñ Hđăp 128:1

Jăk mơak yơh grăp čô huĭ mpŭ kơ Yêhôwa, leh anăn êbat hlăm êlan Ñu.

Klei Mmuñ Hđăp 15:2

Pô êbat hŏng klei kpă, ngă klei djŏ, leh anăn blŭ klei sĭt nik mơ̆ng ai tiê ñu;

Klei Mmuñ Hđăp 26:1

Phat kđi kâo, Ơ Yêhôwa, kyuadah kâo êbat leh hlăm klei ênuah ênô, leh anăn kâo knang leh kơ Yêhôwa, amâo lŏ đing ôh.

Klei Mmuñ Hđăp 26:11

Bi kâo, kâo êbat hlăm klei ênuah; bi tui kâo, leh anăn pap brei kơ kâo.

Klei Mmuñ Hđăp 78:72

Y-Đawit jing mgăt biăp diñu hŏng ai tiê ênuah, leh anăn atăt diñu hŏng kngan mbruă.

Klei Bi Hriêng 10:9

Hlei pô êbat hlăm klei ênuah ênô êbat hŏng klei hnŭk ênang, ƀiădah hlei pô êbat êlan wê arăng srăng mâo mă.

Klei Bi Hriêng 20:7

Mnuih kpă ênô êbat hlăm klei ênuah, jăk mơak yơh phung anak čô ñu êdei.

Klei Bi Hriêng 28:18

Hlei pô êbat hlăm klei ênuah ênô srăng mâo klei bi mtlaih, ƀiădah pô tui hlue êlan wê srăng lĕ bhiâo riâo rit.

Y-Êsêkiêl 18:9

êbat tui hlue klei Kâo mtă, leh anăn sĭt suôr djă pioh klei bhiăn Kâo — ñu jing kpă ênô yơh, sĭt nik ñu srăng dôk hdĭp, Yêhôwa Aê Diê lač.

Y-Sakari 3:7

“Snei Yêhôwa kơ phung kahan lač: ‘Tơdah ih srăng êbat hlăm êlan Kâo leh anăn djă pioh klei Kâo mtă, snăn ih srăng kiă kriê sang Kâo leh anăn wăl sang Kâo, leh anăn Kâo srăng brei ih klei dưi mŭt ti krah phung dôk dơ̆ng tinei.

Y-Luk 1:6

Jih diñu dua dôk kpă ênô ti anăp Aê Diê tui hlue jih klei bhiăn leh anăn klei Khua Yang mtă amâo mâo klei arăng dưi ƀuah ôh.

Klei Mtô Mñă Klei Bhiăn 28:1

“Tơdah diih gưt asăp kơ Yêhôwa Aê Diê ih êjai răng ngă jih jang klei Ñu mtă kâo brei kơ ih hruê anei, Yêhôwa Aê Diê diih srăng mđĭ diih ti dlông jih jang phung găp djuê ti lăn ala.