I Bruă Mtao 9:3 - Klei Aê Diê Blŭ 2015

³ Yêhôwa lač kơ gơ̆, “Kâo hmư̆ leh klei ih wah lač leh anăn klei ih kwưh leh ti anăp Kâo. Kâo pioh brei leh sang ih ngă anei, leh anăn Kâo dưm Anăn Kâo tinăn hlŏng lar. Ală Kâo leh anăn ai tiê Kâo srăng dôk tinăn jih jang ênuk.

I Bruă Mtao 9:3 Iomraidhean Croise

I Bruă Mtao 8:29

čiăng kơ ală Ih dưi mblang mlam leh anăn hruê phă sang anei, anôk Ih lač leh, ‘Anăn kâo srăng dôk tinăn;’ čiăng kơ Ih dưi hmư̆ klei dĭng buăl Ih wah lač phă anôk anei.

II Bruă Mtao 20:5

“Lŏ nao leh anăn lač bĕ kơ Y-Hêsêkia khua kơ phung ƀuôn sang kâo, ‘Snei Yêhôwa Aê Diê Y-Đawit aê ih lač: Kâo hmư̆ leh klei ih wah lač, Kâo ƀuh leh êa ală ih. Nĕ anei Kâo srăng bi hlao ih. Ti hruê tal tlâo ih srăng đĭ nao kơ sang Yêhôwa.

II Bruă Mtao 21:7

Ñu dưm sa rup krah Asêra ñu ngă leh hlăm sang Yêhôwa lač leh kơ Y-Đawit leh anăn kơ Y-Salômôn anak êkei gơ̆, “Hlăm sang anei leh anăn hlăm ƀuôn Yêrusalem, anôk Kâo ruah leh hlăm jih jang găp djuê Israel, Kâo srăng dưm Anăn Kâo hlŏng lar.

II Klei Yăl Dliê 33:7

Rup yang krah ñu ngă leh ñu dưm hlăm sang yang Aê Diê, kơ sang anăn Aê Diê lač leh kơ Y-Đawit leh anăn kơ Y-Salômôn anak êkei ñu, “Hlăm sang anei leh anăn hlăm ƀuôn Yêrusalem anôk Kâo ruah leh mơ̆ng jih jang găp djuê Israel, Kâo srăng dưm Anăn Kâo nanao hlŏng lar;

II Klei Yăl Dliê 6:40

Ară anei, Ơ Aê Diê kâo, brei ală Ih dlăng, knga Ih mđing kơ klei wah lač hlăm anôk anei.

Y-Êsra 6:12

Akâo kơ Aê Diê Pô brei Anăn Ñu dôk tinăn mdlưh hĕ mtao amâodah phung ƀuôn sang hlei pô yơr kngan čiăng bi mlih hĕ klei anei, amâodah čiăng bi rai hĕ sang yang Aê Diê anei hlăm ƀuôn Yêrusalem. Kâo gơ̆ Y-Darius ngă sa klei mtă; brei arăng hur har ngă klei anei.”

Klei Mmuñ Hđăp 10:17

Ơ Yêhôwa, Ih hmư̆ klei phung luă gŭ čiăng; Ih srăng bi kjăp ai tiê diñu, Ih srăng mđing knga kơ diñu

Klei Mmuñ Hđăp 116:1

Kâo khăp kơ Yêhôwa kyuadah Ñu hmư̆ leh asăp kâo leh anăn klei kâo kwưh.

Klei Mmuñ Hđăp 34:17

Tơdah phung kpă ur kwưh klei đru, Yêhôwa hmư̆, leh anăn bi mtlaih digơ̆ mơ̆ng jih jang klei knap mñai.

Klei Mmuñ Hđăp 65:3

Tơdah klei wê hmei dưi hŏng hmei, Ih pap brei klei soh anăn.

Klei Mmuñ Hđăp 66:19

Ƀiădah sĭt nik Aê Diê hmư̆ leh; Ñu mđing leh knga kơ asăp kâo wah lač.

Klei Kbiă 20:11

Kyuadah hlăm năm hruê Yêhôwa hrih adiê, lăn ala, êa ksĭ, leh anăn jih jang mnơ̆ng mâo hlăm diñu, leh anăn Ñu mdei hruê tal kjuh. Kyuanăn Yêhôwa hơêč hmưi kơ hruê sabat anăn leh anăn pioh brei hruê sabat jing doh jăk.

Klei Kbiă 29:44

Kâo srăng pioh brei sang čhiăm klei bi kƀĭn leh anăn knưl. Kâo srăng pioh brei msĕ mơh Y-Arôn leh anăn phung anak êkei ñu, čiăng kơ diñu mă bruă kơ Kâo, jing phung khua ngă yang.

Y-Yêrêmi 15:1

Leh anăn Yêhôwa lač kơ kâo, “Wăt tơdah Y-Môis leh anăn Y-Samuel dôk dơ̆ng leh ti anăp Kâo dưn, ăt ai tiê Kâo amâo lŏ wĭt đru phung ƀuôn sang anei. Suôt bĕ diñu mơ̆ng ti anăp Kâo, leh anăn brei diñu đuĕ nao!

Y-Yêrêmi 7:10

leh anăn hriê dôk dơ̆ng ti anăp Kâo hlăm sang anei arăng pia hŏng Anăn Kâo leh anăn lač, “Drei tlaih leh!” — čiăng ngă jih klei Kâo bi êmut kheh anei?

Y-Đaniel 9:23

Tơdah ih dơ̆ng wah lač, mâo leh sa klei wĭt lač, leh anăn kâo hriê hưn klei anăn kơ ih, kyuadah ih jing pô Aê Diê khăp snăk. Snăn ksiêm bi nik klei blŭ leh anăn brei ih thâo săng klei bi ƀuh.

Klei Yap 16:38

mtĭl čuh mnơ̆ng ƀâo mngưi phung mnuih ngă soh leh anăn tơl luč klei hdĭp diñu; snăn brei arăng tia tơl lat jing mnơ̆ng guôm knưl, kyuadah diñu myơr dŏ anăn ti anăp Yêhôwa; kyua anăn mtĭl anăn jing doh jăk leh. Snăn jih dŏ anăn srăng jing sa mnơ̆ng bi knăl kơ phung ƀuôn sang Israel.”

Y-Mathiơ 6:9

Snăn wah lač bĕ msĕ snei: ‘Ơ Ama hmei, dôk hlăm adiê ơi, akâo kơ anăn Ih mâo klei mpŭ doh jăk.

Y-Yôhan 11:42

Kâo thâo leh kơ Ih hmư̆ Kâo nanao, ƀiădah Kâo lač klei anei kyua phung mnuih dôk giăm, čiăng kơ diñu dưi đăo kơ Ih Pô tiŏ hriê Kâo leh.”

Bruă Phung Khua Ƀĭng Kna 10:31

lač, ‘Ơ Y-Kornei, Aê Diê hmư̆ leh klei ih wah lač, leh anăn Ñu hdơr mnơ̆ng ih brei pap.

Klei Mtô Mñă Klei Bhiăn 11:12

ala čar Yêhôwa Aê Diê ih răng kriê, ala čar ală Yêhôwa Aê Diê ih dlăng nanao mơ̆ng phŭn truh kơ tuč thŭn.

Klei Mtô Mñă Klei Bhiăn 12:11

snăn ti anôk Yêhôwa Aê Diê diih srăng ruah brei anăn Ñu dôk, tinăn yơh diih srăng ba jih jang mnơ̆ng kâo mtă kơ diih: mnơ̆ng diih myơr čuh, mnơ̆ng diih ngă yang, mnơ̆ng sa kdrêč hlăm pluh diih leh anăn mnơ̆ng diih myơr, leh anăn jih jang mnơ̆ng myơr bi sĭt klei diih ƀuăn kơ Yêhôwa.

Klei Mtô Mñă Klei Bhiăn 12:21

Tơdah anôk Yêhôwa Aê Diê ih ruah čiăng dưm anăn Ñu tinăn jing kbưi đei mơ̆ng ih, ih dưi bi mdjiê êmô amâodah biăp ih, dŏ Yêhôwa brei leh kơ ih, tui si kâo mtă leh kơ ih; leh anăn ih dưi ƀơ̆ng čĭm dŭm ih čiăng hlăm ƀuôn ih.

Klei Mtô Mñă Klei Bhiăn 12:5

Ƀiădah brei diih duah anôk Yêhôwa Aê Diê srăng ruah ti krah jih jang găp djuê diih čiăng dưm anăn ñu leh anăn ngă anôk ñu dôk tinăn; ti anôk anăn yơh diih srăng nao,

Klei Mtô Mñă Klei Bhiăn 16:11

Leh anăn diih srăng hơ̆k mơak ti anăp Yêhôwa Aê Diê diih, diih, anak êkei leh anăn anak mniê diih, dĭng buăl êkei mniê diih, phung Lêwi dôk hlăm ƀuôn diih, pô dôk jưh bhiâo, anak êrĭt, leh anăn mniê djiê ung ti krah diih, ti anôk Yêhôwa Aê Diê diih srăng ruah čiăng brei anăn Ñu dôk tinăn.

I Y-Yôhan 5:14

Snei klei knang drei mâo hlăm Ñu: tơdah drei akâo tui si klei Ñu čiăng, Ñu hmư̆ drei.