I Bruă Mtao 9:25 - Klei Aê Diê Blŭ 2015

²⁵ Tlâo blư̆ sa thŭn Y-Salômôn khăng myơr mnơ̆ng myơr čuh leh anăn mnơ̆ng myơr kơ klei êđăp ênang ti knưl ñu mdơ̆ng leh kơ Yêhôwa leh anăn čuh mnơ̆ng ƀâo mngưi ti anăp Yêhôwa. Snăn ñu bi leh mdơ̆ng sang.

I Bruă Mtao 9:25 Iomraidhean Croise

I Bruă Mtao 6:14

Snăn Y-Salômôn ngă sang leh anăn bi leh gơ̆.

I Bruă Mtao 6:38

Leh anăn thŭn tal pluh sa, mlan Bul, jing mlan tal sa păn, sang anăn leh hlăm jih kdrêč ñu, leh anăn tui si rup čih leh. Ñu dôk ngă sang anăn êjai kjuh thŭn.

I Bruă Mtao 6:9

Snăn ñu ngă sang leh anăn bi leh gơ̆. Ñu ngă păng sang anăn hŏng msơ̆ng leh anăn mdhă kyâo sêdar.

I Klei Yăl Dliê 23:13

Phung anak êkei Y-Amram: Y-Arôn leh anăn Y-Môis. Arăng pioh brei Y-Arôn kơ bruă pioh brei mnơ̆ng doh jăk hĭn, čiăng kơ ñu leh anăn phung anak êkei ñu srăng čuh mnơ̆ng ƀâo mngưi ti anăp Yêhôwa nanao, leh anăn mă bruă kơ gơ̆ leh anăn mtă klei hơêč hmưi hlăm anăn gơ̆ hlŏng lar.

II Klei Yăl Dliê 29:11

Ơ phung anak êkei kâo, đăm ngă klei amâo uêñ ôh, kyuadah Yêhôwa ruah leh diih brei dôk dơ̆ng ti anăp Ñu, čiăng mă bruă kơ Ñu, leh anăn jing phung dĭng buăl Ñu leh anăn čuh mnơ̆ng ƀâo mngưi kơ Ñu.”

II Klei Yăl Dliê 34:25

Kyuadah diñu lui wir leh Kâo leh anăn čuh mnơ̆ng ƀâo mngưi kơ phung yang mkăn, čiăng mčhur ai ngêñ Kâo hŏng jih bruă kngan diñu ngă, kyuanăn Kâo srăng tuh klei Kâo ngêñ kơ anôk anei leh anăn amâo srăng ram ôh.’

II Klei Yăl Dliê 8:16

Snăn yơh jih jang bruă Y-Salômôn bi leh mơ̆ng hruê mdơ̆ng tur sang Yêhôwa tơl hruê bi leh gơ̆. Snăn sang Yêhôwa leh leh.

Klei Kbiă 30:7

Y-Arôn srăng čuh mnơ̆ng ƀâo mngưi tinăn; ñu srăng čuh mnơ̆ng anăn grăp aguah tơdah ñu mkra pui kđen.

Klei Kbiă 34:23

Tlâo blư̆ grăp thŭn brei jih jang phung êkei diih bi êdah ti anăp Yêhôwa Aê Diê, Aê Diê phung Israel.

Klei Mtô Mñă Klei Bhiăn 16:16

Tlâo blư̆ grăp thŭn brei jih jang phung êkei bi êdah ti anăp Yêhôwa Aê Diê diih ti anôk Ñu srăng ruah: ti knăm Kpŭng Amâo Mâo Kpei, ti knăm Kjuh Hruê Kăm, leh anăn ti knăm Sang Čhiăm. Diñu amâo dưi bi êdah ti anăp Yêhôwa kngan êhŏng ôh.

Phung Khua Phat Kđi 11:40

brei phung anak mniê Israel nao čŏk hia pă hruê grăp thŭn kyua anak mniê Y-Jêptê sa čô mnuih čar Galaat.