I Bruă Mtao 9:21 - Klei Aê Diê Blŭ 2015

²¹ phung anak čô diñu êdei kơ diñu ăt dôk hlăm čar, phung anăn phung ƀuôn sang Israel amâo dưi bi rai jih ôh — Y-Salômôn rĭng digơ̆ jing phung hlŭn mă bruă mlan. Msĕ snăn digơ̆ jing truh kơ hruê anei.

I Bruă Mtao 9:21 Iomraidhean Croise

I Bruă Mtao 5:13

Mtao Salômôn rĭng phung mă bruă mlan mơ̆ng jih jang phung Israel; leh anăn phung arăng rĭng mâo tlâo pluh êbâo čô êkei.

I Bruă Mtao 9:15

Nĕ anei klei yăl dliê kơ bruă mlan Mtao Salômôn rĭng leh čiăng mdơ̆ng sang Yêhôwa leh anăn sang ñu pô, Milô, leh anăn mnư̆ ƀuôn Yêrusalem, ƀuôn Hasôr, ƀuôn Mêgidô, leh anăn ƀuôn Gêser

I Bruă Mtao 9:20

Jih jang phung ƀuôn sang ăt dôk mơ̆ng phung Amôrit, phung Hitit, phung Pêrisit, phung Hiwit, leh anăn phung Jêbusit, amâo jing phung ƀuôn sang Israel ôh —

I Klei Yăl Dliê 22:2

Y-Đawit mtă brei bi kƀĭn phung tue dôk hlăm čar Israel, leh anăn ñu mtă kơ phung krah boh tâo mkra boh tâo kơ bruă mdơ̆ng sang Aê Diê.

II Klei Yăl Dliê 8:8

mơ̆ng phung anak čô diñu ăt dôk êdei kơ diñu hlăm čar, phung anăn phung Israel amâo bi rai ôh — phung anei Y-Salômôn mjing hlŭn hlŏng truh kơ hruê anei.

Y-Nêhêmi 11:3

Anei phung khua čar dôk hlăm ƀuôn Yêrusalem, ƀiădah hlăm ƀuôn điêt čar Yuđa grăp čô dôk hlăm anôk ñu pô hlăm ƀuôn: phung Israel, phung khua ngă yang, phung Lêwi, phung dĭng buăl sang yang, leh anăn phung anak čô phung dĭng buăl Y-Salômôn.

Y-Nêhêmi 7:57

Phung anak êkei phung dĭng buăl Y-Salômôn: phung anak čô Y-Sôtai, phung anak čô Y-Sôphêret, phung anak čô Y-Pêrida,

Klei Bi Hriêng 12:24

Kngan mnuih kriăng srăng kiă kriê, ƀiădah phung alah srăng jing hlŭn.

Klei Mtô Mñă Klei Bhiăn 20:11

Tơdah ƀuôn anăn lŏ wĭt lač kơ diih jing klei êđăp ênang leh anăn pŏk ƀăng jang kơ diih, snăn jih jang phung ƀuôn sang dôk hlăm ƀuôn anăn srăng tuh jia leh anăn mă bruă kơ diih.

Y-Yôsuê 15:63

Ƀiădah phung ƀuôn sang Yuđa amâo dưi suôt ôh phung Jêbusit dôk hlăm ƀuôn Yêrusalem. Snăn phung Jêbusit ăt dôk mbĭt hŏng phung ƀuôn sang Yuđa ti ƀuôn Yêrusalem hlŏng kơ hruê anei.

Y-Yôsuê 16:10

Ƀiădah diñu amâo suôt ôh phung Kanaan dôk hlăm ƀuôn Gêser; snăn phung Kanaan ăt dôk ti krah phung Êphraim hlŏng kơ hruê anei, ƀiădah jing hlŭn.

Y-Yôsuê 17:12

Ƀiădah phung anak êkei Manasê amâo dưi mă bha ôh jih jang ƀuôn anăn, snăn yơh phung Kanaan ăt dôk hlăm čar anăn.

Y-Yôsuê 17:13

Wăt tơdah phung ƀuôn sang Israel jing ktang hĭn, diñu mjing phung Kanaan hlŭn lĕ, leh anăn amâo suôt digơ̆ ôh.

Phung Khua Phat Kđi 1:21

Ƀiădah phung ƀuôn sang Benjamin amâo suôt ôh phung Jêbusit dôk hlăm ƀuôn Yêrusalem; snăn, phung Jêbusit dôk mbĭt hŏng phung ƀuôn sang Benjamin hlăm ƀuôn Yêrusalem hlŏng kơ hruê anei.

Phung Khua Phat Kđi 1:36

Kdriêl phung Amôrit dơ̆ng mơ̆ng anôk đĭ Akrabim, mơ̆ng ƀuôn Sêla leh anăn phă dlông.

Phung Khua Phat Kđi 2:20

Snăn Yêhôwa čuh ai ngêñ kơ phung Israel, leh anăn Ñu lač, “Kyuadah phung ƀuôn sang anei gao leh klei Kâo bi mguôp Kâo mtă leh kơ phung aê diñu đưm, leh anăn amâo gưt asăp Kâo ôh,

Phung Khua Phat Kđi 3:1

Nĕ anei jing phung găp djuê Yêhôwa lui ăt dôk čiăng lông dlăng phung Israel, phung amâo tuôm thâo ôh klei bi blah hlăm čar Kanaan;