I Bruă Mtao 9:16 - Klei Aê Diê Blŭ 2015

¹⁶ (Pharaôn mtao čar Êjip đĭ nao leh anăn mă ƀuôn Gêser, čuh gơ̆ hŏng pui, leh anăn bi mdjiê phung Kanaan dôk hlăm ƀuôn anăn, leh anăn brei gơ̆ jing ngăn knŭ kơ anak mniê ñu, mô̆ Y-Salômôn.

I Bruă Mtao 9:16 Iomraidhean Croise

I Bruă Mtao 3:1

Y-Salômôn ngă klei bi mguôp ung mô̆ hŏng Pharaôn mtao čar Êjip. Ñu mă anak mniê Pharaôn leh anăn atăt ba gơ̆ kơ ƀuôn Y-Đawit tơl ñu bi leh mdơ̆ng sang ñu pô leh anăn sang Yêhôwa leh anăn mnư̆ jŭm dar ƀuôn Yêrusalem.

I Bruă Mtao 7:8

Arăng ngă msĕ snăn mơh kơ sang ñu pô, anôk ñu dôk, hlăm wăl mkăn ti tluôn adŭ. Y-Salômôn ngă msĕ mơh sa boh sang msĕ si adŭ anăn pioh kơ anak mniê Pharaôn ñu mă leh jing mô̆ ñu.

I Bruă Mtao 9:24

Ƀiădah anak mniê Pharaôn đĭ nao mơ̆ng ƀuôn Đawit kơ sang ñu pô, sang Y-Salômôn mdơ̆ng leh kơ ñu. Leh anăn gơ̆ mdơ̆ng Milô.

Y-Yôsuê 10:33

Hlăk anăn Y-Hôram mtao ƀuôn Gêser đĭ nao čiăng đru dŏng ƀuôn Lakis; leh anăn Y-Yôsuê ngă kơ ñu leh anăn phung ƀuôn sang ñu tơl amâo mâo sa čô adôk ôh.

Y-Yôsuê 16:10

Ƀiădah diñu amâo suôt ôh phung Kanaan dôk hlăm ƀuôn Gêser; snăn phung Kanaan ăt dôk ti krah phung Êphraim hlŏng kơ hruê anei, ƀiădah jing hlŭn.