I Bruă Mtao 8:9 - Klei Aê Diê Blŭ 2015

⁹ Amâo mâo sa mnơ̆ng hlăm hip knŏng dua pŏk mdhă boh tâo Y-Môis dưm tinăn ti čư̆ Hôrep, anôk Yêhôwa ngă leh klei bi mguôp hŏng phung ƀuôn sang Israel, hlăk diñu kbiă mơ̆ng čar Êjip.

I Bruă Mtao 8:9 Iomraidhean Croise

I Bruă Mtao 8:21

Leh anăn tinăn kâo mkra leh sa anôk pioh hip, hlăm hip anăn mâo klei bi mguôp Yêhôwa ngă leh hŏng phung aê drei, hlăk Ñu atăt bi kbiă digơ̆ mơ̆ng čar Êjip.”

II Klei Yăl Dliê 5:10

Hlăm hip anăn amâo mâo mnơ̆ng ôh knŏng dua boh mdhă Y-Môis dưm tinăn êjai diñu dôk ti čư̆ Hôrep, tinăn Yêhôwa ngă leh sa klei bi mguôp hŏng phung ƀuôn sang Israel hlăk diñu kbiă mơ̆ng čar Êjip.

II Klei Yăl Dliê 5:9

Giê kkung anăn dlông đei tơl arăng ƀuh êdŭk gơ̆ mơ̆ng anôk doh jăk ti anăp adŭ doh jăk ti lam; ƀiădah mơ̆ng êngao arăng amâo dưi ƀuh dŏ anăn ôh; leh anăn digơ̆ dôk tinăn truh kơ hruê anei.

Klei Kbiă 13:21

Yêhôwa nao êlâo ti anăp diñu êjai hruê hlăm sa ƀĕ kmeh knam, čiăng atăt diñu ktuê êlan, leh anăn êjai mlam hlăm sa ƀĕ kmeh pui, čiăng bi mngač diñu, čiăng kơ diñu dưi êbat êjai hruê wăt mlam.

Klei Kbiă 14:24

Jĕ aguah ưm, mơ̆ng kmeh pui leh anăn knam Yêhôwa dôk dlăng kơ phung kahan Êjip, leh anăn bi rŭng phung kahan Êjip.

Klei Kbiă 16:10

Êjai Y-Arôn blŭ kơ jih jang phung bi kƀĭn ƀuôn sang Israel, diñu dlăng phă kdrăn tač, leh anăn nĕ anei, klei guh kơang Yêhôwa bi êdah hlăm knam.

Klei Kbiă 16:33

Y-Môis lač kơ Y-Arôn, “Mă sa boh čeh, dưm sa ômer mana hlăm čeh anăn, leh anăn mdơ̆ng čeh anăn ti anăp Yêhôwa, čiăng pioh gơ̆ hlăm jih jang ênuk diih.”

Klei Kbiă 25:16

Brei ih dưm hlăm hip klei hưn Kâo srăng brei kơ ih.

Klei Kbiă 25:21

Brei ih dưm kđhăp klei pap brei anăn ti dlông hip; leh anăn hlăm hip anăn brei ih dưm klei hưn Kâo srăng brei kơ ih.

Klei Kbiă 40:20

Ñu mă mdhă klei hưn leh anăn dưm gơ̆ hlăm hip, ñu hrô giê kkung ti hip, leh anăn dưm kđhăp klei pap brei ti dlông hip.

Y-Êsêkiêl 10:4

Hlăk anăn klei guh kơang Yêhôwa đĭ mơ̆ng phung čêrubim truh kơ kmhia sang; leh anăn sang bŏ hŏng knam, leh anăn wăl bŏ hŏng klei mngač mơ̆ng klei guh kơang Yêhôwa.

Bruă Lêwi 16:2

Yêhôwa lač kơ Y-Môis, “Lač bĕ kơ Y-Arôn ayŏng ih, đăm brei ñu mŭt tui si ñu čiăng ôh hlăm anôk doh jăk hĭn tĭng lam čhiăm păng ti anăp kđhăp klei pap brei ti dlông hip klei bi mguôp, huĭdah ñu djiê; kyuadah Kâo srăng bi êdah hlăm knam ti kđhăp klei pap brei.

Klei Yap 17:10

Yêhôwa lač kơ Y-Môis, “Lŏ dưm giê Y-Arôn ti anăp hip klei bi mguôp, čiăng pioh jing sa mnơ̆ng bi knăl kơ phung bi kdơ̆ng, čiăng kơ ih bi ruê̆ klei diñu blŭ dŭñ dŭñ bi kdơ̆ng hŏng Kâo, huĭdah diñu djiê.”

Klei Yap 9:15

Ti hruê arăng mdơ̆ng sang čhiăm knam guôm sang čhiăm, sang čhiăm klei bi mguôp; leh anăn ti tlam truh kơ aguah knam dôk ti dlông sang čhiăm msĕ si pui.

Klei Mtô Mñă Klei Bhiăn 31:26

“Mă bĕ hdruôm hră klei bhiăn anei leh anăn dưm gơ̆ ti djiêô hip klei bi mguôp Yêhôwa Aê Diê diih, čiăng gơ̆ dưi dôk tinăn jing sa klei hưn bi kdơ̆ng hŏng diih.

Klei Mtô Mñă Klei Bhiăn 4:13

Leh anăn Yêhôwa hưn kơ diih klei Ñu bi mguôp, klei Ñu mtă leh brei diih tui ngă, čiăng lač pluh mta klei mtă; leh anăn Ñu čih klei anăn ti dlông dua pŏk mdhă boh tâo.

Hêbrơ 9:4

mâo knưl mah pioh čuh mnơ̆ng ƀâo mngưi leh anăn hip klei bi mguôp luôm mah sơăi. Hlăm hip anăn mâo sa boh čeh mah arăng dưm mana, giê Y-Arôn bi mnga leh, leh anăn mdhă boh tâo klei bi mguôp.

Klei Bi Êdah 15:8

Leh anăn sang kkuh mpŭ bŏ hŏng săp pui mơ̆ng klei guh kơang Aê Diê leh anăn mơ̆ng klei myang Ñu, leh anăn amâo mâo pô dưi mŭt ôh hlăm sang kkuh mpŭ tơl kjuh mta klei bi knap mơ̆ng kjuh čô dĭng buăl jăk bi ruê̆ leh.