I Bruă Mtao 8:57 - Klei Aê Diê Blŭ 2015

⁵⁷ Brei Yêhôwa Aê Diê drei dôk mbĭt hŏng drei, msĕ si Ñu dôk leh hŏng phung aê drei. Đăm brei Ñu lui drei amâodah hngah kơ drei ôh;

I Bruă Mtao 8:57 Iomraidhean Croise

I Klei Yăl Dliê 28:9

Leh anăn bi ih, Ơ Y-Salômôn anak êkei kâo, thâo kral bĕ Aê Diê ama ih, leh anăn mă bruă bĕ kơ ñu hŏng jih ai tiê leh anăn hŏng klei mĭn čiăng; kyuadah Yêhôwa ksiêm dlăng jih jang ai tiê, leh anăn ñu thâo săng jih jang hdră leh anăn klei mĭn. Tơdah ih duah ñu, ñu srăng brei ih ƀuh ñu; ƀiădah tơdah ih lui ñu, ñu srăng suôt ih hlŏng lar.

Klei Mmuñ Hđăp 46:11

Yêhôwa kơ phung kahan dôk mbĭt hŏng hmei; Aê Diê Y-Yakôp jing anôk hmei đuĕ dăp. (Sêla)

Klei Mmuñ Hđăp 46:7

Yêhôwa kơ phung kahan dôk mbĭt hŏng hmei; Aê Diê Y-Yakôp jing anôk hmei đuĕ dăp. (Sêla)

Y-Êsai 41:10

Đăm huĭ ôh, kyuadah Kâo dôk mbĭt hŏng diih. Đăm êdu ai ôh, kyuadah Kâo jing Aê Diê diih. Kâo srăng bi ktang diih, Kâo srăng đru diih. Kâo srăng krơ̆ng diih hŏng kngan hnuă kpă ênô Kâo.

Y-Êsai 8:10

Bi trông čhai bĕ hdơ̆ng diih, ƀiădah klei anăn srăng jing hơăi mang. Mkra hdră ngă, ƀiădah klei anăn amâo srăng dôk kjăp ôh, kyuadah Aê Diê dôk mbĭt hŏng drei.

Y-Mathiơ 1:23

“Nĕ anei, sa čô mniê êra hrông srăng kkiêng kơ sa čô anak êkei, leh anăn arăng srăng bi anăn gơ̆ Êmanuel,” čiăng lač, “Aê Diê dôk mbĭt hŏng drei.”

Y-Mathiơ 28:20

bi hriăm diñu brei gưt jih jang klei Kâo mtă leh kơ diih. Leh anăn nĕ anei, Kâo dôk mbĭt hŏng diih nanao tơl knhal tuč lăn ala.”

Hră Y-Pôl Mơĭt kơ Phung Rôm 8:31

Snăn, ya drei srăng lač kơ klei anei lĕ? Tơdah Aê Diê dôk tĭng kơ drei, hlei pô dưi bi kdơ̆ng hŏng drei?

Klei Mtô Mñă Klei Bhiăn 31:17

Kâo srăng čuh ai ngêñ kơ diñu hlăm hruê anăn, Kâo srăng lui diñu leh anăn mdăp ƀô̆ mta Kâo kơ diñu, leh anăn arăng srăng kĕ ƀơ̆ng diñu. Lu mta klei jhat leh anăn rŭng răng srăng truh kơ diñu, snăn diñu srăng lač hlăm hruê anăn, ‘Amâo djŏ hĕ klei jhat anei truh kơ drei kyuadah Aê Diê drei amâo dôk ti krah drei ôh?’

Klei Mtô Mñă Klei Bhiăn 31:6

Brei jing ktang leh anăn mđĭ ai bĕ. Đăm huĭ amâodah krưp ôh kơ diñu; kyuadah Yêhôwa, Aê Diê diih yơh nao mbĭt hŏng diih; Ñu amâo srăng lui ih amâodah hngah kơ diih ôh.”

Klei Mtô Mñă Klei Bhiăn 31:8

Yêhôwa yơh jing Pô êbat ti anăp ih; Ñu srăng dôk mbĭt hŏng ih, Ñu amâo srăng lui ih amâodah hngah kơ ih ôh. Đăm huĭ amâodah êdu ai ôh.”

Hêbrơ 13:5

Đăm khăp kơ prăk ôh; leh anăn dôk mơak bĕ hŏng mnơ̆ng diih mâo leh; kyuadah Aê Diê lač leh, “Kâo amâo srăng lui ih amâodah hngah kơ ih ôh.”

Y-Yôsuê 1:5

Amâo mâo pô srăng dưi bi kdơ̆ng hŏng ih ôh jih jang hruê ih dôk hdĭp. Kâo srăng dôk mbĭt hŏng ih msĕ si Kâo dôk leh mbĭt hŏng Y-Môis; Kâo amâo srăng lui amâodah hngah ih ôh.

Y-Yôsuê 1:9

Amâo djŏ hĕ Kâo mtă leh kơ ih? Brei ih jing ktang leh anăn mâo ai tiê jhŏng. Đăm huĭ ôh, kăn êdu ai rei, kyuadah Yêhôwa Aê Diê ih dôk mbĭt hŏng ih ti anôk ih nao.”

Y-Yôsuê 24:23

Ñu lač, “snăn hwiê hĕ phung yang tue ti krah diih, leh anăn bi wir ai tiê diih phă Yêhôwa, Aê Diê phung Israel.”

I Y-Samuel 12:22

Kyuadah Yêhôwa amâo srăng lui ôh phung ƀuôn sang Ñu kyua anăn Ñu prŏng, kyuadah Yêhôwa mơak leh mjing diih sa phung ƀuôn sang kơ Ñu pô.