I Bruă Mtao 8:53 - Klei Aê Diê Blŭ 2015

⁵³ Kyuadah Ih bi ktlah pioh brei leh diñu mơ̆ng jih jang phung ƀuôn sang ti lăn ala, čiăng brei diñu jing ngăn dưn Ih, tui si Ih hưn leh hŏng Y-Môis dĭng buăl Ih, hlăk Ih bi kbiă phung aê hmei mơ̆ng čar Êjip, Ơ Khua Yang Yêhôwa.”

I Bruă Mtao 8:53 Iomraidhean Croise

II Y-Samuel 20:19

Kâo jing sa čô hlăm phung êđăp ênang leh anăn sĭt suôr hlăm phung Israel. Ih duah bi rai sa boh ƀuôn jing msĕ si sa čô amĭ hlăm čar Israel. Si ngă ih čiăng bi rai hĕ ngăn dưn Yêhôwa lĕ?”

Klei Kbiă 33:16

Kyuadah si arăng srăng thâo sĭt kơ kâo mâo leh klei pap ti anăp ală Ih, kâo leh anăn phung ƀuôn sang Ih? Amâo djŏ hĕ hŏng klei Ih nao mbĭt hŏng hmei, snăn hmei srăng jing phung mdê, kâo leh anăn phung ƀuôn sang Ih, mơ̆ng jih jang phung ƀuôn sang mkăn dôk ti rŏng lăn ala?”

Y-Yêrêmi 10:16

Aê Diê Pô pioh kơ phung Yakôp amâo jing msĕ snăn ôh, kyuadah Ñu jing Pô Hrih leh jih jang mnơ̆ng, leh anăn wăt phung Israel, găp djuê Ñu dưn ngăn; Yêhôwa kơ phung kahan jing anăn Ñu.

Klei Yap 23:9

Kyuadah mơ̆ng čŏng čư̆ kâo ƀuh ñu, mơ̆ng kbuôn kâo dlăng kơ ñu; nĕ anei, sa phung ƀuôn sang dôk hjăn, leh anăn amâo yap ñu pô mbĭt hŏng phung găp djuê mnuih ôh!

Êphêsô 1:18

čiăng kơ ală ai tiê diih jing mngač, snăn kơh diih dưi thâo ya jing klei čang hmăng diih mâo kyua klei Ñu iêô diih leh, ya jing klei mdrŏng klei dưn ngăn guh kơang Ñu hlăm phung doh jăk,

Klei Mtô Mñă Klei Bhiăn 14:2

Kyuadah diih jing sa phung ƀuôn sang doh jăk kơ Yêhôwa Aê Diê diih, leh anăn Yêhôwa ruah leh ih brei jing sa phung ƀuôn sang jing dŏ Ñu pô kbiă mơ̆ng jih jang phung ƀuôn sang dôk ti dlông rŏng lăn ala.”

Klei Mtô Mñă Klei Bhiăn 32:9

Kyuadah kdrêč pioh kơ Yêhôwa jing phung ƀuôn sang Ñu pô, phung Yakôp jing ngăn dưn pioh kơ Ñu.

Klei Mtô Mñă Klei Bhiăn 4:34

Amâodah tuôm mâo mơ̆ sa čô yang lông hriê mă kơ ñu pô sa găp djuê mnuih mơ̆ng ti krah sa găp djuê mkăn hŏng klei bi lông, hŏng klei bi knăl, hŏng bruă yuôm bhăn, leh anăn hŏng klei bi blah, hŏng kngan myang leh anăn yơr leh, leh anăn hŏng klei bi huĭ prŏng msĕ si jih jang klei Yêhôwa Aê Diê diih ngă leh kơ diih hlăm čar Êjip ti anăp ală diih?

Y-Tit 2:14

Ñu jao leh Ñu pô kyua drei čiăng bi tui drei mơ̆ng jih jang klei wê, leh anăn čiăng bi doh jăk drei pioh kơ Ñu pô sa phung ƀuôn sang hur har kơ bruă jăk.

I Y-Pêtrôs 2:9

Ƀiădah diih jing sa phung găp djuê Aê Diê ruah leh, phung khua ngă yang kơ mtao, sa phung găp djuê doh jăk, phung ƀuôn sang Aê Diê pô, čiăng kơ diih dưi hưn bruă yuôm bhăn Pô iêô leh diih kbiă mơ̆ng klei mmăt truh kơ klei mngač yuôm bhăn Ñu.