I Bruă Mtao 8:51 - Klei Aê Diê Blŭ 2015

⁵¹ (kyuadah diñu jing phung ƀuôn sang Ih, leh anăn ngăn dưn Ih, phung Ih bi kbiă leh mơ̆ng čar Êjip mơ̆ng ti krah kpur pui msei);

I Bruă Mtao 8:51 Iomraidhean Croise

I Bruă Mtao 8:53

Kyuadah Ih bi ktlah pioh brei leh diñu mơ̆ng jih jang phung ƀuôn sang ti lăn ala, čiăng brei diñu jing ngăn dưn Ih, tui si Ih hưn leh hŏng Y-Môis dĭng buăl Ih, hlăk Ih bi kbiă phung aê hmei mơ̆ng čar Êjip, Ơ Khua Yang Yêhôwa.”

II Klei Yăl Dliê 6:39

hlăk anăn hmư̆ bĕ mơ̆ng anôk Ih dôk hlăm adiê klei diñu wah lač leh anăn kwưh, leh anăn đru bruă diñu leh anăn pap brei kơ phung ƀuôn sang Ih ngă soh leh hŏng Ih.

Y-Nêhêmi 1:10

Diñu jing phung dĭng buăl Ih leh anăn phung ƀuôn sang Ih, phung Ih bi tui leh hŏng klei myang prŏng leh anăn kngan ktang Ih.

Klei Mmuñ Hđăp 28:9

Bi mtlaih bĕ phung ƀuôn sang Ih, leh anăn brei klei jăk jĭn kơ phung ngăn dưn Ih; brei Ih jing mgăt biăp kơ diñu, leh anăn răng kriê diñu hlŏng lar.

Y-Êsai 48:10

Nĕ anei, Kâo bi doh ih leh, ƀiădah amâo djŏ msĕ si prăk ôh; Kâo lông dlăng ih leh hlăm kpur pui klei knap mñai.

Y-Êsai 64:9

Ơ Yêhôwa, đăm ngêñ êgao hnơ̆ng ôh, kăn hdơr hlŏng lar rei kơ klei wê hmei. Nĕ anei, dlăng bĕ, jih jang hmei jing phung ƀuôn sang Ih.

Y-Yêrêmi 11:4

Kâo mtă leh kơ phung aê diih tơdah Kâo atăt diñu kbiă mơ̆ng čar Êjip mơ̆ng kpur pui msei,’ lač, ‘Dôk hmư̆ bĕ asăp Kâo, leh anăn ngă bĕ jih jang klei Kâo mtă kơ diih. Snăn kơh diih srăng jing phung ƀuôn sang Kâo, leh anăn Kâo srăng jing Aê Diê diih,

Y-Yêrêmi 51:19

Pô jing Ngăn dưn Y-Yakôp amâo jing msĕ si dŏ anăn ôh, kyuadah Ñu jing pô mjing jih jang mnơ̆ng, găp djuê Israel jing ngăn dưn Ñu; anăn Ñu jing Yêhôwa kơ phung kahan.

Y-Đaniel 3:26

Leh anăn Y-Nebukatnetsar nao giăm mbah kpur pui, lač, “Ơ Y-Sadrak, Mêsăk, leh anăn Y-Abetnêgô, phung dĭng buăl Aê Diê Pô Ti Dlông Hĭn, kbiă hriê bĕ!” Snăn Y-Sadrak, Y-Mêsăk, leh anăn Y-Abetnêgô kbiă mơ̆ng ti krah pui.

Klei Mtô Mñă Klei Bhiăn 32:9

Kyuadah kdrêč pioh kơ Yêhôwa jing phung ƀuôn sang Ñu pô, phung Yakôp jing ngăn dưn pioh kơ Ñu.

Klei Mtô Mñă Klei Bhiăn 4:20

Ƀiădah Yêhôwa mă diih leh, leh anăn atăt diih kbiă mơ̆ng kpur pui msei, mơ̆ng čar Êjip, brei jing sa phung ƀuôn sang jing dŏ Ñu pô, msĕ si diih jing hruê anei.