I Bruă Mtao 8:43 - Klei Aê Diê Blŭ 2015

⁴³ hmư̆ bĕ mơ̆ng adiê anôk Ih dôk, leh anăn ngă tui si jih jang klei pô tue iêô wah lač kơ Ih; čiăng kơ jih jang phung ƀuôn sang ti lăn ala dưi thâo anăn Ih leh anăn huĭ kơ Ih, msĕ si phung ƀuôn sang Ih Israel, leh anăn čiăng kơ diñu dưi thâo kơ sang anei kâo mdơ̆ng leh kơ Ih arăng pia hŏng Anăn Ih.

I Bruă Mtao 8:43 Iomraidhean Croise

I Bruă Mtao 18:36

Ti mông myơr mnơ̆ng ngă yang, khua pô hưn êlâo Y-Êli nao giăm leh anăn lač, “Ơ Yêhôwa, Aê Diê Y-Abraham, Y-Isăk, leh anăn Y-Israel, brei arăng thâo hruê anei Ih jing Aê Diê hlăm phung Israel, leh anăn kâo jing dĭng buăl Ih, leh anăn kâo ngă leh jih klei anei tui si klei Ih blŭ.

I Bruă Mtao 8:60

čiăng kơ jih jang phung ƀuôn sang ti lăn ala dưi thâo Yêhôwa jing Aê Diê, amâo lŏ mâo pô mkăn ôh.

II Bruă Mtao 19:19

Snăn ară anei, Ơ Yêhôwa Aê Diê hmei, bi mtlaih hmei bĕ, kâo kwưh kơ Ih, mơ̆ng kngan ñu, čiăng kơ jih jang ƀuôn ala mtao ti lăn ala dưi thâo kơ hjăn Ih, Ơ Yêhôwa, jing Aê Diê.”

I Klei Yăl Dliê 16:8

Ơ bi mni bĕ kơ Yêhôwa, iêô wah lač kơ anăn ñu, brei phung ƀuôn sang thâo bruă ñu!

II Klei Yăl Dliê 6:33

hmư̆ bĕ mơ̆ng anôk Ih dôk hlăm adiê, leh anăn ngă bĕ tui si jih jang klei pô tue anăn iêô wah lač kơ Ih, čiăng kơ jih jang mnuih ƀuôn sang ti lăn ala dưi thâo kral Anăn Ih leh anăn huĭ kơ Ih, msĕ si phung ƀuôn sang Ih Israel, leh anăn čiăng kơ digơ̆ dưi thâo kral kơ sang anei kâo mdơ̆ng leh arăng pia hŏng Anăn Ih.

Klei Mmuñ Hđăp 102:15

Phung găp djuê mnuih srăng huĭ mpŭ kơ anăn Yêhôwa, jih jang phung mtao ti lăn ala srăng huĭ mpŭ kơ klei guh kơang Ih.

Klei Mmuñ Hđăp 22:27

Jih jang knhal lăn ala srăng hdơr leh anăn wĭt kơ Yêhôwa; jih jang găp djuê mnuih srăng buôn kkuh ti anăp Ñu.

Klei Mmuñ Hđăp 33:14

mơ̆ng anôk Ñu dôk kiă kriê, Ñu ksiêm dlăng jih jang phung dôk ti lăn ala.

Klei Mmuñ Hđăp 67:2

čiăng kơ arăng dưi thâo kral êlan Ih ti lăn ala anei, leh anăn jih jang phung găp djuê mnuih thâo kral klei myang Ih bi mtlaih

Klei Mmuñ Hđăp 86:9

Jih jang phung găp djuê mnuih Ih mjing leh srăng hriê buôn kkuh ti anăp Ih, Ơ Khua Yang; leh anăn diñu srăng brei klei guh kơang kơ anăn Ih.

Y-Êsai 11:9

Diñu amâo srăng ngă jhat ôh, kăn bi rai rei hlăm jih čư̆ doh jăk Kâo, kyuadah lăn ala srăng bŏ hŏng klei thâo kral Yêhôwa msĕ si êa guôm êa ksĭ.

Y-Yêrêmi 25:29

Kyuadah nĕ anei, Kâo dơ̆ng bi truh klei jhat kơ ƀuôn prŏng arăng pia hŏng Anăn Kâo, leh anăn ih srăng tlaih kơ klei bi kmhal mơ̆? Ih amâo srăng tlaih ôh kơ klei bi kmhal, kyuadah Kâo iêô đao gưm ngă kơ jih jang phung dôk ti lăn ala, Yêhôwa kơ phung kahan lač.’ ”

Klei Mtô Mñă Klei Bhiăn 26:15

Iêp dlăng bĕ mơ̆ng anôk doh jăk Ih dôk, mơ̆ng adiê, leh anăn hơêč hmưi bĕ kơ phung ƀuôn sang diih Israel leh anăn čar Ih brei leh kơ hmei, tui si Ih kat asei leh kơ phung aê hmei đưm, ala čar mâo mnơ̆ng ƀơ̆ng huă mnăm êbeh dlai.’ ”

Y-Yôsuê 4:23

Kyuadah Yêhôwa Aê Diê diih bi khuôt brei leh êa krông Yurdan tơl diih găn leh, msĕ si Yêhôwa Aê Diê diih ngă leh kơ Êa Ksĭ Hrah, Ñu bi khuôt gơ̆ tơl hmei găn leh,

Y-Yôsuê 4:24

čiăng kơ jih jang phung găp djuê mnuih ti lăn ala dưi thâo kơ kngan Yêhôwa jing myang; čiăng kơ diih huĭ mpŭ kơ Yêhôwa Aê Diê diih nanao hlŏng lar.”

Klei Bi Êdah 11:15

Leh anăn dĭng buăl jăk tal kjuh ayŭ ki ñu, leh anăn mâo hlăm adiê lu asăp kraih lač, “Ƀuôn ala mtao lăn ala jing leh ƀuôn ala mtao Khua Yang drei leh anăn Krist Ñu, leh anăn Ñu srăng kiă kriê hlăm jih jang ênuk.”

I Y-Samuel 17:46

Hruê anei Yêhôwa srăng jao ih kơ kngan kâo, kâo srăng čăm bi êbuh ih leh anăn khăt kkuê ih, leh anăn hruê anei kâo srăng brei asei mlei djiê phung kahan Philistin kơ čĭm hlăm adiê leh anăn kơ hlô dliê; čiăng kơ jih jang lăn ala dưi thâo mâo sa čô Aê Diê hlăm čar Israel,