I Bruă Mtao 8:42 - Klei Aê Diê Blŭ 2015

⁴² (kyuadah diñu srăng hmư̆ kơ anăn prŏng Ih, kngan myang Ih, leh anăn păl Ih yơr leh), tơdah ñu hriê wah lač phă sang anei,

I Bruă Mtao 8:42 Iomraidhean Croise

I Bruă Mtao 8:41

Msĕ snăn mơh tơdah sa čô tue, amâo jing ôh phung ƀuôn sang Ih Israel, hriê mơ̆ng čar kbưi kyua anăn Ih,

II Bruă Mtao 17:36

Ƀiădah brei diih huĭ mpŭ kơ Yêhôwa, Pô bi kbiă leh diih mơ̆ng čar Êjip hŏng klei myang prŏng leh anăn hŏng păl dôk yơr leh. Ƀrei diih buôn kkuh leh anăn ngă yang kơ Ñu.

II Bruă Mtao 19:19

Snăn ară anei, Ơ Yêhôwa Aê Diê hmei, bi mtlaih hmei bĕ, kâo kwưh kơ Ih, mơ̆ng kngan ñu, čiăng kơ jih jang ƀuôn ala mtao ti lăn ala dưi thâo kơ hjăn Ih, Ơ Yêhôwa, jing Aê Diê.”

II Klei Yăl Dliê 32:31

Kyuanăn, tơdah phung dĭng ktang mơ̆ng phung khua čar Ƀaƀilôn arăng tiŏ nao leh kơ ñu čiăng êmuh kơ klei bi knăl ñu ngă leh hlăm čar, Aê Diê lui tha ñu, čiăng lông dlăng ñu leh anăn čiăng thâo jih jang klei hlăm ai tiê ñu.

Klei Mmuñ Hđăp 136:12

Hŏng kngan myang leh anăn păl yơr; kyua klei khăp Ñu dôk nanao hlŏng lar.

Klei Mmuñ Hđăp 89:13

Păl Ih myang; kngan Ih ktang, leh anăn kngan hnuă Ih yơr ti dlông.

Klei Kbiă 13:14

Tơdah anak êkei ih srăng êmuh kơ ih hruê êdei, ‘Ya klei anăn čiăng mblang?’ brei ih lač kơ gơ̆, ‘Hŏng kngan myang Yêhôwa bi kbiă hmei leh mơ̆ng čar Êjip mơ̆ng sang jing hlŭn.

Klei Kbiă 13:3

Y-Môis lač kơ phung ƀuôn sang, “Brei diih hdơr kơ hruê anei, hruê diih kbiă leh mơ̆ng čar Êjip mơ̆ng sang jing hlŭn, kyuadah hŏng kngan myang Yêhôwa bi kbiă diih leh mơ̆ng anôk anei. Amâo mâo sa čô dưi ƀơ̆ng kpŭng buk ôh.

Klei Kbiă 15:14

Phung găp djuê mnuih hmư̆ leh klei anăn, diñu ktư̆ yơ̆ng; klei huĭ prŏng ngă leh kơ phung Philistin.

Klei Kbiă 3:19

Ƀiădah Kâo thâo kơ mtao Êjip amâo srăng lui diih nao ôh, knŏng tơdah mâo sa ƀĕ kngan myang mtrŭt ñu ngă.

Klei Kbiă 6:6

Kyuanăn lač bĕ kơ phung ƀuôn sang Israel, ‘Kâo jing Yêhôwa, leh anăn Kâo srăng bi êngiê diih mơ̆ng bruă ktrŏ phung Êjip, Kâo srăng bi mtlaih diih mơ̆ng klei jing hlŭn kơ diñu, leh anăn Kâo srăng bi tui diih hŏng kngan Kâo dôk yơr leh, leh anăn hŏng klei phat kđi prŏng.

Klei Kbiă 9:15

Tơdah ară anei Kâo yơr leh kngan Kâo leh anăn čăm leh ih leh anăn phung ƀuôn sang ih hŏng klei ruă tưp, ih rai luč leh mơ̆ng lăn ala.

Y-Êsai 51:9

Mdih bĕ, mdih bĕ, hơô bĕ klei ktang, Ơ păl kngan Yêhôwa! Mdih bĕ msĕ si hlăm ênuk đưm đă, ênuk mphŭn dô. Amâo djŏ Ih hĕ khăt leh čar Êjip đơ điêt, Pô tlŏ leh anak rai?

Y-Êsai 63:12

Pô bi êdah klei ktang guh kơang Ñu tĭng hnuă Y-Môis, Pô bi kah êa ti anăp digơ̆, čiăng mjing kơ Ñu pô anăn hing ang hlŏng lar,

Y-Yêrêmi 27:5

‘Kâo yơh hŏng klei myang prŏng Kâo leh anăn hŏng kngan Kâo yơr leh mjing leh lăn ala mbĭt hŏng phung mnuih leh anăn hlô mnơ̆ng dôk ti rŏng lăn ala, leh anăn Kâo jao lăn ala kơ hlei pô Kâo mĭn djŏ.

Y-Yêrêmi 3:19

Leh anăn Kâo lač, ‘Čiăng snăk yap diih msĕ si phung anak êkei Kâo, leh anăn brei kơ diih sa boh čar mơak, ngăn dưn siam hĭn kơ jih jang găp djuê mnuih. Leh anăn Kâo mĭn kơ diih srăng iêô kơ Kâo, “Ama kâo,” leh anăn amâo weh ôh mơ̆ng klei tui hlue Kâo.

Y-Yêrêmi 31:11

Kyuadah Yêhôwa bi tui leh phung Yakôp, leh anăn bi mtlaih leh digơ̆ mơ̆ng kngan pô ktang hĭn kơ digơ̆.

Y-Yêrêmi 32:17

‘Ơ Yêhôwa Aê Diê ah! Ih yơh mjing leh phung adiê leh anăn lăn hŏng klei myang prŏng Ih leh anăn hŏng păl Ih yơr leh! Amâo mâo sa klei ôh jing dleh đei kơ Ih,

Y-Êsêkiêl 20:33

Tui si Kâo dôk hdĭp,’ Yêhôwa Aê Diê lač, ‘sĭt nik hŏng kngan myang leh anăn păl yơr leh, leh anăn êjai tuh klei ngêñ, Kâo srăng jing mtao kiă kriê diih.

Y-Êsêkiêl 20:9

Ƀiădah Kâo ngă leh kyua anăn Kâo pô, čiăng kơ diñu amâo bi čhŏ ôh anăn Kâo ti anăp ală phung găp djuê mnuih, ti krah phung anăn diñu dôk, ti anăp ală phung anăn Kâo bi êdah leh Kâo pô kơ diñu êjai atăt diñu kbiă mơ̆ng čar Êjip.

Y-Đaniel 2:47

Mtao lač kơ Y-Đaniel, “Sĭt nik Aê Diê ih jing Aê Diê kơ phung yang, Khua Yang kơ phung mtao, Pô bi êdah klei hgăm, kyuadah ih dưi bi êdah leh klei hgăm anei.”

Y-Đaniel 3:28

Y-Nebukatnetsar lač, “Mpŭ mni kơ Aê Diê Y-Sadrak, Y-Mêsăk, leh anăn Y-Abetnêgô, Pô tiŏ nao dĭng buăl jăk Ñu bi mtlaih leh phung dĭng buăl knang kơ Ñu, phung bi mlih leh klei mtao mtă, leh anăn săn asei mlei digơ̆ čiăng amâo kkuh mpŭ kơ yang mkăn ôh knŏng hjăn Aê Diê digơ̆ pô.

Y-Đaniel 4:37

Ară anei, kâo gơ̆ Y-Nebukatnetsar bi mni, mpŭ, leh anăn mpŭ mni kơ Mtao hlăm adiê; kyuadah jih bruă Ñu jing sĭt leh anăn êlan Ñu kpă; leh anăn hlei pô êbat hlăm klei mgao Ñu dưi bi mdlưh hĕ.

Y-Sakari 14:16

Hlăk anăn phung adôk hdĭp hlăm jih jang găp djuê mnuih hriê bi blah hŏng ƀuôn Yêrusalem leh srăng đĭ nao tinăn grăp thŭn čiăng kkuh mpŭ kơ Mtao, Yêhôwa kơ phung kahan, čiăng hdơr pioh Klei Knăm Sang Trưng.

Klei Yap 15:14

Tơdah sa čô tue dôk jưh bhiâo mbĭt hŏng diih, amâodah tơdah mâo sa čô dôk ti krah diih hlăm jih jang ênuk diih, leh anăn ñu čiăng myơr sa mnơ̆ng myơr brei pui ƀơ̆ng, mnâo ƀâo mngưi kơ Yêhôwa, brei ñu ngă msĕ si diih ngă.

Bruă Phung Khua Ƀĭng Kna 8:27

Y-Philip kgŭ nao. Nĕ anei, mâo sa čô Êthiôpi arăng mkriâo leh, jing sa čô dĭng ktang kiă jih ngăn drăp H'Kandas mtao mniê čar Êthiôpi. Ñu hriê leh kơ ƀuôn Yêrusalem čiăng kkuh mpŭ,

Klei Mtô Mñă Klei Bhiăn 3:24

‘Ơ Khua Yang Yêhôwa, Ih knŏng dơ̆ng bi êdah kơ dĭng buăl Ih klei Ih jing prŏng leh anăn kngan myang Ih; kyuadah hlei yang ti adiê amâodah ti lăn ala dưi ngă bruă leh anăn klei yuôm bhăn msĕ si Ih?

Klei Mtô Mñă Klei Bhiăn 4:34

Amâodah tuôm mâo mơ̆ sa čô yang lông hriê mă kơ ñu pô sa găp djuê mnuih mơ̆ng ti krah sa găp djuê mkăn hŏng klei bi lông, hŏng klei bi knăl, hŏng bruă yuôm bhăn, leh anăn hŏng klei bi blah, hŏng kngan myang leh anăn yơr leh, leh anăn hŏng klei bi huĭ prŏng msĕ si jih jang klei Yêhôwa Aê Diê diih ngă leh kơ diih hlăm čar Êjip ti anăp ală diih?

Klei Mtô Mñă Klei Bhiăn 4:6

Djă pioh bĕ leh anăn ngă tui hlue klei anăn; kyuadah klei anăn srăng jing klei thâo mĭn leh anăn klei thâo săng diih ti anăp ală phung ƀuôn sang, tơdah diñu hmư̆ jih jang klei bhiăn anei leh anăn lač, ‘Sĭt nik phung găp djuê prŏng anei jing sa phung ƀuôn sang thâo mĭn leh anăn thâo săng.’

Y-Yôsuê 4:24

čiăng kơ jih jang phung găp djuê mnuih ti lăn ala dưi thâo kơ kngan Yêhôwa jing myang; čiăng kơ diih huĭ mpŭ kơ Yêhôwa Aê Diê diih nanao hlŏng lar.”

Y-Yôsuê 7:9

Kyuadah phung Kanaan leh anăn jih jang phung dôk hlăm čar anăn srăng hmư̆ kơ klei anei, diñu srăng wang hmei, leh anăn lăm hĕ anăn hmei mơ̆ng lăn ala. Leh anăn ya Ih srăng ngă kyua anăn prŏng Ih?”