I Bruă Mtao 8:23 - Klei Aê Diê Blŭ 2015

²³ leh anăn lač, “Ơ Yêhôwa, Aê Diê phung Israel! Amâo mâo ôh Aê Diê mkăn msĕ si Ih hlăm adiê ti dlông amâodah ti lăn ala ti gŭ, djă pioh klei bi mguôp leh anăn bi êdah klei khăp sĭt suôr kơ phung dĭng buăl Ih, phung êbat ti anăp Ih hŏng jih ai tiê diñu;

I Bruă Mtao 8:23 Iomraidhean Croise

Klei Mphŭn Dơ̆ng 17:1

Tơdah Y-Abram mâo dua păn pluh dua păn thŭn, Khua Yang bi êdah kơ Y-Abram, lač kơ ñu, “Kâo jing Aê Diê Pô Mâo Jih Klei Myang. Êbat bĕ ti anăp Kâo leh anăn brei ih jing pô amâo mâo klei arăng dưi ƀuah ôh.

Klei Mphŭn Dơ̆ng 33:20

Ñu mdơ̆ng tinăn mơh sa boh knưl ngă yang leh anăn pia gơ̆, Êl-Êlôhê-Israel.

II Y-Samuel 7:22

Kyuanăn Ih jing prŏng, Ơ Khua Yang Yêhôwa, kyuadah amâo mâo sa čô ôh msĕ si Ih, leh anăn amâo mâo Aê Diê mkăn êngao kơ Ih ôh, tui si jih klei hmei hmư̆ leh hŏng knga hmei.

I Bruă Mtao 2:4

čiăng kơ Yêhôwa dưi bi sĭt klei Ñu blŭ leh djŏ kơ kâo, lač, ‘Tơdah phung anak êkei ih răng kơ êlan diñu čiăng êbat ti anăp Kâo hlăm klei sĭt suôr hŏng jih ai tiê leh anăn jih mngăt diñu, amâo srăng kƀah sa čô êkei ôh čuê anôk ih ti jhưng mtao phung Israel.’

I Bruă Mtao 3:6

Y-Salômôn lač, “Ih bi êdah leh klei khăp prŏng leh anăn sĭt suôr kơ dĭng buăl Ih Y-Đawit ama kâo, kyuadah ñu êbat ti anăp Ih hŏng klei sĭt suôr, hŏng klei kpă ênô, leh anăn hŏng klei ênuah ai tiê ti anăp Ih. Leh anăn Ih djă pioh leh kơ ñu klei khăp prŏng anei leh anăn brei leh kơ ñu sa čô anak êkei dôk gŭ ti jhưng mtao ñu hruê anei.

I Bruă Mtao 6:12

“Bi kơ sang ih dôk ngă anei, tơdah ih srăng êbat hlăm klei bhiăn Kâo, leh anăn gưt klei Kâo mtrŭn, leh anăn djă pioh jih klei Kâo mtă, êbat tui hlue digơ̆, snăn Kâo srăng bi sĭt klei Kâo blŭ hŏng ih, klei anăn Kâo blŭ leh hŏng Y-Đawit ama ih.

I Bruă Mtao 8:24

Pô djă pioh leh hŏng dĭng buăl Ih Y-Đawit ama kâo klei Ih hưn leh kơ ñu. Sĭt nik Ih blŭ leh hŏng ƀăng êgei Ih, leh anăn hŏng kngan Ih, Ih bi sĭt leh klei anăn hruê anei.

II Bruă Mtao 20:3

“Hdơr bĕ ară anei, Ơ Yêhôwa, kâo kwưh kơ Ih, klei kâo êbat leh ti anăp Ih hŏng klei sĭt suôr leh anăn hŏng jih ai tiê, leh anăn ngă leh klei jăk ti anăp ală Ih.” Leh anăn Y-Hêsêkia hia ênguôt snăk.

Y-Êsra 1:3

Hlei hlăm phung diih jing phung ƀuôn sang Ñu, brei Aê Diê ñu dôk mbĭt hŏng ñu, leh anăn brei ñu nao kơ ƀuôn Yêrusalem hlăm čar Yuđa, leh anăn lŏ mdơ̆ng sang yang Yêhôwa Aê Diê phung Israel, Ñu jing Aê Diê hlăm ƀuôn Yêrusalem.

Y-Nêhêmi 1:5

Kâo lač, “Ơ Yêhôwa, Aê Diê kơ jih adiê, Aê Diê prŏng hĭn leh anăn năng huĭ, Pô djă pioh klei bi mguôp leh anăn klei khăp sĭt suôr kơ phung khăp kơ Ñu leh anăn djă pioh klei Ñu mtă;

Y-Nêhêmi 9:32

Kyua anăn ară anei, Ơ Aê Diê hmei, Pô prŏng, Pô myang, leh anăn Aê Diê năng kơ arăng huĭ, Pô djă pioh klei bi mguôp leh anăn klei khăp sĭt suôr, đăm yap msĕ si klei điêt ôh klei truh leh kơ hmei, kơ phung mtao hmei, kơ phung khua hmei, kơ phung khua ngă yang hmei, kơ phung khua pô hưn êlâo hmei, kơ phung aê hmei, leh anăn kơ jih jang phung ƀuôn sang Ih dơ̆ng mơ̆ng ênuk phung mtao Asiri truh kơ hruê anei.

Klei Mmuñ Hđăp 113:5

Hlei pô jing msĕ si Yêhôwa Aê Diê drei, Pô dôk hlăm anôk ti dlông hĭn,

Klei Mmuñ Hđăp 35:10

Jih jang klang kâo srăng lač, “Ơ Yêhôwa, hlei pô jing msĕ si Ih? Ih jing Pô bi mtlaih pô awăt mơ̆ng pô ktang hĭn kơ ñu, wăt Ih bi mtlaih pô knap mñai leh anăn ƀun ƀin mơ̆ng pô plah mă mnơ̆ng ñu.”

Klei Mmuñ Hđăp 86:8

Ơ Khua Yang, amâo mâo ôh pô jing msĕ si Ih hlăm phung yang; kăn mâo bruă mkăn rei msĕ si bruă Ih.

Klei Kbiă 15:11

Hlei yang jing msĕ si Ih, Ơ Yêhôwa? Hlei jing msĕ si Ih, guh kơang hlăm klei doh jăk, Pô thâo bi huĭ hŏng bruă guh kơang, ngă lu klei yuôm bhăn?

Klei Kbiă 3:15

Aê Diê lŏ lač kơ Y-Môis, “Brei ih blŭ kơ phung ƀuôn sang Israel snei, ‘Yêhôwa, Aê Diê phung aê diih, Aê Diê Y-Abraham, Aê Diê Y-Isăk, leh anăn Aê Diê Y-Yakôp, tiŏ hriê kâo kơ diih.’ Anei yơh anăn Kâo hlŏng lar, anei yơh arăng srăng hdơr kơ Kâo hlăm jih jang ênuk.

Y-Êsai 40:18

Hŏng hlei pô ih čiăng bi msĕ Aê Diê, amâodah ya mnơ̆ng ih dưi bi mđơr hŏng Ñu?

Y-Êsai 40:25

Snăn Pô Doh Jăk lač, “Hŏng hlei pô diih srăng bi msĕ Kâo, čiăng jing mđơr hŏng Kâo?”

Y-Yêrêmi 10:16

Aê Diê Pô pioh kơ phung Yakôp amâo jing msĕ snăn ôh, kyuadah Ñu jing Pô Hrih leh jih jang mnơ̆ng, leh anăn wăt phung Israel, găp djuê Ñu dưn ngăn; Yêhôwa kơ phung kahan jing anăn Ñu.

Y-Yêrêmi 10:6

Amâo mâo pô mkăn msĕ si Ih, Ơ Yêhôwa, Ih jing prŏng, Anăn Ih jing prŏng hŏng klei myang.

Y-Đaniel 9:4

Kâo wah lač kơ Yêhôwa Aê Diê kâo leh anăn hưn klei soh kâo kơ Ñu, lač, “Ơ Yêhôwa, Aê Diê prŏng leh anăn năng kơ arăng huĭ, Pô djă pioh klei bi mguôp leh anăn klei jăk kơ phung khăp kơ Ñu leh anăn gưt klei Ñu mtă.

Y-Luk 1:72

čiăng bi sĭt klei pap Ñu ƀuăn leh kơ phung aê drei, leh anăn hdơr klei bi mguôp doh jăk Ñu ngă leh,

Klei Mtô Mñă Klei Bhiăn 7:12

“Tơdah ih mđing knga kơ klei mtă anei, djă pioh leh anăn ngă tui hlue klei anăn, Yêhôwa Aê Diê diih srăng djă pioh hŏng diih klei bi mguôp leh anăn klei pap Ñu kat asei leh čiăng djă pioh kơ phung aê đưm diih.

Klei Mtô Mñă Klei Bhiăn 7:9

Kyuanăn brei ih thâo Yêhôwa Aê Diê diih jing Aê Diê, Aê Diê sĭt suôr, Pô djă pioh klei Ñu bi mguôp leh anăn klei pap kơ phung khăp kơ Ñu leh anăn djă pioh klei Ñu mtă, kơ sa êbâo ênuk,

I Y-Samuel 2:2

Amâo mâo pô doh jăk msĕ si Yêhôwa ôh, amâo mâo pô mkăn êngao kơ Ih ôh; amâo mâo ôh Boh Tâo msĕ si Aê Diê drei.