I Bruă Mtao 8:22 - Klei Aê Diê Blŭ 2015

²² Leh anăn Y-Salômôn dôk dơ̆ng ti anăp knưl Yêhôwa ti anăp jih jang phung Israel bi kƀĭn. Ñu yơr kngan ñu phă adiê,

I Bruă Mtao 8:22 Iomraidhean Croise

I Bruă Mtao 8:54

Tơdah Y-Salômôn bi ruê̆ leh klei wah lač leh anăn klei kwưh anei kơ Yêhôwa, ñu kgŭ mơ̆ng ti anăp knưl Yêhôwa, anôk ñu čuôn kơŭt kngan ñu yơr phă adiê.

II Bruă Mtao 11:14

Leh anăn tơdah ñu dlăng, nĕ anei mtao dôk dơ̆ng giăm kmeh tui si klei bhiăn, phung khua kahan leh anăn phung ayŭ ki dôk ti djiêô mtao, leh anăn jih jang phung ƀuôn sang hlăm lăn čar hơ̆k mơak leh anăn ayŭ ki. H'Athalia hiêk čhiăm ao ñu leh anăn ur, “Klei lhiăr! Klei lhiăr yơh!”

II Bruă Mtao 23:3

Mtao dôk dơ̆ng ti kmeh leh anăn ngă sa klei bi mguôp ti anăp Yêhôwa, čiăng êbat tui hlue Yêhôwa leh anăn djă pioh klei Gơ̆ mtă, klei Gơ̆ hưn, leh anăn klei bhiăn Gơ̆ hŏng jih ai tiê leh anăn hŏng jih mngăt ñu, čiăng ngă tui si klei blŭ kơ klei bi mguôp anei čih leh hlăm hdruôm hră anei. Leh anăn jih jang phung ƀuôn sang jing sa ai hlăm klei bi mguôp anăn.

Y-Êsra 9:5

Ti mông myơr mnơ̆ng ngă yang tlam kâo kgŭ mơ̆ng klei kăm ƀơ̆ng huă, hŏng čhiăm ao leh anăn ao jhung kơhiêk leh, leh anăn kâo čuôn kơŭt leh anăn mblang kngan kâo kơ Yêhôwa Aê Diê kâo

Y-Yôp 11:13

Tơdah ih myơr ai tiê ih kơ Aê Diê, leh anăn yơr kngan ih čiăng wah lač kơ Ñu,

Klei Mmuñ Hđăp 28:2

Hmư̆ bĕ asăp kâo kwưh kơ Ih, êjai kâo akâo kơ Ih đru, êjai kâo yơr kngan kâo phă sang čhiăm doh jăk Ih.

Klei Mmuñ Hđăp 63:4

Snăn kâo srăng bi mni kơ Ih jih ênuk kâo dôk hdĭp; kâo srăng yơr kngan kâo leh anăn iêô wah lač kơ anăn Ih.

Klei Kbiă 33:10

Tơdah jih jang phung ƀuôn sang ƀuh kmeh knam dôk ti ƀăng bhă sang čhiăm, jih jang phung ƀuôn sang kgŭ leh anăn kkuh mpŭ, grăp čô ti ƀăng bhă sang čhiăm ñu pô.

Klei Kbiă 9:29

Y-Môis lač kơ ñu, “Tơdah kâo kbiă leh mơ̆ng ƀuôn, kâo srăng yơr kngan kâo kơ Yêhôwa; grăm srăng mdei leh anăn amâo srăng lŏ mâo boh tâo pliêr ôh, čiăng bi ih thâo kơ lăn ala jing dŏ Yêhôwa.

Klei Kbiă 9:33

Y-Môis kbiă mơ̆ng Pharaôn, nao ti êngao ƀuôn; ñu yơr kngan ñu kơ Yêhôwa. Grăm leh anăn hjan boh tâo pliêr mdei, leh anăn adiê amâo lŏ hjan ôh.

Y-Êsai 1:15

Tơdah diih yơr kngan diih, Kâo srăng mdăp ală Kâo kơ diih. Wăt tơdah diih wah lač lu, Kâo amâo srăng hmư̆ ôh, kyuadah kngan diih bŏ hŏng êrah.

I Y-Timôthê 2:8

Snăn hlăm jih jang anôk kâo čiăng kơ phung êkei wah lač, yơr kngan doh jăk amâo mâo klei ăl amâodah klei bi mneh msao ôh.