I Bruă Mtao 8:21 - Klei Aê Diê Blŭ 2015

²¹ Leh anăn tinăn kâo mkra leh sa anôk pioh hip, hlăm hip anăn mâo klei bi mguôp Yêhôwa ngă leh hŏng phung aê drei, hlăk Ñu atăt bi kbiă digơ̆ mơ̆ng čar Êjip.”

I Bruă Mtao 8:21 Iomraidhean Croise

I Bruă Mtao 8:9

Amâo mâo sa mnơ̆ng hlăm hip knŏng dua pŏk mdhă boh tâo Y-Môis dưm tinăn ti čư̆ Hôrep, anôk Yêhôwa ngă leh klei bi mguôp hŏng phung ƀuôn sang Israel, hlăk diñu kbiă mơ̆ng čar Êjip.

I Klei Yăl Dliê 22:19

Ară anei čuăn bĕ hlăm klei mĭn leh anăn ai tiê diih čiăng duah Yêhôwa Aê Diê diih. Kgŭ bĕ leh anăn mdơ̆ng anôk doh jăk kơ Yêhôwa Aê Diê, čiăng kơ hip klei bi mguôp Yêhôwa leh anăn čhiên mngan doh jăk Aê Diê arăng dưi ba mŭt dưm hlăm sa boh sang mdơ̆ng leh kơ anăn Yêhôwa.”

Klei Kbiă 24:8

Y-Môis mă êrah leh anăn hƀrah ti dlông phung ƀuôn sang, leh anăn lač, “Nĕ anei, êrah klei bi mguôp Yêhôwa ngă leh hŏng diih tui si jih klei blŭ anei.”

Klei Kbiă 34:28

Ñu dôk tinăn mbĭt hŏng Yêhôwa pă pluh hruê leh anăn pă pluh mlam; ñu amâo ƀơ̆ng mnơ̆ng ôh, kăn ñu mnăm êa rei. Leh anăn Yêhôwa čih ti mdhă klei blŭ kơ klei bi mguôp, pluh mta klei bhiăn.

Klei Mtô Mñă Klei Bhiăn 31:26

“Mă bĕ hdruôm hră klei bhiăn anei leh anăn dưm gơ̆ ti djiêô hip klei bi mguôp Yêhôwa Aê Diê diih, čiăng gơ̆ dưi dôk tinăn jing sa klei hưn bi kdơ̆ng hŏng diih.

Klei Mtô Mñă Klei Bhiăn 9:11

Leh tloh pă pluh hruê leh anăn pă pluh mlam Yêhôwa brei kơ kâo dua pŏk mdhă boh tâo, mdhă klei bi mguôp.

Klei Mtô Mñă Klei Bhiăn 9:9

Tơdah kâo đĭ čư̆ čiăng mă mdhă boh tâo, mdhă klei bi mguôp Yêhôwa ngă leh hŏng diih, kâo dôk ti dlông čư̆ pă pluh hruê leh anăn pă pluh mlam; kâo amâo ƀơ̆ng kpŭng ôh, kăn mnăm êa rei.