I Bruă Mtao 8:16 - Klei Aê Diê Blŭ 2015

¹⁶ ‘Dơ̆ng mơ̆ng hruê Kâo atăt bi kbiă phung ƀuôn sang Kâo Israel mơ̆ng čar Êjip, Kâo amâo tuôm ruah ôh sa boh ƀuôn hlăm jih jang găp djuê Israel čiăng mdơ̆ng sa boh sang čiăng kơ Anăn Kâo dưi dôk tinăn; ƀiădah Kâo ruah leh Y-Đawit brei ñu jing khua kiă kriê phung ƀuôn sang Kâo Israel.’

I Bruă Mtao 8:16 Iomraidhean Croise

I Bruă Mtao 11:36

Ƀiădah Kâo srăng brei sa găp djuê kơ anak êkei ñu, čiăng kơ Y-Đawit dĭng buăl Kâo dưi mâo nanao pui kđen ti anăp Kâo hlăm ƀuôn Yêrusalem, ƀuôn Kâo ruah leh čiăng dưm anăn Kâo tinăn.

I Bruă Mtao 8:29

čiăng kơ ală Ih dưi mblang mlam leh anăn hruê phă sang anei, anôk Ih lač leh, ‘Anăn kâo srăng dôk tinăn;’ čiăng kơ Ih dưi hmư̆ klei dĭng buăl Ih wah lač phă anôk anei.

II Bruă Mtao 23:27

Yêhôwa lač, “Kâo srăng suôt hĕ msĕ mơh phung Yuđa mơ̆ng anăp ală Kâo, msĕ si Kâo suôt leh phung Israel, leh anăn Kâo srăng lui hĕ ƀuôn Kâo ruah leh anei, ƀuôn Yêrusalem, leh anăn sang Kâo lač leh, Anăn Kâo srăng dôk tinăn.”

I Klei Yăl Dliê 17:3

Ƀiădah mlam anăn mơh Yêhôwa blŭ kơ Y-Nathan,

I Klei Yăl Dliê 28:4

Ƀiădah Yêhôwa Aê Diê Israel ruah leh kâo mơ̆ng jih sang ama kâo brei jing mtao kiă kriê phung Israel hlŏng lar; kyuadah ñu ruah leh Y-Yuđa jing khua atăt gai, leh anăn mơ̆ng sang Yuđa ñu ruah sang ama kâo, leh anăn ti krah phung anak êkei ama kâo ñu mơak hŏng kâo čiăng mjing kâo mtao kiă kriê jih phung Israel.

Y-Nêhêmi 1:9

ƀiădah tơdah diih lŏ wĭt kơ Kâo, djă pioh leh anăn gưt klei Kâo mtă, wăt tơdah phung diih bra đuĕ leh truh ti gŭ adiê anôk kbưi hĭn dưn, Kâo srăng hrui bi kƀĭn diih mơ̆ng anôk anăn leh anăn srăng atăt ba diih kơ anôk Kâo ruah leh čiăng brei Anăn Kâo dôk tinăn.’

Klei Mmuñ Hđăp 132:13

Kyuadah Yêhôwa ruah leh ƀuôn Siôn, Ñu čiăng mjing gơ̆ anôk Ñu dôk.

Klei Mmuñ Hđăp 78:70

Ñu ruah Y-Đawit, dĭng buăl Ñu, Ñu iêô gơ̆ mơ̆ng war biăp;

Klei Mmuñ Hđăp 89:3

Ih lač leh Kâo ngă klei bi mguôp hŏng pô Kâo ruah leh, Kâo kat asei leh kơ Y-Đawit, dĭng buăl Kâo:

Y-Yêrêmi 7:12

‘Nao bĕ ară anei kơ anôk Kâo êlâo hlăm ƀuôn Silô, anôk Kâo dưm leh Anăn Kâo tal êlâo, čiăng ƀuh ya Kâo ngă leh kơ ƀuôn anăn kyua phung ƀai phung ƀuôn sang Kâo Israel.

Klei Mtô Mñă Klei Bhiăn 12:11

snăn ti anôk Yêhôwa Aê Diê diih srăng ruah brei anăn Ñu dôk, tinăn yơh diih srăng ba jih jang mnơ̆ng kâo mtă kơ diih: mnơ̆ng diih myơr čuh, mnơ̆ng diih ngă yang, mnơ̆ng sa kdrêč hlăm pluh diih leh anăn mnơ̆ng diih myơr, leh anăn jih jang mnơ̆ng myơr bi sĭt klei diih ƀuăn kơ Yêhôwa.

Klei Mtô Mñă Klei Bhiăn 12:5

Ƀiădah brei diih duah anôk Yêhôwa Aê Diê srăng ruah ti krah jih jang găp djuê diih čiăng dưm anăn ñu leh anăn ngă anôk ñu dôk tinăn; ti anôk anăn yơh diih srăng nao,

I Y-Samuel 16:1

Yêhôwa lač kơ Y-Samuel, “Dŭm boh sui ih srăng ênguôt kyua Y-Sôl, êjai ƀuh Kâo hngah leh kơ ñu jing mtao kiă kriê phung Israel? Bi bŏ ki ih hŏng êa ƀâo mngưi leh anăn nao bĕ; Kâo srăng tiŏ ih nao kơ sang Y-Yêsê, sa čô mnuih ƀuôn Betlêhem, kyuadah Kâo ruah leh kơ Kâo pô sa čô mtao mơ̆ng phung anak êkei ñu.”