I Bruă Mtao 8:13 - Klei Aê Diê Blŭ 2015

¹³ Kâo mdơ̆ng leh kơ Ih sa boh sang arăng mpŭ, sa bĭt anôk pioh kơ Ih dôk hlŏng lar.”

I Bruă Mtao 8:13 Iomraidhean Croise

II Y-Samuel 7:13

Ñu srăng mdơ̆ng sa boh sang kơ anăn Kâo, leh anăn Kâo srăng bi kjăp jhưng mtao ƀuôn ala mtao ñu hlŏng lar.

I Klei Yăl Dliê 17:12

Ñu yơh srăng mdơ̆ng sa boh sang kơ kâo, leh anăn kâo srăng bi kjăp jhưng mtao ñu hlŏng lar.

I Klei Yăl Dliê 28:10

Răng bĕ ară anei, kyuadah Yêhôwa ruah ih leh brei mdơ̆ng sa boh sang pioh kơ adŭ doh jăk; jing ktang bĕ, leh anăn ngă klei anăn.”

I Klei Yăl Dliê 28:20

Leh anăn Y-Đawit lač kơ Y-Salômôn anak êkei ñu, “Jing ktang bĕ leh anăn đăm huĭ ôh, leh anăn ngă klei anăn. Đăm huĭ ôh, đăm êdu ai ôh; kyuadah Yêhôwa Aê Diê, jing Aê Diê kâo, dôk mbĭt hŏng ih. Ñu amâo srăng kƀah klei đru ih ôh, amâodah kăn lui ih rei, tơl bi leh jih jang bruă sang Yêhôwa.

I Klei Yăl Dliê 28:6

Ñu lač kơ kâo, ‘Anak êkei ih Y-Salômôn yơh srăng mdơ̆ng sang kâo leh anăn wăl sang kâo, kyuadah kâo ruah leh ñu brei jing anak êkei kâo, leh anăn kâo srăng jing ama ñu.

II Klei Yăl Dliê 6:2

Kâo mdơ̆ng leh kơ Ih sa boh sang arăng mpŭ, sa bĭt anôk pioh kơ Ih dôk nanao hlŏng lar.”

Klei Kbiă 15:17

Ih srăng brei digơ̆ mŭt, leh anăn pla digơ̆ ti dlông čư̆ Ih, anôk Ih mkra leh jing anôk Ih dôk, Ơ Yêhôwa, anôk doh jăk kngan Ih mdơ̆ng leh, Ơ Khua Yang.

Y-Êsêkiêl 43:7

leh anăn ñu lač kơ kâo: “Ơ anak mnuih, anei yơh jing anôk kơ jhưng mtao Kâo leh anăn anôk kơ plă jơ̆ng Kâo, anôk Kâo srăng dôk ti krah phung anak čô ƀuôn sang Israel hlŏng lar. Sang Israel amâo srăng lŏ bi čhŏ ôh anăn doh jăk Kâo, diñu, amâodah phung mtao diñu hŏng klei diñu ngă knhông leh anăn hŏng asei mlei djiê phung mtao diñu,

Y-Êsêkiêl 43:9

Ară anei brei diñu lui hĕ klei diñu kkuh rup yang leh anăn bi kbưi mơ̆ng Kâo asei mlei djiê phung mtao diñu, leh anăn Kâo srăng dôk ti krah diñu hlŏng lar.”

Y-Mathiơ 23:21

Leh anăn hlei pô kat asei hŏng Sang Kkuh Mpŭ kat asei hŏng Sang Kkuh Mpŭ leh anăn hŏng pô dôk hlăm sang yang anăn.

Bruă Phung Khua Ƀĭng Kna 6:14

Kyuadah hmei hmư̆ gơ̆ lač kơ Yêsu Ƀuôn Nasaret srăng bi rai anôk anei leh anăn srăng bi mlih klei bhiăn hdĭp Y-Môis brei leh kơ drei.”

Hêbrơ 9:24

Kyuadah Krist mŭt leh, amâo djŏ ôh hlăm adŭ doh jăk kngan mnuih ngă, jing rup kơ adŭ doh jăk sĭt, ƀiădah mŭt leh hlăm adiê čiăng bi êdah Ñu pô ară anei ti anăp Aê Diê bi ala drei.