I Bruă Mtao 8:1 - Klei Aê Diê Blŭ 2015

¹ Leh anăn Y-Salômôn bi kƀĭn phung khua mduôn Israel leh anăn jih jang phung khua phung găp djuê, phung khua kơ sang ama phung ƀuôn sang Israel ti anăp Mtao Salômôn hlăm ƀuôn Yêrusalem, čiăng kkung hip klei bi mguôp Yêhôwa mơ̆ng ƀuôn Y-Đawit, jing ƀuôn Siôn.

I Bruă Mtao 8:1 Iomraidhean Croise

II Y-Samuel 6:6

Tơdah diñu truh ti anôk prah mdiê Y-Nakôn, Y-Usa yơr kngan ñu phă hip Aê Diê leh anăn djă kơ̆ng gơ̆, kyuadah êmô têč hnêč.

I Bruă Mtao 2:10

Leh anăn Y-Đawit djiê nao dôk mbĭt hŏng phung aê ñu, leh anăn arăng dơr ñu hlăm ƀuôn Y-Đawit.

I Bruă Mtao 3:15

Y-Salômôn mdih pĭt, leh anăn nĕ anei klei anăn jing klei êpei. Leh anăn ñu nao kơ ƀuôn Yêrusalem leh anăn dôk dơ̆ng ti anăp hip klei bi mguôp Yêhôwa, leh anăn myơr mnơ̆ng myơr čuh leh anăn mnơ̆ng myơr kơ klei êđăp ênang, leh anăn ngă sa klei huă mnăm kơ jih jang phung dĭng buăl ñu.

I Klei Yăl Dliê 11:7

Leh anăn Y-Đawit dôk hlăm kđông kjăp; kyua anăn arăng pia kơ anôk anăn Ƀuôn Y-Đawit.

I Klei Yăl Dliê 15:25

Snăn Y-Đawit leh anăn phung khua mduôn Israel leh anăn phung khua kơ sa êbâo čô nao atăt ba hip klei bi mguôp Yêhôwa mơ̆ng sang Y-Ôbet-Êđôm hŏng klei hơ̆k.

I Klei Yăl Dliê 15:29

Êjai hip klei bi mguôp Yêhôwa truh kơ ƀuôn Y-Đawit, H'Mikal anak mniê Y-Sôl dlăng mơ̆ng ƀăng bhă điêt, leh anăn ƀuh Mtao Đawit kdŏ leh anăn ngă klei hơ̆k; leh anăn H'Mikal bi êmut kơ Y-Đawit hlăm ai tiê ñu.

I Klei Yăl Dliê 15:3

Y-Đawit bi kƀĭn jih jang phung Israel ti ƀuôn Yêrusalem, čiăng kkung ba hip Yêhôwa kơ anôk ñu mkra leh kơ gơ̆.

I Klei Yăl Dliê 28:1

Y-Đawit bi kƀĭn ti ƀuôn Yêrusalem jih jang phung khua prŏng phung Israel, phung khua krĭng, khua êpul mă bruă kơ mtao, phung khua kơ sa êbâo čô, phung khua kơ sa êtuh čô, phung khua kiă ngăn dŏ leh anăn êmô mtao leh anăn phung anak êkei ñu, mbĭt hŏng phung khua kiă kriê sang mtao, phung kahan jhŏng ktang, leh anăn jih jang phung thâo bi blah.

II Klei Yăl Dliê 30:1

Y-Hêsêkia mơĭt asăp blŭ kơ jih jang phung Israel leh anăn phung Yuđa, msĕ mơh čih hră kơ phung Êphraim leh anăn phung Manasê, čiăng kơ digơ̆ srăng hriê kơ sang Yêhôwa ti ƀuôn Yêrusalem čiăng hdơr mpŭ kơ knăm Klei Găn kơ Yêhôwa Aê Diê Israel.

Y-Êsra 3:1

Tơdah truh leh mlan tal kjuh, leh anăn phung anak êkei Israel dôk hlăm ƀuôn, jih jang phung ƀuôn sang bi kƀĭn sa ai hlăm ƀuôn Yêrusalem.

Klei Mmuñ Hđăp 102:21

Čiăng kơ phung mnuih dưi hưn anăn Yêhôwa hlăm ƀuôn Siôn, leh anăn bi mni kơ Ñu hlăm ƀuôn Yêrusalem

Klei Mmuñ Hđăp 9:11

Mmuñ bĕ kơ Yêhôwa, Pô dôk hlăm ƀuôn Siôn! Hưn ti krah phung ƀuôn sang bruă prŏng Ñu ngă!

Y-Êsai 28:16

Kyuanăn Khua Yang Yêhôwa lač snei: “Nĕ anei, Kâo dưm hlăm Siôn sa klŏ boh tâo, sa klŏ boh tâo arăng lông dlăng leh, boh tâo kiêng yuôm hlăm tur kjăp. Hlei pô đăo amâo srăng êdu ai ôh.

Y-Êsai 46:13

Kâo ba klei kpă ênô Kâo giăm, ñu amâo dôk kbưi ôh, leh anăn klei Kâo bi mtlaih amâo srăng dôk guôn sui ôh. Kâo srăng brei klei bi mtlaih hlăm ƀuôn Siôn, pioh klei guh kơang Kâo kơ phung Israel.”

Klei Yap 1:4

Brei mâo mbĭt hŏng diih sa čô êkei mơ̆ng grăp găp djuê, pô jing khua kơ sang aê phŭn ñu.

Y-Yôsuê 23:2

Y-Yôsuê iêô jih jang phung Israel, phung khua mduôn leh anăn phung khua diñu, phung khua phat kđi leh anăn phung khua kahan diñu leh anăn lač kơ digơ̆, “Ară anei kâo mduôn leh anăn dôk hdĭp sui thŭn leh.

Y-Yôsuê 24:1

Y-Yôsuê bi kƀĭn jih jang phung găp djuê Israel ti ƀuôn Sičem, ñu iêô phung khua mduôn, phung khua gai gĭt, phung khua phat kđi, phung khua kahan phung Israel; leh anăn diñu bi êdah diñu pô ti anăp Aê Diê.

I Y-Pêtrôs 2:6

Kyuadah Klei Aê Diê Blŭ čih leh: “Nĕ anei, Kâo dưm ti ƀuôn Siôn sa klŏ boh tâo jing boh tâo kiêng, Kâo ruah leh leh anăn yap yuôm, leh anăn hlei pô đăo kơ ñu Aê Diê amâo srăng bi luč klei čang hmăng ñu ôh.”