I Bruă Mtao 7:51 - Klei Aê Diê Blŭ 2015

⁵¹ Msĕ snăn ruê̆ leh jih jang bruă Mtao Salômôn ngă kơ sang Yêhôwa. Leh anăn Y-Salômôn ba dưm hlăm sang dŏ Y-Đawit ama ñu myơr leh, prăk, mah, leh anăn čhiên mngan, leh anăn dưm dŏ anăn hlăm adŭ pioh ngăn hlăm sang Yêhôwa.

I Bruă Mtao 7:51 Iomraidhean Croise

I Bruă Mtao 15:15

Ñu ba hlăm sang Yêhôwa mnơ̆ng ama ñu ƀuăn myơr, leh anăn mnơ̆ng ñu pô ƀuăn myơr msĕ mơh, prăk, mah, leh anăn čhiên mngan.

I Bruă Mtao 6:14

Snăn Y-Salômôn ngă sang leh anăn bi leh gơ̆.

I Bruă Mtao 6:9

Snăn ñu ngă sang leh anăn bi leh gơ̆. Ñu ngă păng sang anăn hŏng msơ̆ng leh anăn mdhă kyâo sêdar.

II Bruă Mtao 25:15

mtĭl pui msĕ mơh, leh anăn êlŭ. Ya dŏ ngă hŏng mah khua kahan phung gak mă ba mjing kơ mah, leh anăn ya dŏ ngă hŏng prăk mjing kơ prăk.

II Klei Yăl Dliê 5:1

Snăn jih jang bruă Y-Salômôn ngă kơ sang Yêhôwa ruê̆ leh. Y-Salômôn ba mŭt mnơ̆ng Y-Đawit ama ñu myơr leh, leh anăn mkăm pioh prăk, mah, leh anăn jih jang čhiên mngan hlăm adŭ pioh ngăn sang Aê Diê.

II Klei Yăl Dliê 8:15

Leh anăn diñu amâo weh đuĕ ôh mơ̆ng klei mtao mtă leh kơ phung khua ngă yang leh anăn phung Lêwi djŏ kơ djăp mta bruă leh anăn kơ adŭ pioh ngăn.

Y-Êsra 6:15

Sang yang anei arăng bi leh ti hruê tal tlâo mlan Adar, hlăm thŭn tal năm mtao Đarius kiă kriê.

Klei Kbiă 40:33

Ñu mdơ̆ng wăl jŭm dar sang čhiăm leh anăn knưl, leh anăn ñu păng čhiăm ƀăng jang wăl. Snăn Y-Môis bi ruê̆ jih bruă anăn.

Y-Sakari 4:9

“Kngan Y-Sôrôbabel mdơ̆ng leh atur sang yang anei, leh anăn kngan ñu mơh srăng bi leh gơ̆.” Hlăk anăn diih srăng thâo Yêhôwa kơ phung kahan tiŏ hriê leh kâo kơ diih.