I Bruă Mtao 6:5 - Klei Aê Diê Blŭ 2015

⁵ Ñu ngă msĕ mơh lu kgăn jŭm dar sô̆ hŏng mtih sang, wăt mrang, leh anăn adŭ doh jăk ti lam. Leh anăn ñu ngă adŭ jŭm dar.

I Bruă Mtao 6:5 Iomraidhean Croise

I Bruă Mtao 6:16

Ñu ngă dua pluh heh adŭ tĭng tluôn sang dơ̆ng mơ̆ng atur ti gŭ truh kơ kdrung ti dlông hŏng mdhă kyâo, leh anăn ñu ngă anôk anăn ti lam jing sa boh adŭ doh jăk pioh jing Adŭ Doh Jăk Hĭn.

I Bruă Mtao 6:31

Ti anôk mŭt adŭ doh jăk hlăm lam, ñu ngă ƀăng bhă hŏng ana kyâo ôliwơ, mtuêh leh anăn gơ̆ng ƀăng bhă mâo êma ƀô̆.

I Bruă Mtao 6:6

Tal gŭ hin mâo êma heh boh ƀai, tal ti krah mâo năm heh boh ƀai, leh anăn tal tlâo mâo kjuh heh boh ƀai; kyuadah jŭm dar ti êngao sang ñu ngă mnơ̆ng bi êbeh ti mtih čiăng kơ êda dưi dưh tinăn amâo mŭt hlăm mtih sang ôh.

I Klei Yăl Dliê 23:28

“ƀiădah bruă jao leh kơ digơ̆ srăng đru phung anak êkei Y-Arôn hlăm bruă kơ sang Yêhôwa, mâo bruă kiă kriê wăl leh anăn adŭ, bruă bi doh jih jang mnơ̆ng doh jăk, leh anăn ya bruă djŏ kơ sang Yêhôwa;

I Klei Yăl Dliê 28:11

Y-Đawit brei kơ Y-Salômôn anak êkei ñu hră rup adring sang yang, leh anăn rup boh sang mdê mdê pioh kơ sang yang, adŭ ngăn drăp sang yang, adŭ ti dlông, adŭ ti lam, leh anăn adŭ pioh kđhăp klei pap brei;

I Klei Yăl Dliê 9:26

kyuadah pă čô khua kiă ƀăng jang jing phung Lêwi, kiă adŭ leh anăn ngăn drăp sang Aê Diê.

II Klei Yăl Dliê 31:11

Y-Hêsêkia mtă kơ diñu brei mkra adŭ pioh mnơ̆ng hlăm sang yang Yêhôwa; leh anăn diñu mkra mơh.

II Klei Yăl Dliê 4:20

jơ̆ng diăn leh anăn pui kđen digơ̆ ngă hŏng mah doh pioh čuh ti anăp adŭ doh jăk ti lam, tui si klei arăng mtă leh;

II Klei Yăl Dliê 5:7

Snăn phung khua ngă yang kkung ba hip klei bi mguôp Yêhôwa kơ anôk gơ̆ hlăm Adŭ Doh Jăk Hĭn ti lam sang, hlăm anôk doh jăk hĭn ti gŭ siap rup phung čêrubim.

II Klei Yăl Dliê 5:9

Giê kkung anăn dlông đei tơl arăng ƀuh êdŭk gơ̆ mơ̆ng anôk doh jăk ti anăp adŭ doh jăk ti lam; ƀiădah mơ̆ng êngao arăng amâo dưi ƀuh dŏ anăn ôh; leh anăn digơ̆ dôk tinăn truh kơ hruê anei.

Y-Nêhêmi 10:37

leh anăn djă ba boh hlâo hlang mơ̆ng mdiê hmei ka ƀhĭ leh anăn mnơ̆ng hmei myơr boh mơ̆ng jih jang ana boh, kpiê mrâo leh anăn êa boh ôliwơ kơ phung khua ngă yang kơ adŭ hlăm sang Aê Diê hmei; leh anăn ba kơ phung Lêwi sa kdrêč hlăm pluh mnơ̆ng mơ̆ng lăn hmei, kyuadah phung Lêwi yơh mă sa kdrêč hlăm pluh hlăm jih jang ƀuôn điêt hmei.

Y-Nêhêmi 12:44

Ti hruê anăn arăng mdưm phung kiă adŭ pioh mnơ̆ng, mnơ̆ng myơr, boh hlâo hlang, leh anăn mnơ̆ng sa kdrêč hlăm pluh, čiăng mkăm pioh tinăn kdrêč bi kčah leh tui si klei bhiăn kơ phung khua ngă yang leh anăn kơ phung Lêwi tui si hma jŭm dar ƀuôn; kyuadah phung Yuđa hơ̆k mơak kyua phung khua ngă yang leh anăn phung Lêwi dôk mă bruă.

Klei Mmuñ Hđăp 28:2

Hmư̆ bĕ asăp kâo kwưh kơ Ih, êjai kâo akâo kơ Ih đru, êjai kâo yơr kngan kâo phă sang čhiăm doh jăk Ih.

Klei Kbiă 25:22

Tinăn Kâo srăng bi tuôm hŏng ih, leh anăn ti dlông kđhăp klei pap brei ti plah wah rup čêrubim dôk ti dlông hip klei bi mguôp anăn, Kâo srăng blŭ kơ ih jih jang klei Kâo srăng mtă kơ phung ƀuôn sang Israel.”

Klei Mmuñ Siam Hĭn 1:4

Atăt ba kâo mbĭt hŏng ih, brei drei ruăt bĕ. Mtao atăt kâo leh kơ adŭ ñu pĭt. Hmei srăng mơak leh anăn hơ̆k kyua ih, hmei srăng bi mni kơ klei ih khăp lu hĭn kơ kpiê. Jing djŏ yơh arăng khăp kơ ih.

Y-Yêrêmi 35:2

“Nao bĕ kơ sang phung Rêkap, blŭ kơ diñu leh anăn atăt ba diñu kơ sang Yêhôwa kơ sa boh adŭ; leh anăn mdơ̆ng bĕ kpiê brei diñu mnăm.”

Y-Yêrêmi 35:4

Kâo atăt ba diñu kơ sang Yêhôwa mŭt hlăm adŭ phung anak êkei Y-Hanan anak êkei Y-Igdalia, mnuih Aê Diê, dôk giăm adŭ phung khua ti dlông adŭ Y-Maseya anak êkei Y-Salum, pô kiă kriê ƀăng bhă mŭt.

Y-Êsêkiêl 40:17

Leh klei anăn ñu atăt kâo kơ wăl ti êngao; leh anăn nĕ anei, mâo lu boh adŭ leh anăn sa bĭt êlan prŏng dăp boh tâo jŭm dar wăl. Mâo tlâo pluh boh adŭ anăp phă êlan prŏng dăp boh tâo.

Y-Êsêkiêl 40:44

Leh anăn ñu atăt kâo mơ̆ng ti êngao truh kơ wăl ti lam, leh anăn nĕ anei, mâo dua boh adŭ hlăm wăl ti lam, sa boh ti djiêô ƀăng jang dưr ƀô̆ phă dhŭng, sa boh adŭ mkăn ti djiêô ƀăng jang dhŭng, ƀô̆ phă dưr.

Y-Êsêkiêl 41:4

Ñu mkă dơ̆ng adŭ anăn mâo dua pluh heh, leh anăn găn gơ̆ mâo dua pluh heh, êgao adŭ êtung. Ñu lač kơ kâo, “Anei jing Anôk Doh Jăk Hĭn.”

Bruă Lêwi 16:2

Yêhôwa lač kơ Y-Môis, “Lač bĕ kơ Y-Arôn ayŏng ih, đăm brei ñu mŭt tui si ñu čiăng ôh hlăm anôk doh jăk hĭn tĭng lam čhiăm păng ti anăp kđhăp klei pap brei ti dlông hip klei bi mguôp, huĭdah ñu djiê; kyuadah Kâo srăng bi êdah hlăm knam ti kđhăp klei pap brei.

Klei Yap 7:89

Tơdah Y-Môis mŭt hlăm sang čhiăm klei bi kƀĭn čiăng blŭ hrăm hŏng Yêhôwa, ñu hmư̆ asăp blŭ kơ ñu mơ̆ng dlông kđhăp klei pap brei ti dlông hip klei bi mguôp, plah wah dua čêrubim, leh anăn asăp anăn blŭ kơ ñu.