I Bruă Mtao 6:12 - Klei Aê Diê Blŭ 2015

¹² “Bi kơ sang ih dôk ngă anei, tơdah ih srăng êbat hlăm klei bhiăn Kâo, leh anăn gưt klei Kâo mtrŭn, leh anăn djă pioh jih klei Kâo mtă, êbat tui hlue digơ̆, snăn Kâo srăng bi sĭt klei Kâo blŭ hŏng ih, klei anăn Kâo blŭ leh hŏng Y-Đawit ama ih.

I Bruă Mtao 6:12 Iomraidhean Croise

II Y-Samuel 7:5

“Nao hưn bĕ kơ dĭng buăl Kâo Y-Đawit, Snei Yêhôwa lač: ‘Ih hĕ srăng mdơ̆ng sa boh sang kơ Kâo dôk?

I Bruă Mtao 11:10

leh anăn Pô mtă leh kơ ñu djŏ kơ klei anei, čiăng kơ ñu đăm tui hlue phung yang mkăn ôh; ƀiădah ñu amâo djă pioh ôh klei Yêhôwa mtă leh.

I Bruă Mtao 3:14

Leh anăn tơdah ih êbat hlăm êlan Kâo, djă pioh klei bhiăn Kâo leh anăn klei Kâo mtă msĕ si ama ih Y-Đawit êbat leh, snăn Kâo srăng lŏ bi kdung hruê ih.”

I Bruă Mtao 6:11

Yêhôwa blŭ kơ Y-Salômôn,

I Bruă Mtao 8:25

Snăn ară anei, Ơ Yêhôwa, Aê Diê phung Israel, djă pioh bĕ klei Ih ƀuăn leh kơ dĭng buăl Ih Y-Đawit ama kâo, klei Ih ƀuăn leh kơ ñu, lač, ‘Ti anăp Kâo ih amâo srăng kƀah ôh sa čô mnuih dôk gŭ ti jhưng mtao Israel, knŏng tơdah phung anak êkei ih răng kơ êlan diñu, êbat ti anăp Kâo msĕ si ih êbat leh ti anăp Kâo.’

I Klei Yăl Dliê 22:10

Ñu srăng mdơ̆ng sa boh sang kơ anăn kâo. Ñu srăng jing anak êkei kâo, leh anăn kâo srăng jing ama ñu, leh anăn kâo srăng bi kjăp jhưng mtao ñu hlăm čar Israel nanao hlŏng lar.’

I Klei Yăl Dliê 28:9

Leh anăn bi ih, Ơ Y-Salômôn anak êkei kâo, thâo kral bĕ Aê Diê ama ih, leh anăn mă bruă bĕ kơ ñu hŏng jih ai tiê leh anăn hŏng klei mĭn čiăng; kyuadah Yêhôwa ksiêm dlăng jih jang ai tiê, leh anăn ñu thâo săng jih jang hdră leh anăn klei mĭn. Tơdah ih duah ñu, ñu srăng brei ih ƀuh ñu; ƀiădah tơdah ih lui ñu, ñu srăng suôt ih hlŏng lar.

Klei Mmuñ Hđăp 132:12

Tơdah phung anak êkei ih djă pioh klei Kâo bi mguôp leh anăn klei hưn Kâo srăng bi hriăm diñu, snăn phung anak diñu mơh srăng dôk ti jhưng mtao ih nanao hlŏng lar.”

Y-Yêrêmi 7:5

Kyuadah tơdah sĭt nik diih bi mlih êlan diih leh anăn klei diih ngă, tơdah sĭt nik diih ngă klei kpă hdơ̆ng diih,

Y-Sakari 3:7

“Snei Yêhôwa kơ phung kahan lač: ‘Tơdah ih srăng êbat hlăm êlan Kâo leh anăn djă pioh klei Kâo mtă, snăn ih srăng kiă kriê sang Kâo leh anăn wăl sang Kâo, leh anăn Kâo srăng brei ih klei dưi mŭt ti krah phung dôk dơ̆ng tinei.

Kôlôs 1:23

knŏng tơdah diih ăt dôk kjăp hlăm klei đăo, amâo kpleh mơ̆ng klei čang hmăng kbiă hriê mơ̆ng klei mrâo mrang jăk diih hmư̆ leh. Klei anăn arăng mtô leh kơ jih jang mnuih ti gŭ adiê, leh anăn kâo gơ̆, Y-Pôl, jing sa čô dĭng ktang kơ klei anăn.