I Bruă Mtao 5:7 - Klei Aê Diê Blŭ 2015

⁷ Tơdah Y-Hiram hmư̆ klei Y-Salômôn blŭ, ñu mơak snăk, leh anăn lač, “Mpŭ mni kơ Yêhôwa hruê anei, Pô brei leh kơ Y-Đawit sa čô anak êkei thâo mĭn kiă kriê phung ƀuôn sang êngŭm anei.”

I Bruă Mtao 5:7 Iomraidhean Croise

Klei Mphŭn Dơ̆ng 33:5

Y-Êsâo kngưr ală ƀuh phung mniê leh anăn phung anak, lač, “Hlei phung anei mbĭt hŏng ih?” Y-Yakôp lač, “Phung anak Aê Diê brei leh kơ dĭng buăl ih hŏng klei pap.”

I Bruă Mtao 1:48

Leh anăn mtao lač msĕ mơh, ‘Mpŭ mni kơ Yêhôwa Aê Diê phung Israel, Pô brei sa čô anak êkei kâo dôk gŭ ti jhưng mtao kâo hruê anei, ală kâo pô ƀuh klei anăn.’ ”

I Bruă Mtao 10:9

Mpŭ mni kơ Yêhôwa Aê Diê ih, Pô mâo klei mơak hlăm ih leh anăn dưm ih ti jhưng mtao phung Israel! Kyuadah Yêhôwa khăp kơ phung Israel hlŏng lar, Ñu mjing ih leh mtao, čiăng kơ ih dưi ngă klei djŏ leh anăn klei kpă.”

I Bruă Mtao 3:9

Snăn brei bĕ kơ dĭng buăl Ih ai tiê thâo mĭn čiăng phat mkra kđi phung ƀuôn sang Ih, čiăng kơ kâo dưi thâo ksiêm klei jăk hŏng klei jhat; kyuadah hlei pô dưi phat mkra kđi phung ƀuôn sang Ih êngŭm anei?”

I Bruă Mtao 4:7

Y-Salômôn mâo pluh dua čô khua kiă kriê jih jang phung Israel, phung bi mâo mnơ̆ng ƀơ̆ng huă kơ mtao leh anăn kơ sang ñu; grăp čô mkra pioh mnơ̆ng ƀơ̆ng huă kơ sa mlan hlăm thŭn.

I Bruă Mtao 5:6

Kyuanăn ară anei, mtă bĕ brei arăng druôm kyâo sêdar mơ̆ng čar Liƀan kơ kâo; leh anăn phung dĭng buăl kâo srăng bi mguôp hŏng phung dĭng buăl ih, leh anăn kâo srăng mưn phung dĭng buăl ih tui si ênoh ih bi kčah. Kyuadah ih thâo amâo mâo ôh sa čô hlăm phung hmei thâo druôm kyâo msĕ si phung Sidôn.”

I Bruă Mtao 5:8

Leh anăn Y-Hiram tiŏ arăng nao lač kơ Y-Salômôn, “Kâo hmư̆ leh klei blŭ ih mơĭt leh kơ kâo. Kâo răng čiăng ngă jih klei ih čiăng hlăm klei djŏ kơ kyâo sêdar leh anăn kyâo Čiprơ.

Klei Mmuñ Hđăp 137:6

Brei êlah kâo tlĭp hŏng êhưl kâo, tơdah kâo amâo hdơr kơ ih ôh, tơdah kâo amâo yap ôh ƀuôn Yêrusalem jing yuôm hĭn kơ jih klei hơ̆k mơak kâo.

Klei Bi Hriêng 10:1

Klei Mtao Salômôn blŭ bi hriêng: Sa čô anak êkei thâo mĭn bi mơak kơ ama ñu, ƀiădah sa čô anak êkei mluk bi ênguôt amĭ ñu.

Klei Bi Hriêng 13:1

Phung anak thâo mĭn dôk hmư̆ klei ama diñu bi hriăm, ƀiădah phung mnuih mưč amâo dôk hmư̆ ôh klei arăng ƀuah.

Klei Bi Hriêng 15:20

Sa čô anak êkei thâo mĭn bi mơak kơ ama ñu, ƀiădah sa čô mluk bi êmut kơ amĭ ñu.

Klei Bi Hriêng 23:24

Ama mnuih kpă srăng mâo klei hơ̆k mơak prŏng, hlei pô mâo sa čô anak thâo mĭn srăng mâo klei hơ̆k kyua gơ̆.

Y-Êsai 8:18

Nĕ anei, kâo leh anăn phung anak Yêhôwa brei leh kơ kâo jing klei bi knăl leh anăn klei bi hmô hlăm čar Israel mơ̆ng Yêhôwa kơ phung kahan, Pô dôk ti čư̆ Siôn.

Y-Êsai 9:6

Kyuadah kkiêng leh kơ drei sa čô Anak, brei leh kơ drei sa čô anak êkei; leh anăn Ñu srăng klam klei kiă kriê ti mra Ñu. Leh anăn arăng srăng pia anăn Ñu, Pô Yuôm Bhăn, Khua Kčĕ, Aê Diê Myang, Ama Dôk Hdĭp Hlŏng Lar, Khua kơ Klei Êđăp Ênang.