I Bruă Mtao 5:4 - Klei Aê Diê Blŭ 2015

⁴ Ƀiădah ară anei Yêhôwa Aê Diê kâo brei leh kơ kâo klei mdei jŭm dar, amâo mâo pô bi kdơ̆ng ôh, kăn mâo klei jhat truh rei.

I Bruă Mtao 5:4 Iomraidhean Croise

II Y-Samuel 7:5

“Nao hưn bĕ kơ dĭng buăl Kâo Y-Đawit, Snei Yêhôwa lač: ‘Ih hĕ srăng mdơ̆ng sa boh sang kơ Kâo dôk?

I Bruă Mtao 11:25

Ñu jing sa čô roh hŏng phung Israel jih ênuk Y-Salômôn, êjai ngă klei jhat msĕ si Y-Hadat ngă leh, leh anăn ñu bi êmut snăk kơ phung Israel, leh anăn kiă kriê čar Siri.

I Bruă Mtao 4:24

Kyuadah ñu kiă kriê jih krĭng yŭ êa krông Ơprat dơ̆ng mơ̆ng ƀuôn Tipsa truh ti ƀuôn Gasa, jih jang phung mtao nah yŭ êa krông Ơprat. Leh anăn ñu mâo klei êđăp ênang tar ƀar jŭm dar ñu.

I Bruă Mtao 5:18

Snăn phung mă bruă kơ Y-Salômôn leh anăn phung mă bruă kơ Y-Hiram leh anăn phung Gêbal druôm krah kyâo leh anăn boh tâo pioh mdơ̆ng sang.

II Bruă Mtao 18:8

Ñu bi blah hŏng phung Philistin truh ti ƀuôn Gasa leh anăn anôk lăn gơ̆, mơ̆ng sang tum gak truh kơ ƀuôn mâo kđông kjăp.

I Klei Yăl Dliê 22:9

Nĕ anei, arăng srăng kkiêng kơ ih sa čô anak êkei; ñu srăng jing sa čô êkei êđăp ênang. Kâo srăng brei kơ ñu klei êđăp ênang mơ̆ng jih jang phung roh jŭm dar ñu, kyuadah anăn ñu srăng jing Y-Salômôn, leh anăn kâo srăng brei klei êđăp ênang leh anăn klei mdei kơ phung Israel hlăm ênuk ñu.

Y-Êsra 4:20

Tuôm mâo leh phung mtao ktang kiă kriê ƀuôn Yêrusalem, phung kiă kriê leh jih kluôm čar Nah yŭ Êa Krông Ơphrat, leh anăn arăng tuh jia lăn, jia asei, leh anăn blei hră êrô êbat kơ diñu.

Klei Mmuñ Hđăp 72:7

Êjai ñu kiă kriê brei klei phung kpă đĭ kyar, leh anăn brei klei êđăp ênang tơl mlan dôk lĕ leh.

Y-Êsai 9:7

Amâo srăng mâo knhal ôh kơ klei đĭ kyar klei Ñu kiă kriê leh anăn klei êđăp ênang, ti jhưng mtao Y-Đawit leh anăn kơ ƀuôn ala mtao Ñu, čiăng bi kjăp leh anăn krơ̆ng gơ̆ hŏng klei djŏ leh anăn hŏng klei kpă ênô mơ̆ng hruê anăn nanao hlŏng lar. Klei hur har Yêhôwa kơ phung kahan srăng ngă sĭt klei anăn.

Bruă Phung Khua Ƀĭng Kna 9:31

Snăn Phung Sang Aê Diê hlăm tar ƀar čar Yuđa, čar Galilê, leh anăn čar Samari mâo klei êđăp ênang, hriê kơ prŏng; leh anăn kyuadah Phung Sang Aê Diê êbat hlăm klei huĭ mpŭ kơ Khua Yang leh anăn klei Yang Mngăt Jăk đru, diñu lŏ jing lu hĭn êjai.

Y-Yôsuê 15:47

Ƀuôn Asdôt leh anăn ƀuôn prŏng leh anăn điêt ñu; ƀuôn Gasa leh anăn ƀuôn prŏng leh anăn điêt ñu; truh kơ êa hnoh Êjip, leh anăn kơ Êa Ksĭ Prŏng wăt ktuê hang ñu.