I Bruă Mtao 5:18 - Klei Aê Diê Blŭ 2015

¹⁸ Snăn phung mă bruă kơ Y-Salômôn leh anăn phung mă bruă kơ Y-Hiram leh anăn phung Gêbal druôm krah kyâo leh anăn boh tâo pioh mdơ̆ng sang.

I Bruă Mtao 5:18 Iomraidhean Croise

I Bruă Mtao 5:4

Ƀiădah ară anei Yêhôwa Aê Diê kâo brei leh kơ kâo klei mdei jŭm dar, amâo mâo pô bi kdơ̆ng ôh, kăn mâo klei jhat truh rei.

I Klei Yăl Dliê 22:2

Y-Đawit mtă brei bi kƀĭn phung tue dôk hlăm čar Israel, leh anăn ñu mtă kơ phung krah boh tâo mkra boh tâo kơ bruă mdơ̆ng sang Aê Diê.

Klei Mmuñ Hđăp 83:7

phung Gêbal, phung Amôn, leh anăn phung Amalek; phung Philistin mbĭt hŏng phung ƀuôn sang Tir;

Y-Êsêkiêl 27:9

Phung khua mduôn ƀuôn Gêbal leh anăn phung mnuih mbruă ƀuôn anăn dôk ti krah ih, čiăng msir anôk kđang ih; jih jang kŭmpăn hlăm êa ksĭ mbĭt hŏng phung đĭ diñu hriê jưh ti djiêô ih čiăng čhĭ mnia hŏng ih.

Y-Yôsuê 13:5

leh anăn čar phung Gêbalit, leh anăn jih čar Liƀan phă yang hruê ƀlĕ, dơ̆ng mơ̆ng ƀuôn Baal-Gat ti jơ̆ng čư̆ Hermôn truh kơ anôk mŭt Hamat.