I Bruă Mtao 4:25 - Klei Aê Diê Blŭ 2015

²⁵ Phung Yuđa leh anăn phung Israel dôk hlăm klei hơĭt mơ̆ng ƀuôn Dan truh ti ƀuôn Bêr-Sêba, grăp čô ti gŭ ana boh kriăk ƀâo ñu leh anăn ti gŭ ana boh hra ñu, jih jang ênuk Y-Salômôn kiă kriê.

I Bruă Mtao 4:25 Iomraidhean Croise

II Y-Samuel 17:11

Ƀiădah klei kâo kčĕ brei jih jang phung Israel bi kƀĭn mbĭt hŏng ih mơ̆ng ƀuôn Dan truh ti ƀuôn Bêr-Sêba, jing lu msĕ si čuah ti êa ksĭ, leh anăn wăt ih pô mơh nao kơ klei bi blah.

II Y-Samuel 24:15

Snăn Yêhôwa mơĭt klei ruă tưp kơ phung Israel dơ̆ng mơ̆ng aguah truh ti mông bi kčah leh; leh anăn mâo kjuh pluh êbâo čô êkei phung ƀuôn sang djiê mơ̆ng ƀuôn Dan truh ti ƀuôn Bêr-Sêba.

II Bruă Mtao 18:31

Đăm dôk hmư̆ Y-Hêsêkia ôh; kyuadah snei mtao Asiri lač: ‘Ngă bĕ klei êđăp ênang hŏng kâo, leh anăn kbiă hriê kơ kâo. Snăn grăp čô diih srăng ƀơ̆ng boh mơ̆ng phŭn boh kriăk ƀâo ñu pô, grăp čô mơ̆ng ana boh hra ñu pô, leh anăn grăp čô mnăm êa mơ̆ng kbăng êa ñu pô,

I Klei Yăl Dliê 22:9

Nĕ anei, arăng srăng kkiêng kơ ih sa čô anak êkei; ñu srăng jing sa čô êkei êđăp ênang. Kâo srăng brei kơ ñu klei êđăp ênang mơ̆ng jih jang phung roh jŭm dar ñu, kyuadah anăn ñu srăng jing Y-Salômôn, leh anăn kâo srăng brei klei êđăp ênang leh anăn klei mdei kơ phung Israel hlăm ênuk ñu.

Y-Êsai 36:16

Đăm dôk hmư̆ Y-Hêsêkia ôh, kyuadah snei klei mtao čar Asiri blŭ: Ngă klei êđăp ênang hŏng kâo, leh anăn brei ih hriê kơ kâo; leh anăn grăp čô diih srăng ƀơ̆ng boh mơ̆ng phŭn boh kriăk ƀâo leh anăn boh ana hra ñu pô, leh anăn grăp čô diih srăng mnăm êa kbăng ñu pô,

Y-Êsai 60:18

Arăng amâo srăng lŏ hmư̆ ôh klei jhat ƀai hlăm čar ih, kăn mâo klei bi luč leh anăn klei bi rai lei hlăm knông lăn ih. Ih srăng pia mnư̆ ih Klei Bi Mtlaih, leh anăn ƀăng jang ih Klei Bi Mni.

Y-Êsêkiêl 38:11

leh anăn lač, ‘Kâo srăng đĭ ngă kơ čar mâo ƀuôn amâo mâo mnư̆ ôh; kâo srăng ngă kơ phung ƀuôn sang dôk êđăp ênang leh anăn hŏng klei hơĭt, jih jang diñu dôk hlăm anôk amâo mâo mnư̆ ôh, leh anăn anôk amâo mâo giê kal amâodah ƀăng jang ôh;

Y-Êsêkiêl 39:26

Diñu srăng wơr bĭt klei hêñ diñu, leh anăn jih jang klei diñu lhiăr kơ Kâo, tơdah diñu dôk hŏng klei hơĭt hlăm čar diñu pô amâo mâo pô bi huĭ diñu ôh,

Y-Mika 4:4

Ƀiădah grăp čô diñu srăng dôk ti gŭ phŭn boh kriăk ƀâo ñu leh anăn ti gŭ ana boh hra ñu, leh anăn amâo mâo pô bi huĭ diñu ôh; kyuadah ƀăng êgei Yêhôwa kơ phung kahan blŭ leh klei anăn.

Y-Sakari 3:10

Hlăm hruê anăn,’ Yêhôwa kơ phung kahan lač, ‘grăp čô diih srăng jak pô riêng gah ñu dôk ti gŭ phŭn boh kriăk ƀâo leh anăn ana boh hra ñu.’ ”

Phung Khua Phat Kđi 20:1

Snăn jih jang phung ƀuôn sang Israel kbiă dơ̆ng mơ̆ng ƀuôn Dan truh kơ ƀuôn Bêr-Sêba, wăt čar Galaat, leh anăn diñu sa ai bi kƀĭn mbĭt ti anăp Yêhôwa ti ƀuôn Mispa.

I Y-Samuel 3:20

Jih jang phung Israel mơ̆ng ƀuôn Dan truh ti ƀuôn Bêr-Sêba thâo kơ Y-Samuel jing sĭt leh sa čô khua pô hưn êlâo kơ Yêhôwa.