I Bruă Mtao 4:21 - Klei Aê Diê Blŭ 2015

²¹ Y-Salômôn kiă kriê jih jang ƀuôn ala mtao dơ̆ng mơ̆ng êa krông Ơprat truh kơ čar phung Philistin, leh anăn truh kơ knông lăn čar Êjip. Diñu tuh jia leh anăn mă bruă kơ Y-Salômôn jih hruê gơ̆ dôk hdĭp.

I Bruă Mtao 4:21 Iomraidhean Croise

Klei Mphŭn Dơ̆ng 15:18

Hlăm hruê anăn Khua Yang ngă klei bi mguôp hŏng Y-Abram, lač, “Kâo srăng brei čar anei kơ phung anak čô ih, dơ̆ng mơ̆ng êa krông čar Êjip truh ti êa krông prŏng, êa krông Ơprat,

II Y-Samuel 8:2

Leh anăn ñu dưi hŏng phung Môap leh anăn mkă digơ̆ hŏng sa aruăt klei êjai brei digơ̆ đih ti lăn. Ñu mkă dua aruăt klei čiăng jao kơ klei bi mdjiê, leh anăn sa aruăt klei pioh hdĭp. Snăn phung Môap jing dĭng buăl kơ Y-Đawit leh anăn tuh jia.

II Y-Samuel 8:6

Leh anăn Y-Đawit ngă đa đa kđông kahan hlăm Aram ti ƀuôn Damas; leh anăn phung Siri jing dĭng buăl kơ Y-Đawit leh anăn tuh jia. Yêhôwa brei klei dưi kơ Y-Đawit grăp anôk ñu nao.

I Bruă Mtao 12:4

“Ama ih brei knông hmei jing ktrŏ. Snăn ară anei bi hdjul bĕ bruă suăi leh anăn knông ktrŏ ama ih bi mđua ti hmei leh, leh anăn hmei srăng mă bruă kơ ih.”

I Bruă Mtao 3:13

Kâo brei msĕ mơh kơ ih ya klei ih amâo tuôm akâo ôh, klei mdrŏng leh anăn klei arăng mpŭ, tơl amâo mâo sa čô mtao mkăn ôh srăng mđơr hŏng ih jih ênuk ih.

I Bruă Mtao 4:22

Y-Salômôn grăp hruê mâo mnơ̆ng pioh ƀơ̆ng huă tlâo pluh kôr kpŭng ƀhĭ leh anăn năm pluh kôr braih;

I Bruă Mtao 4:24

Kyuadah ñu kiă kriê jih krĭng yŭ êa krông Ơprat dơ̆ng mơ̆ng ƀuôn Tipsa truh ti ƀuôn Gasa, jih jang phung mtao nah yŭ êa krông Ơprat. Leh anăn ñu mâo klei êđăp ênang tar ƀar jŭm dar ñu.

II Bruă Mtao 17:3

Y-Salmanêser mtao Asiri hriê ngă kơ ñu; leh anăn Y-Hôsêa jing dĭng buăl gơ̆, leh anăn tuh jia kơ gơ̆.

II Klei Yăl Dliê 17:5

Kyua anăn Yêhôwa bi kjăp ƀuôn ala mtao hlăm kngan ñu; leh anăn jih jang phung Yuđa tuh jia kơ Y-Jôsaphat. Ñu mâo klei mdrŏng prŏng leh anăn klei arăng mpŭ.

II Klei Yăl Dliê 32:23

Lu mnuih ba mnơ̆ng myơr kơ Yêhôwa kơ ƀuôn Yêrusalem leh anăn mnơ̆ng yuôm kơ Y-Hêsêkia mtao Yuđa, snăn mơ̆ng ênuk anăn kơ anăp, ñu mâo klei mpŭ ti anăp ală jih jang găp djuê mnuih.

Y-Êsra 4:20

Tuôm mâo leh phung mtao ktang kiă kriê ƀuôn Yêrusalem, phung kiă kriê leh jih kluôm čar Nah yŭ Êa Krông Ơphrat, leh anăn arăng tuh jia lăn, jia asei, leh anăn blei hră êrô êbat kơ diñu.

Klei Mmuñ Hđăp 68:29

Kyua sang yang Ih ti ƀuôn Yêrusalem, phung mtao srăng djă ba mnơ̆ng myơr kơ Ih.

Klei Mmuñ Hđăp 76:11

Ngă klei ƀuăn kơ Yêhôwa Aê Diê diih, leh anăn bi sĭt bĕ; brei jih jang ƀuôn sang riêng gah Ñu hriê myơr mnơ̆ng kơ Aê Diê pô năng kơ arăng huĭ.

Klei Kbiă 23:31

Kâo srăng bi kdriêl knông lăn ih mơ̆ng Êa Ksĭ Hrah truh ti êa ksĭ phung Philistin, leh anăn mơ̆ng kdrăn tač truh ti Êa Krông Ơprat; kyuadah Kâo srăng jao hlăm kngan ih phung mnuih dôk hlăm čar anăn, leh anăn ih srăng suôt diñu mơ̆ng anăp ih.

Khua Pô Mtô 2:25

leh anăn hlei dưi ƀơ̆ng huă amâodah dưi mâo klei mơak hĭn kơ kâo?

Klei Čŏk Hia 1:1

Hƀơih, ƀuôn anei, hlăk êlâo bŏ hŏng mnuih ƀuôn sang, ară anei dôk hjăn! Hƀơih, hlăk êlâo ñu jing leh prŏng ti krah phung găp djuê mnuih! ară anei ñu jing leh msĕ si sa čô mniê djiê ung, Jing leh mtao mniê ti krah lu boh čar, ară anei jing hĕ sa čô hlŭn.

Y-Êsêkiêl 16:13

Snăn ih mprăp leh hŏng mah leh anăn prăk; čhiăm ao ih ngă hŏng kbuă điêt aruăt, leh anăn čhiăm eh hluăt, leh anăn čhiăm arăng đêč; ih ƀơ̆ng kpŭng ƀhĭ, êa hnuê, leh anăn êa boh ôliwơ. Ih hriê kơ prŏng hŏng klei siam snăk, leh anăn jing msĕ si mtao mniê.

Klei Mtô Mñă Klei Bhiăn 11:24

Jih jang anôk plă jơ̆ng diih juă srăng jing dŏ diih; knông lăn diih srăng dơ̆ng mơ̆ng kdrăn tač truh kơ čar Liƀan, leh anăn mơ̆ng êa krông Ơprat truh kơ êa ksĭ yŭ.

Y-Yôsuê 1:4

Lăn diih srăng jing dơ̆ng mơ̆ng kdrăn tač truh kơ čư̆ Liƀan anei, dơ̆ng mơ̆ng êa krông prŏng, êa krông Ơprat, jih čar phung Hitit, truh kơ Êa Ksĭ Prŏng phă anôk yang hruê lĕ.

I Y-Samuel 10:27

Ƀiădah mâo phung mnuih tă tăn lač, “Si pô anei dưi bi mtlaih drei?” Leh anăn diñu bi êmut kơ Y-Sôl leh anăn amâo djă ba mnơ̆ng myơr kơ gơ̆ ôh. Ƀiădah Y-Sôl dôk ñăt.