I Bruă Mtao 3:9 - Klei Aê Diê Blŭ 2015

⁹ Snăn brei bĕ kơ dĭng buăl Ih ai tiê thâo mĭn čiăng phat mkra kđi phung ƀuôn sang Ih, čiăng kơ kâo dưi thâo ksiêm klei jăk hŏng klei jhat; kyuadah hlei pô dưi phat mkra kđi phung ƀuôn sang Ih êngŭm anei?”

I Bruă Mtao 3:9 Iomraidhean Croise

II Y-Samuel 14:17

Leh anăn dĭng buăl mniê ih mĭn, ‘Klei blŭ mơ̆ng klei khua kâo mtao blŭ srăng brei kâo dôk êđăp ênang,’ kyuadah khua kâo mtao jing msĕ si dĭng buăl jăk Aê Diê, thâo ksiêm klei jăk leh anăn klei jhat. Akâo kơ Yêhôwa Aê Diê ih dôk mbĭt hŏng ih!”

I Bruă Mtao 10:24

Jih lăn ala duah čiăng bi tuôm hŏng Y-Salômôn čiăng hmư̆ klei thâo mĭn Aê Diê dưm leh hlăm ai tiê ñu.

I Bruă Mtao 3:10

Klei Y-Salômôn akâo leh anei bi mơak kơ Yêhôwa.

I Bruă Mtao 3:28

Jih jang phung Israel hmư̆ klei mtao phat kđi anăn, leh anăn diñu mâo klei mpŭ kơ mtao, kyuadah diñu ƀuh klei thâo mĭn Aê Diê dôk hlăm ñu, čiăng ngă klei kpă.

I Klei Yăl Dliê 22:12

Knŏng akâo kơ Yêhôwa brei kơ ih klei thâo mĭn leh anăn klei thâo săng, čiăng kơ tơdah ñu brei bruă kơ ih kiă kriê phung Israel ih dưi djă pioh klei bhiăn Yêhôwa Aê Diê ih.

I Klei Yăl Dliê 29:19

Brei kơ Y-Salômôn anak êkei kâo čiăng kơ hŏng jih ai tiê ñu dưi djă pioh klei ih mtă, klei ih hưn, leh anăn klei bhiăn ih, dưi ngă jih, leh anăn čiăng kơ ñu dưi mdơ̆ng sang yang kơ sang anăn kâo duah bi mâo leh mnơ̆ng.”

II Klei Yăl Dliê 1:10

Ară anei brei bĕ kơ kâo klei thâo mĭn leh anăn klei thâo săng dưi thâo si srăng ngă ti anăp phung ƀuôn sang anei, kyuadah hlei pô dưi kiă kriê phung ƀuôn sang Ih anei prŏng êdi?”

Klei Mmuñ Hđăp 119:144

Klei Ih hưn jing kpă ênô hlŏng lar; brei kơ kâo klei thâo săng čiăng kơ kâo dưi dôk hdĭp.

Klei Mmuñ Hđăp 119:34

Brei kơ kâo klei thâo săng, čiăng kơ kâo dưi djă pioh klei bhiăn Ih, leh anăn gưt ñu hŏng jih ai tiê.

Klei Mmuñ Hđăp 119:73

Kngan Ih hrih leh anăn mmuôn kâo leh; brei kơ kâo klei thâo săng, čiăng kơ kâo dưi hriăm klei Ih mtă.

Klei Bi Hriêng 14:8

Klei thâo mĭn mnuih thâo răng jing klei ksiêm êlan ñu, ƀiădah klei mluk phung mluk jing klei mplư.

Klei Bi Hriêng 16:16

Mă tŭ klei knhâo jing yuôm hĭn kơ mah, ruah mă klei thâo săng yuôm hĭn kơ prăk.

Klei Bi Hriêng 20:12

Knga pioh hmư̆ leh anăn ală pioh dlăng, Yêhôwa sơăi mjing jih dua.

Khua Pô Mtô 7:11

Klei thâo mĭn jing jăk msĕ si ngăn dưn, sa klei tŭ dưn kơ phung ƀuh yang hruê.

Khua Pô Mtô 7:19

Klei thâo mĭn brei klei ktang kơ mnuih thâo mĭn kdlưn hĭn kơ pluh čô khua kiă kriê hlăm sa boh ƀuôn.

Y-Yêrêmi 1:6

Snăn kâo lač, “Ơ Khua Yang Aê Diê ah! Nĕ anei kâo amâo thâo blŭ jăk ôh, kyuadah kâo knŏng jing sa čô hđeh.”

Y-Yêrêmi 45:5

Bi ih, ih tuôm duah klei prŏng kơ ih pô mơ̆? Đăm duah klei anăn ôh; kyuadah nĕ anei, Kâo dôk bi truh klei jhat kơ jih jang mnuih, Yêhôwa lač, ƀiădah Kâo srăng pioh ih hdĭp hlăm jih anôk ih nao.’ ”

Y-Đaniel 2:21

Ñu bi mlih ênuk leh anăn yan; Ñu mdlưh leh anăn mjing phung mtao; Ñu brei klei thâo mĭn lu kơ phung thâo mĭn leh anăn klei thâo mĭn kơ phung mâo klei thâo săng.

Y-Mathiơ 3:11

Kâo ngă ƀaptem kơ diih hŏng êa kyua klei diih kmhal leh kơ klei soh, ƀiădah Pô hriê êdei kơ kâo jing myang hĭn kơ kâo, leh anăn kâo amâo năng ôh djă klĭt juă Ñu. Ñu srăng ngă ƀaptem kơ diih hŏng Yang Mngăt Jăk leh anăn hŏng pui.

Y-Mathiơ 3:14

Y-Yôhan hngah leh anăn lač, “Tui si djŏ Ih yơh ngă ƀaptem kơ kâo. Ƀiădah si ngă Ih hriê kơ kâo lĕ?”

Y-Yôhan 5:30

“Hŏng klei dưi Kâo pô Kâo amâo dưi ngă sa mta klei ôh. Kâo phat kđi tui si Kâo hmư̆; leh anăn klei Kâo phat kđi jing kpă, kyuadah Kâo amâo duah klei Kâo pô čiăng ôh, ƀiădah tui si klei Pô tiŏ hriê Kâo čiăng.

II Kôrantô 2:16

Kơ phung dôk rai tuč, hmei jing mnâo mơ̆ng klei djiê brei klei djiê; kơ phung tlaih leh, hmei jing mnâo klei hdĭp brei klei hdĭp. Hlei năng dưi ngă bruă anăn?

II Kôrantô 3:5

Amâo djŏ ôh hmei pô jing năng dưi lač sa klei dưi ngă kbiă hriê mơ̆ng hmei pô; ƀiădah klei hmei dưi ngă kbiă hriê mơ̆ng Aê Diê.

Êphêsô 5:17

Snăn đăm jing mluk ôh, ƀiădah brei diih thâo săng ya klei Khua Yang čiăng.

Philip 1:10

čiăng kơ diih thâo sĭt ya jing jăk hĭn, tơl dưi jing êngeh leh anăn amâo mâo klei ƀuah ôh ti Hruê Krist,

Hêbrơ 5:14

Ƀiădah mnơ̆ng ƀơ̆ng huă khăng pioh kơ phung khue leh, kơ phung hriăm leh anăn yua leh klei mĭn diñu dưi thâo săng klei jăk hŏng klei jhat.

Y-Yakơ 1:5

Tơdah sa čô hlăm phung diih kƀah klei thâo mĭn, brei ñu akâo kơ Aê Diê, Pô brei kơ jih jang mnuih hŏng klei kmah leh anăn amâo ƀuah ôh, leh anăn Aê Diê srăng brei klei knhâo kơ ñu.

Y-Yakơ 3:17

Ƀiădah klei thâo mĭn kbiă hriê mơ̆ng dlông êlâo hĭn jing êngeh, leh anăn êđăp ênang, êdu êun, thâo guôp, bŏ hŏng klei pap mñai leh anăn boh jăk, amâo mâo dlăng ti êngao amâodah ai ngăm ôh.