I Bruă Mtao 3:8 - Klei Aê Diê Blŭ 2015

⁸ Leh anăn dĭng buăl Ih dôk ti krah phung ƀuôn sang Ih ruah leh, sa phung ƀuôn sang êngŭm, amâo dưi yap ôh kyua lu đei.

I Bruă Mtao 3:8 Iomraidhean Croise

Klei Mphŭn Dơ̆ng 13:16

Kâo srăng brei phung anak čô ih jing lu msĕ si ƀruih lăn. Snăn tơdah arăng dưi yap ƀruih lăn, arăng dưi mơh yap phung anak čô ih.

Klei Mphŭn Dơ̆ng 15:5

Ñu atăt ba Y-Abram kơ tač leh anăn lač, “Kngưr ală ih phă adiê leh anăn yap mtŭ tơdah ih dưi.” Leh anăn Ñu lač kơ gơ̆, “Msĕ snăn yơh anak čô ih srăng jing.”

Klei Mphŭn Dơ̆ng 22:17

Kâo srăng brei klei jăk jĭn kơ ih, leh anăn Kâo srăng bi lar phung anak čô ih msĕ si mtŭ hlăm adiê leh anăn msĕ si čuah ti hang êa ksĭ. Leh anăn phung anak čô ih srăng dưi hŏng phung roh diñu.

I Bruă Mtao 4:20

Phung Yuđa leh anăn phung Israel jing lu msĕ si čuah ti êa ksĭ. Diñu ƀơ̆ng huă mnăm leh anăn hơ̆k snăk.

I Klei Yăl Dliê 21:2

Snăn Y-Đawit lač kơ Y-Jôap leh anăn kơ phung khua kahan ñu, “Nao yap bĕ phung Israel, mơ̆ng ƀuôn Bêr-Sêba truh kơ ƀuôn Dan, leh anăn wĭt hưn kơ kâo čiăng kơ kâo dưi thâo dŭm čô diñu.”

Klei Mmuñ Hđăp 78:71

Ñu mă gơ̆ mơ̆ng biăp ana dôk bi mam gơ̆ kiă, čiăng kơ gơ̆ jing mgăt biăp kơ phung Yakôp, phung ƀuôn sang Ñu, leh anăn phung Israel ngăn dưn Ñu.

Bruă Lêwi 26:9

Kâo srăng wir anăp uêñ kơ diih leh anăn bi lar êngŭm diih, leh anăn bi kjăp klei Kâo bi mguôp hŏng diih.

I Y-Samuel 12:22

Kyuadah Yêhôwa amâo srăng lui ôh phung ƀuôn sang Ñu kyua anăn Ñu prŏng, kyuadah Yêhôwa mơak leh mjing diih sa phung ƀuôn sang kơ Ñu pô.