I Bruă Mtao 3:7 - Klei Aê Diê Blŭ 2015

⁷ Ară anei, Ơ Yêhôwa Aê Diê kâo, Ih brei leh dĭng buăl Ih jing mtao čuê Y-Đawit ama kâo, wăt tơdah kâo knŏng jing sa čô hđeh điêt; kâo amâo thâo ôh si srăng kbiă amâodah mŭt.

I Bruă Mtao 3:7 Iomraidhean Croise

II Y-Samuel 5:2

Mphŭn dô tơdah Y-Sôl jing mtao kơ drei, jing ih yơh atăt kbiă leh anăn ba wĭt phung Israel; leh anăn Yêhôwa lač leh kơ ih, ‘Ih srăng jing mgăt biăp kơ phung ƀuôn sang Kâo Israel, leh anăn ih srăng jing khua kơ phung Israel.’ ”

I Klei Yăl Dliê 22:5

Kyuadah Y-Đawit lač, “Y-Salômôn anak êkei kâo ăt hlăk ai ka thâo bruă ôh, leh anăn sang čiăng mdơ̆ng kơ Yêhôwa srăng jing siam kdrăm êdimima, mâo klei hing ang leh anăn guh kơang tar ƀar jih čar; snăn yơh kâo srăng mkra kơ bruă anăn.” Snăn Y-Đawit duah bi mâo lu mnơ̆ng êlâo ñu djiê.

I Klei Yăl Dliê 22:9

Nĕ anei, arăng srăng kkiêng kơ ih sa čô anak êkei; ñu srăng jing sa čô êkei êđăp ênang. Kâo srăng brei kơ ñu klei êđăp ênang mơ̆ng jih jang phung roh jŭm dar ñu, kyuadah anăn ñu srăng jing Y-Salômôn, leh anăn kâo srăng brei klei êđăp ênang leh anăn klei mdei kơ phung Israel hlăm ênuk ñu.

I Klei Yăl Dliê 29:1

Mtao Đawit lač kơ jih jang phung bi kƀĭn, “Anak êkei kâo Y-Salômôn, knŏng hjăn ñu yơh Aê Diê ruah leh, jing hlăk ai leh anăn ka găn lu klei truh ôh, leh anăn bruă jing prŏng. Kyuadah sang yang amâo djŏ pioh kơ mnuih ôh, ƀiădah srăng pioh kơ Yêhôwa Aê Diê.

Klei Mmuñ Hđăp 121:8

Yêhôwa srăng kiă kriê klei ih kbiă leh anăn klei ih wĭt, mơ̆ng ară anei hlŏng lar.

Klei Bi Hriêng 18:12

Ai tiê mgao nao êlâo kơ klei rai tuč; klei luă gŭ nao êlâo kơ klei arăng mpŭ.

Khua Pô Mtô 10:16

Knap mñai yơh kơ ih, Ơ čar, tơdah mtao ih jing sa čô hđeh, leh anăn phung khua ih mâo klei huă mnăm prŏng jih hruê!

Y-Yêrêmi 1:6

Snăn kâo lač, “Ơ Khua Yang Aê Diê ah! Nĕ anei kâo amâo thâo blŭ jăk ôh, kyuadah kâo knŏng jing sa čô hđeh.”

Y-Yêrêmi 1:7

Ƀiădah Yêhôwa lač kơ kâo, “Đăm lač ôh, ‘Kâo jing knŏng sa čô hđeh’; kyuadah ih srăng nao kơ jih jang phung Kâo srăng tiŏ nao ih, leh anăn ih srăng blŭ ya klei Kâo mtă kơ ih.”

Y-Đaniel 2:21

Ñu bi mlih ênuk leh anăn yan; Ñu mdlưh leh anăn mjing phung mtao; Ñu brei klei thâo mĭn lu kơ phung thâo mĭn leh anăn klei thâo mĭn kơ phung mâo klei thâo săng.

Y-Đaniel 4:25

arăng srăng suôt ih mơ̆ng ti krah phung mnuih, leh anăn ih srăng dôk mbĭt hŏng hlô dliê; arăng srăng brei ih ƀơ̆ng rơ̆k msĕ si êmô, leh anăn ih srăng msah hŏng êa nguôm mơ̆ng adiê êjai kjuh yan, tơl ih thâo kơ Pô Ti Dlông Hĭn kiă kriê hlăm ƀuôn ala mtao mnuih, leh anăn brei klei kiă kriê anăn kơ hlei pô Ñu čiăng.

Y-Đaniel 4:32

Arăng srăng suôt ih mơ̆ng ti krah phung mnuih, leh anăn ih srăng dôk mbĭt hŏng hlô dliê; arăng srăng brei ih ƀơ̆ng rơ̆k msĕ si êmô êjai kjuh yan, tơl ih thâo săng Pô Ti Dlông Hĭn kiă kriê hlăm ƀuôn ala mtao mnuih leh anăn brei kơ hlei pô ñu čiăng.”

Y-Đaniel 5:18

Ơ mtao, Aê Diê Pô Ti Dlông Hĭn brei leh kơ Y-Nebukatnetsar ama ih ƀuôn ala mtao, klei jing prŏng, klei guh kơang, leh anăn klei kdrăm.

Y-Đaniel 5:21

Arăng suôt ñu mơ̆ng ti krah phung mnuih, leh anăn brei klei mĭn ñu jing msĕ si klei mĭn hlô dliê; leh anăn ñu dôk mbĭt hŏng aseh dliê. Arăng čiêm ñu hŏng rơ̆k msĕ si êmô, leh anăn asei mlei ñu msah hŏng êa nguôm mơ̆ng adiê tơl ñu thâo Aê Diê Pô Ti Dlông Hĭn kiă kriê hlăm ƀuôn ala mtao mnuih, leh anăn Ñu mđĭ hlei pô Ñu čiăng brei kiă kriê.

Klei Yap 27:17

pô srăng kbiă nao ti anăp diñu leh anăn lŏ mŭt ti anăp diñu, pô srăng atăt diñu kbiă leh anăn atăt diñu mŭt; čiăng kơ phung Yêhôwa bi kƀĭn amâo jing msĕ si phung biăp amâo mâo mgăt ôh.”

Y-Yôhan 10:9

Kâo jing ƀăng bhă. Tơdah hlei pô mŭt ti Kâo, ñu srăng tlaih, srăng mŭt leh anăn kbiă, leh anăn ƀuh rơ̆k ƀơ̆ng.

Klei Mtô Mñă Klei Bhiăn 31:2

Ñu lač kơ digơ̆, “Hruê anei kâo mâo sa êtuh dua pluh thŭn; kâo amâo lŏ dưi kbiă leh anăn mŭt ôh. Yêhôwa lač leh kơ kâo, ‘Ih amâo srăng găn ôh êa krông Yurdan anei.’

I Y-Samuel 18:16

Ƀiădah jih jang phung Israel leh anăn phung Yuđa khăp kơ Y-Đawit; kyuadah gơ̆ jing khua atăt diñu kbiă nao bi blah leh anăn wĭt.