I Bruă Mtao 3:6 - Klei Aê Diê Blŭ 2015

⁶ Y-Salômôn lač, “Ih bi êdah leh klei khăp prŏng leh anăn sĭt suôr kơ dĭng buăl Ih Y-Đawit ama kâo, kyuadah ñu êbat ti anăp Ih hŏng klei sĭt suôr, hŏng klei kpă ênô, leh anăn hŏng klei ênuah ai tiê ti anăp Ih. Leh anăn Ih djă pioh leh kơ ñu klei khăp prŏng anei leh anăn brei leh kơ ñu sa čô anak êkei dôk gŭ ti jhưng mtao ñu hruê anei.

I Bruă Mtao 3:6 Iomraidhean Croise

Klei Mphŭn Dơ̆ng 24:40

Ƀiădah ñu lač kơ kâo, ‘Yêhôwa, Pô kâo gưt asăp, srăng tiŏ nao dĭng buăl jăk Ñu mbĭt hŏng ih, leh anăn bi truh klei mbhă kơ klei ih đuĕ hiu; leh anăn ih srăng mă kơ anak êkei kâo sa čô mô̆ mơ̆ng găp djuê kâo mơ̆ng sang ama kâo.

II Y-Samuel 22:21

Yêhôwa mưn kâo leh tui si klei kpă ênô kâo; Ñu bi wĭt kơ kâo tui si klei êngeh kngan kâo.

II Y-Samuel 22:25

Kyuanăn Yêhôwa mưn kâo leh tui si klei kpă ênô kâo, tui si klei êngeh kâo ti anăp ală Ñu.

II Y-Samuel 7:5

“Nao hưn bĕ kơ dĭng buăl Kâo Y-Đawit, Snei Yêhôwa lač: ‘Ih hĕ srăng mdơ̆ng sa boh sang kơ Kâo dôk?

I Bruă Mtao 1:48

Leh anăn mtao lač msĕ mơh, ‘Mpŭ mni kơ Yêhôwa Aê Diê phung Israel, Pô brei sa čô anak êkei kâo dôk gŭ ti jhưng mtao kâo hruê anei, ală kâo pô ƀuh klei anăn.’ ”

I Bruă Mtao 15:5

kyuadah Y-Đawit ngă leh ya klei jing kpă ti anăp ală Yêhôwa, leh anăn amâo weh ôh mơ̆ng sa klei gơ̆ mtă leh kơ ñu jih ênuk ñu dôk hdĭp, knŏng hlăm klei Y-Uri êkei Hitit.

I Bruă Mtao 2:4

čiăng kơ Yêhôwa dưi bi sĭt klei Ñu blŭ leh djŏ kơ kâo, lač, ‘Tơdah phung anak êkei ih răng kơ êlan diñu čiăng êbat ti anăp Kâo hlăm klei sĭt suôr hŏng jih ai tiê leh anăn jih mngăt diñu, amâo srăng kƀah sa čô êkei ôh čuê anôk ih ti jhưng mtao phung Israel.’

I Bruă Mtao 3:14

Leh anăn tơdah ih êbat hlăm êlan Kâo, djă pioh klei bhiăn Kâo leh anăn klei Kâo mtă msĕ si ama ih Y-Đawit êbat leh, snăn Kâo srăng lŏ bi kdung hruê ih.”

I Bruă Mtao 9:4

Bi ih, tơdah ih êbat ti anăp Kâo msĕ si Y-Đawit ama ih êbat leh hŏng klei sĭt suôr leh anăn klei kpă ênô, ngă tui hlue jih jang klei Kâo mtă leh kơ ih, djă pioh klei bhiăn Kâo leh anăn klei Kâo mtrŭn,

II Bruă Mtao 20:3

“Hdơr bĕ ară anei, Ơ Yêhôwa, kâo kwưh kơ Ih, klei kâo êbat leh ti anăp Ih hŏng klei sĭt suôr leh anăn hŏng jih ai tiê, leh anăn ngă leh klei jăk ti anăp ală Ih.” Leh anăn Y-Hêsêkia hia ênguôt snăk.

II Klei Yăl Dliê 1:8

Leh anăn Y-Salômôn lač kơ Aê Diê, “Ih bi êdah leh klei khăp prŏng sĭt suôr kơ Y-Đawit ama kâo, leh anăn mjing leh kâo mtao čuê ñu.

Klei Mmuñ Hđăp 116:7

Ơ mngăt kâo, lŏ dôk êđăp ênang bĕ, kyuadah Yêhôwa ngă jăk êbeh dlai kơ ih.

Klei Mmuñ Hđăp 119:17

Ngă klei jăk kơ dĭng buăl Ih čiăng kơ kâo dưi dôk hdĭp, leh anăn tui gưt klei Ih blŭ.

Klei Mmuñ Hđăp 13:6

Kâo srăng mmuñ kơ Yêhôwa, kyuadah Ñu ngă leh lu klei jăk kơ kâo.

Klei Mmuñ Hđăp 15:2

Pô êbat hŏng klei kpă, ngă klei djŏ, leh anăn blŭ klei sĭt nik mơ̆ng ai tiê ñu;

Klei Yap 12:7

Amâo djŏ snăn ôh hŏng dĭng buăl Kâo Y-Môis; ñu sĭt suôr leh hlăm jih bruă sang Kâo.

II Kôrantô 9:11

Diih srăng čăt đĭ hlăm djăp mta mnơ̆ng, čiăng dưi ngă klei kmah. Leh anăn klei anăn srăng brei hmei bi mni kơ Aê Diê.

II Kôrantô 9:5

Snăn, kâo mĭn yuôm mtrŭt phung ayŏng adei nao kơ diih êlâo kơ kâo, leh anăn mkra êlâo mnơ̆ng brei anei diih ƀuăn leh, čiăng dưi mâo leh hŏng klei kmah amâo djŏ hŏng klei mgô̆ ôh.