I Bruă Mtao 3:15 - Klei Aê Diê Blŭ 2015

¹⁵ Y-Salômôn mdih pĭt, leh anăn nĕ anei klei anăn jing klei êpei. Leh anăn ñu nao kơ ƀuôn Yêrusalem leh anăn dôk dơ̆ng ti anăp hip klei bi mguôp Yêhôwa, leh anăn myơr mnơ̆ng myơr čuh leh anăn mnơ̆ng myơr kơ klei êđăp ênang, leh anăn ngă sa klei huă mnăm kơ jih jang phung dĭng buăl ñu.

I Bruă Mtao 3:15 Iomraidhean Croise

Klei Mphŭn Dơ̆ng 28:16

Y-Yakôp mdih pĭt leh anăn lač, “Sĭt nik, Yêhôwa dôk hlăm anôk anei, leh anăn kâo amâo yŏng thâo klei anăn ôh.”

Klei Mphŭn Dơ̆ng 31:54

Y-Yakôp myơr mnơ̆ng ngă yang ti čư̆ leh anăn ñu iêô phung ayŏng adei ñu huă ƀơ̆ng; leh anăn diñu đăm jih mlam hlăm čư̆.

Klei Mphŭn Dơ̆ng 40:20

Ti hruê tal tlâo, jing hruê hdơr kơ klei kkiêng kơ Pharaôn, ñu ngă klei huă mnăm kơ jih jang phung dĭng buăl ñu, leh anăn ñu bi kbiă khua djă kčok leh anăn khua ngă kpŭng brei dôk ti anăp phung dĭng buăl ñu.

Klei Mphŭn Dơ̆ng 41:7

Kjuh amung êwang lun hĕ kjuh amung bi asăr lu leh anăn jăk. Pharaôn mdih, nĕ anei klei anăn jing klei êpei.

I Bruă Mtao 3:16

Hlăk anăn mâo dua čô mniê knhông nao kơ mtao leh anăn dôk dơ̆ng ti anăp ñu.

I Bruă Mtao 8:63

Y-Salômôn myơr kơ Yêhôwa mnơ̆ng myơr kơ klei êđăp ênang dua pluh dua êbâo drei êmô leh anăn sa êtuh dua pluh êbâo drei biăp. Snăn yơh mtao leh anăn jih jang phung ƀuôn sang Israel myơr sang kơ Yêhôwa.

I Bruă Mtao 8:65

Snăn hruê anăn Y-Salômôn ngă klei huă mnăm, leh anăn jih jang phung Israel mbĭt hŏng ñu, sa phung bi kƀĭn lu, mơ̆ng anôk mŭt ƀuôn Hamat truh ti Hnoh Êa Čar Êjip êjai kjuh hruê ti anăp Yêhôwa Aê Diê drei.

I Klei Yăl Dliê 16:3

leh anăn bi mbha kơ jih jang phung Israel wăt êkei wăt mniê kơ grăp čô sa klŏ kpŭng, sa kdrêč čĭm, leh anăn sa klŏ ƀêñ boh kriăk ƀâo krô.

II Klei Yăl Dliê 7:5

Mtao Salômôn myơr mnơ̆ng ngă yang dua pluh dua êbâo drei êmô leh anăn sa êtuh dua pluh êbâo drei biăp. Msĕ snăn mtao leh anăn jih jang phung ƀuôn sang myơr sang Aê Diê.

H'Êsther 1:3

hlăm thŭn tal tlâo ñu kiă kriê, ñu mkra sa klei huă mnăm prŏng kơ jih jang phung khua ñu leh anăn phung dĭng buăl ñu, phung khua kahan čar Persơ, čar Mêdơ, leh anăn phung mdrŏng leh anăn phung khua čar dôk ti anăp ñu.

Y-Yêrêmi 31:26

Hlăk anăn Kâo mdih leh anăn dlăng, Kâo pĭt leh êđăp ênang.

Y-Đaniel 5:1

Mtao Belsasar mkra klei huă mnăm prŏng kơ sa êbâo čô khua ñu, leh anăn ñu mnăm kpiê ti anăp diñu.

Klei Yap 12:6

Ñu lač, “Dôk hmư̆ klei Kâo blŭ: Tơdah mâo khua pô hưn êlâo hlăm phung diih, Kâo gơ̆ Yêhôwa, Pô bi êdah Kâo pô kơ diñu hlăm klei bi ƀuh, Kâo blŭ kơ diñu hlăm klei êpei.

Y-Markôs 6:21

Ƀiădah mâo klei myun truh ti hruê bi hdơr kơ klei kkiêng kơ ñu, Hêrôt mkra klei huă mnăm kơ phung khua kiă kriê, phung khua kahan, leh anăn phung mnuih pơ prŏng hlăm čar Galilê.