I Bruă Mtao 3:14 - Klei Aê Diê Blŭ 2015

¹⁴ Leh anăn tơdah ih êbat hlăm êlan Kâo, djă pioh klei bhiăn Kâo leh anăn klei Kâo mtă msĕ si ama ih Y-Đawit êbat leh, snăn Kâo srăng lŏ bi kdung hruê ih.”

I Bruă Mtao 3:14 Iomraidhean Croise

I Bruă Mtao 11:34

Ƀiădah Kâo amâo srăng mă hĕ ôh jih ƀuôn ala mtao mơ̆ng kngan ñu; ƀiădah Kâo srăng mjing ñu khua kiă kriê êjai jih ênuk ñu dôk hdĭp kyua Y-Đawit dĭng buăl Kâo, pô Kâo ruah leh, pô djă pioh leh klei Kâo mtă leh anăn klei bhiăn Kâo.

I Bruă Mtao 15:5

kyuadah Y-Đawit ngă leh ya klei jing kpă ti anăp ală Yêhôwa, leh anăn amâo weh ôh mơ̆ng sa klei gơ̆ mtă leh kơ ñu jih ênuk ñu dôk hdĭp, knŏng hlăm klei Y-Uri êkei Hitit.

I Bruă Mtao 3:3

Y-Salômôn khăp kơ Yêhôwa, êbat hlăm klei bhiăn Y-Đawit ama ñu; ƀiădah ñu ngă yang leh anăn čuh mnơ̆ng ƀâo mngưi ti anôk dlông.

I Bruă Mtao 3:6

Y-Salômôn lač, “Ih bi êdah leh klei khăp prŏng leh anăn sĭt suôr kơ dĭng buăl Ih Y-Đawit ama kâo, kyuadah ñu êbat ti anăp Ih hŏng klei sĭt suôr, hŏng klei kpă ênô, leh anăn hŏng klei ênuah ai tiê ti anăp Ih. Leh anăn Ih djă pioh leh kơ ñu klei khăp prŏng anei leh anăn brei leh kơ ñu sa čô anak êkei dôk gŭ ti jhưng mtao ñu hruê anei.

I Klei Yăl Dliê 28:7

Kâo srăng bi kjăp ƀuôn ala mtao ñu hlŏng lar tơdah ñu čuăn djă pioh klei kâo mtă leh anăn klei bhiăn kâo msĕ si arăng ngă hruê anei.’

I Klei Yăl Dliê 28:9

Leh anăn bi ih, Ơ Y-Salômôn anak êkei kâo, thâo kral bĕ Aê Diê ama ih, leh anăn mă bruă bĕ kơ ñu hŏng jih ai tiê leh anăn hŏng klei mĭn čiăng; kyuadah Yêhôwa ksiêm dlăng jih jang ai tiê, leh anăn ñu thâo săng jih jang hdră leh anăn klei mĭn. Tơdah ih duah ñu, ñu srăng brei ih ƀuh ñu; ƀiădah tơdah ih lui ñu, ñu srăng suôt ih hlŏng lar.

II Klei Yăl Dliê 29:2

Ñu ngă klei djŏ ti anăp ală Yêhôwa tui si jih jang klei aê ñu Y-Đawit ngă leh.

II Klei Yăl Dliê 34:2

Ñu ngă klei jăk ti anăp ală Yêhôwa, leh anăn êbat tui hlue êlan Y-Đawit aê ñu; ñu amâo weh tĭng kơ hnuă amâodah tĭng kơ điâo ôh.

Klei Mmuñ Hđăp 132:12

Tơdah phung anak êkei ih djă pioh klei Kâo bi mguôp leh anăn klei hưn Kâo srăng bi hriăm diñu, snăn phung anak diñu mơh srăng dôk ti jhưng mtao ih nanao hlŏng lar.”

Klei Mmuñ Hđăp 21:4

Ñu akâo kơ Ih klei hdĭp; Ih brei leh kơ ñu klei hdĭp jŏk leh anăn dôk hlŏng lar.

Klei Mmuñ Hđăp 21:5

Klei guh kơang ñu prŏng jing kyua klei Ih đru; Ih brei kơ ñu klei mpŭ leh anăn klei kdrăm.

Klei Mmuñ Hđăp 91:16

Kâo srăng bi mơak kơ ñu hŏng klei brei ñu dôk hdĭp sui, leh anăn bi êdah klei Kâo bi mtlaih kơ ñu”.

Klei Bi Hriêng 3:16

Hlăm kngan hnuă ñu mâo klei hdĭp sui; hlăm kngan điâo ñu mâo klei mdrŏng sah leh anăn klei mpŭ.

Klei Bi Hriêng 3:2

kyuadah klei kâo mtô srăng bi sui hruê leh anăn thŭn ih dôk hdĭp, leh anăn srăng brei ih mâo klei đĭ kyar.

Y-Sakari 3:7

“Snei Yêhôwa kơ phung kahan lač: ‘Tơdah ih srăng êbat hlăm êlan Kâo leh anăn djă pioh klei Kâo mtă, snăn ih srăng kiă kriê sang Kâo leh anăn wăl sang Kâo, leh anăn Kâo srăng brei ih klei dưi mŭt ti krah phung dôk dơ̆ng tinei.

Bruă Phung Khua Ƀĭng Kna 13:22

Leh Aê Diê mdlưh hĕ Y-Sôl, Ñu bi mđĭ brei Y-Đawit jing mtao kơ digơ̆; kơ pô anăn Ñu hưn snei, ‘Kâo ƀuh leh Y-Đawit anak êkei Y-Yêsê jing sa čô djŏ hŏng ai tiê Kâo, pô srăng ngă jih jang klei Kâo čiăng.’

Klei Mtô Mñă Klei Bhiăn 25:15

Brei diih mâo boh ktrŏ djŏ leh anăn kpă, brei diih mâo msĕ mơh dŏ mkă djŏ leh anăn kpă, čiăng kơ hruê diih dôk hdĭp dưi jing sui hĭn hlăm ala čar Yêhôwa Aê Diê diih brei kơ diih.

Klei Mtô Mñă Klei Bhiăn 5:16

Mpŭ bĕ kơ ama amĭ ih, tui si Yêhôwa Aê Diê ih mtă leh kơ ih, čiăng kơ ih dưi dôk hdĭp sui hĭn, leh anăn klei jăk dưi truh kơ ih hlăm čar Yêhôwa Aê Diê ih brei kơ ih.

Klei Mtô Mñă Klei Bhiăn 5:33

Brei diih êbat djŏ hlăm jih jang êlan Aê Diê diih mtă leh kơ diih, čiăng kơ diih dưi dôk hdĭp, čiăng kơ klei truh kơ diih jing jăk mơak, leh anăn čiăng kơ diih dưi dôk sui hlăm čar diih srăng mă bha.”

I Y-Timôthê 4:8

kyuadah klei hriăm bi ktang asei mlei jing yuôm ƀơ ƀiă, ƀiădah klei thâo mpŭ kơ Aê Diê jing yuôm hlăm djăp mta klei. Ñu mâo klei ƀuăn kơ klei hdĭp ênuk anei wăt kơ klei hdĭp ênuk êdei msĕ mơh.