I Bruă Mtao 3:12 - Klei Aê Diê Blŭ 2015

¹² nĕ ară anei Kâo ngă tui si klei ih blŭ. Nĕ anei, Kâo brei kơ ih ai tiê thâo mĭn leh anăn thâo ksiêm, tơl amâo mâo sa čô ôh msĕ si ih êlâo kơ ih, leh anăn amâo srăng mâo ôh sa čô msĕ si ih êdei kơ ih.

I Bruă Mtao 3:12 Iomraidhean Croise

I Bruă Mtao 2:6

Snăn ngă tui si klei ih thâo mĭn, ƀiădah đăm brei ƀŭk kô̆ ñu trŭn kơ Ƀuôn Phung Djiê hŏng klei êđăp ênang ôh.

I Bruă Mtao 2:9

Kyuanăn ară anei đăm yap ôh ñu amâo mâo klei soh, kyuadah ih jing sa čô mnuih thâo mĭn. Ih srăng thâo ya jing djŏ srăng ngă kơ ñu, leh anăn ih srăng mtrŭn ƀŭk ñu kơ Ƀuôn Phung Djiê hŏng êrah.”

I Bruă Mtao 3:28

Jih jang phung Israel hmư̆ klei mtao phat kđi anăn, leh anăn diñu mâo klei mpŭ kơ mtao, kyuadah diñu ƀuh klei thâo mĭn Aê Diê dôk hlăm ñu, čiăng ngă klei kpă.

I Bruă Mtao 5:12

Leh anăn Yêhôwa brei kơ Y-Salômôn klei thâo mĭn tui si Ñu ƀuăn leh kơ gơ̆; leh anăn mâo klei êđăp ênang Y-Hiram hŏng Y-Salômôn; leh anăn diñu dua ngă klei bi mguôp.

I Bruă Mtao 5:9

Phung dĭng buăl kâo srăng ba kyâo anăn mơ̆ng čar Liƀan truh ti êa ksĭ; leh anăn kâo srăng kă kyâo anăn mbĭt brei nao ti êa ksĭ kơ anôk ih ktrâo brei, leh anăn kâo srăng kleh digơ̆ tinăn, leh anăn ih srăng mă tŭ digơ̆. Leh anăn ih srăng ngă klei kâo čiăng êjai brei mnơ̆ng ƀơ̆ng huă kơ phung sang kâo.”

I Klei Yăl Dliê 29:25

Yêhôwa brei kơ Y-Salômôn klei hing ang prŏng ti anăp ală jih jang phung Israel, leh anăn brei kơ ñu klei kdrăm kơah năng kơ mtao, amâo tuôm mâo ôh klei msĕ snăn kơ phung mtao êlâo kơ ñu hlăm čar Israel.

II Klei Yăl Dliê 2:12

Y-Huram lŏ lač msĕ mơh, “Mpŭ mni kơ Yêhôwa Aê Diê Israel, Pô hrih leh adiê leh anăn lăn ala, Pô brei leh kơ Y-Đawit sa čô anak êkei mâo klei knhâo leh anăn klei thâo săng, srăng mdơ̆ng sa boh sang kơ Yêhôwa, leh anăn sa boh sang mtao kơ Ñu pô.

Y-Nêhêmi 13:26

Amâo djŏ hĕ Y-Salômôn mtao Israel ngă soh leh kyua phung mniê msĕ snei? Ti krah phung găp djuê mnuih amâo mâo mtao msĕ si ñu ôh, leh anăn ñu jing pô Aê Diê khăp, leh anăn Aê Diê brei ñu jing mtao kơ jih jang phung Israel. Ƀiădah phung mniê tue mtrŭt wăt ñu ngă soh.

Klei Mmuñ Hđăp 10:17

Ơ Yêhôwa, Ih hmư̆ klei phung luă gŭ čiăng; Ih srăng bi kjăp ai tiê diñu, Ih srăng mđing knga kơ diñu

Klei Bi Hriêng 2:6

Kyuadah Yêhôwa brei klei knhâo; mơ̆ng ƀăng êgei Ñu kbiă hriê klei thâo mĭn leh anăn klei thâo săng.

Khua Pô Mtô 1:13

Kâo pioh leh klei mĭn kâo čiăng ksiêm leh anăn duah hŏng klei thâo mĭn jih jang klei arăng ngă ti gŭ adiê; jing bruă amâo mơak ôh Aê Diê brei leh kơ phung anak mnuih ngă.

Khua Pô Mtô 1:16

Kâo lač kơ kâo pô, “Kâo mă tŭ leh lu klei thâo mĭn, kdlưn hĭn kơ jih jang phung kiă kriê ƀuôn Yêrusalem êlâo kơ kâo; kâo mâo lu klei thâo mĭn leh anăn klei thâo săng kyua klei truh leh kơ kâo.”

Y-Êsai 65:24

Êlâo diñu iêô wah lač, Kâo srăng lŏ wĭt lač; êjai diñu ăt dôk blŭ, Kâo srăng hmư̆.

Y-Đaniel 1:17

Aê Diê brei kơ pă čô hlăk ai anăn mâo klei thâo mĭn lu, klei mbruă hlăm jih klei hriăm leh anăn klei knhâo. Bi Y-Đaniel mâo klei thâo săng kơ jih klei bi ƀuh leh anăn klei êpei ƀuh.

Y-Mathiơ 12:42

Ti hruê phat kđi mtao mniê čar Dhŭng srăng kgŭ mbĭt hŏng phung găp djuê anei leh anăn srăng phat kđi diih; kyuadah gơ̆ hriê mơ̆ng knhal lăn ala čiăng hmư̆ klei thâo mĭn Y-Salômôn, leh anăn nĕ anei, mâo sa čô tinei jing prŏng hĭn kơ Y-Salômôn.”

Y-Luk 21:15

kyuadah Kâo srăng bi êdah kơ diih klei blŭ leh anăn klei thâo mĭn tơl jih jang phung roh diih amâo dưi bi kdơ̆ng amâodah bi mgăl hŏng diih ôh.

Klei Mtô Mñă Klei Bhiăn 34:9

Y-Yôsuê anak êkei Y-Nun bŏ leh hŏng Mngăt Myang klei thâo mĭn, kyuadah Y-Môis bă leh kngan ñu ti gơ̆. Snăn phung ƀuôn sang Israel gưt kơ gơ̆, leh anăn ngă tui si klei Yêhôwa mtă leh kơ Y-Môis.

Kôlôs 2:3

Jih jang hjiê klei thâo mĭn leh anăn klei thâo săng mdăp leh hlăm Ñu.