I Bruă Mtao 22:8 - Klei Aê Diê Blŭ 2015

⁸ Mtao Israel lač kơ Y-Jôsaphat, “Ăt dôk sa čô êkei, hŏng pô anăn drei dưi êmuh kơ Yêhôwa, Y-Mika anak êkei Y-Imla; ƀiădah kâo bi êmut kơ ñu kyuadah ñu amâo tuôm hưn êlâo klei jăk djŏ kơ kâo ôh, ƀiădah knŏng klei jhat.” Y-Jôsaphat lač, “Đăm brei mtao blŭ snăn ôh.”

I Bruă Mtao 22:8 Iomraidhean Croise

Klei Mphŭn Dơ̆ng 37:8

Phung ayŏng ñu lač kơ ñu, “Sĭt mơ̆ ih srăng jing mtao kơ hmei? Sĭt mơ̆ ih srăng kiă kriê hmei?” Snăn diñu bi êmut kơ gơ̆ lu hĭn kyua klei gơ̆ êpei leh anăn klei gơ̆ blŭ.

I Bruă Mtao 18:4

leh anăn tơdah H'Jêsêbel bi mdjiê phung khua pô hưn êlâo Yêhôwa, Y-Apdia mă sa êtuh čô khua pô hưn êlâo leh anăn mdăp digơ̆ hlăm dua êpul êma pluh čô hlăm sa bĭt ƀăng čư̆, leh anăn čiêm digơ̆ hŏng kpŭng leh anăn êa).

I Bruă Mtao 19:10

Ñu lač, “Kâo mâo leh klei hur har snăk kyua Yêhôwa Aê Diê kơ phung kahan; kyuadah phung ƀuôn sang Israel lui leh klei Ih bi mguôp, bi klưh leh knưl Ih, leh anăn bi mdjiê leh phung khua pô hưn êlâo Ih hŏng đao gưm; leh anăn kâo, knŏng hjăn kâo, ăt dôk, leh anăn diñu duah bi luč klei hdĭp kâo.”

I Bruă Mtao 19:14

Gơ̆ lač, “Kâo mâo leh klei hur har snăk kyua Yêhôwa Aê Diê kơ phung kahan; kyuadah phung ƀuôn sang Israel lui leh klei Ih bi mguôp, bi klưh leh knưl Ih, leh anăn bi mdjiê leh phung khua pô hưn êlâo Ih hŏng đao gưm, leh anăn kâo, knŏng hjăn kâo ăt dôk, leh anăn diñu duah čiăng bi luč klei hdĭp kâo.”

I Bruă Mtao 21:20

Y-Ahap lač kơ Y-Êli, “Ih ƀuh leh kâo hĕ, Ơ pô roh kâo?” Ñu lŏ wĭt lač, “Kâo ƀuh leh ih, kyuadah ih čhĭ leh ih pô čiăng ngă klei jhat ti anăp ală Yêhôwa.

I Bruă Mtao 22:13

Pô arăng tiŏ nao iêô Y-Mika lač kơ ñu, “Nĕ anei, klei phung khua pô hưn êlâo blŭ sa ai jing klei jăk kơ mtao. Brei klei ih blŭ srăng jing msĕ si klei blŭ sa čô hlăm phung diñu, leh anăn blŭ bĕ bi jăk.”

I Bruă Mtao 22:18

Mtao Israel lač kơ Y-Jôsaphat, “Amâo djŏ hĕ kâo hưn kơ ih ñu amâo srăng hưn êlâo klei jăk kơ kâo ôh, ƀiădah knŏng klei jhat?”

I Bruă Mtao 22:27

leh anăn lač, ‘Snei mtao lač, “Krư̆ hĕ êkei anei hlăm war mnă, leh anăn čiêm ñu ƀiă hŏng kpŭng leh anăn êa knap mñai tơl kâo lŏ wĭt hŏng klei êđăp ênang.” ’ ”

I Bruă Mtao 22:7

Ƀiădah Y-Jôsaphat lač, “Amâo lŏ mâo hĕ tinei sa čô khua pô hưn êlâo mkăn kơ Yêhôwa, kơ ñu drei dưi êmuh?”

I Bruă Mtao 22:9

Mtao Israel iêô sa čô khua kahan leh anăn lač, “Atăt ba tinei djăl Y-Mika anak êkei Y-Imla.”

II Bruă Mtao 9:22

Tơdah Y-Jôram ƀuh Y-Jêhu ñu lač, “Ih hriê kơ klei êđăp ênang mơ̆, Ơ Y-Jêhu?” Y-Jêhu lŏ wĭt lač, “Si dưi mâo klei êđăp ênang êjai amĭ ih H'Jêsêbel ngă lu klei knhông leh anăn klei mjâo?”

II Klei Yăl Dliê 36:16

ƀiădah diñu mưč nanao kơ phung mnuih Aê Diê tiŏ nao, bi êmut kơ klei Gơ̆ blŭ, djă djik djak kơ phung khua pô hưn êlâo Gơ̆, tơl klei Yêhôwa ngêñ đĭ lar kơ phung ƀuôn sang Gơ̆, tơl amâo dưi lŏ bi hlao ôh.

Klei Mmuñ Hđăp 34:21

Klei măk ƀai srăng bi mdjiê pô ƀai; leh anăn phung bi êmut kơ pô kpă srăng tŭ klei bi kmhal.

Klei Bi Hriêng 15:12

Mnuih kreh mưč amâo khăp ôh arăng ƀuah ñu, ñu amâo nao êmuh ôh kơ phung thâo mĭn.

Klei Bi Hriêng 29:10

Phung khăp tuh êrah bi êmut kơ mnuih amâo mâo soh ôh, ƀiădah phung kpă ênô srăng mgang klei hdĭp gơ̆.

Klei Bi Hriêng 9:8

Đăm ƀuah ôh kơ mnuih kreh mưč, huĭdah ñu bi êmut kơ ih; ƀuah kơ mnuih thâo mĭn leh anăn ñu srăng khăp kơ ih.

Y-Êsai 3:11

Knap mñai yơh kơ phung ƀai; srăng jing jhat kơ diñu, kyuadah arăng srăng ngă kơ diñu ya klei kngan ñu ngă leh.

Y-Êsai 30:10

phung lač kơ phung bi ƀuh, “Đăm lŏ bi ƀuh ôh”, leh anăn kơ phung khua pô hưn êlâo, “Đăm hưn êlâo kơ hmei klei djŏ ôh; blŭ bĕ kơ hmei klei bi mơak kơ knga, hưn êlâo bĕ kơ hmei klei bi ƀuh čhuai,

Y-Êsai 49:7

Snei Yêhôwa, Pô Bi Tui leh anăn Pô Doh Jăk Israel lač kơ pô arăng bi êmut snăk, kơ pô phung găp djuê mnuih bi êmut kheh, kơ dĭng buăl phung khua kiă kriê: “Phung mtao srăng ƀuh leh anăn kgŭ, wăt phung anak mtao srăng buôn kkuh, kyua Yêhôwa, pô jing sĭt suôr, Pô Doh Jăk Israel, pô ruah ih leh.”

Y-Yêrêmi 18:18

Snăn diñu lač, “Hriê bĕ drei, trông čhai hdră srăng ngă kơ Y-Yêrêmi, kyuadah klei bhiăn amâo srăng rai tuč ôh mơ̆ng khua ngă yang, kăn klei kčĕ rai tuč rei mơ̆ng phung thâo mĭn, kăn klei blŭ rai tuč rei mơ̆ng phung khua pô hưn êlâo. Hriê bĕ brei drei čăm ñu hŏng klei blŭ, leh anăn đăm brei drei mđing hmư̆ kơ klei ñu blŭ ôh.”

Y-Yêrêmi 20:10

Kyuadah kâo hmư̆ lu klei blŭ mhač, “Klei bi huĭ dôk tar ƀar! Kčŭt kơ ñu! Brei drei kčŭt kơ ñu!” Snăn jih jang mah jiăng kâo lač, kăp ƀuh klei kâo lĕ buh, “Năng ai ñu srăng mâo klei mplư, snăn drei dưi ngă kơ ñu, leh anăn rŭ ênua kơ ñu.”

Y-Yêrêmi 36:23

Êjai Y-Jêhudi dlăng tlâo amâodah pă kdrêč, mtao khăt hĕ kdrêč anăn hŏng dhŏng leh anăn hwiê gơ̆ hlăm kpur pui, tơl pui hlăm kpur ƀơ̆ng jih ênŭm hră klĭt anăn.

Y-Yêrêmi 38:4

Snăn phung khua lač kơ mtao, “Brei arăng bi mdjiê hĕ mnuih anei, kyuadah ñu bi êdu ai phung kahan ăt dôk hlăm ƀuôn anei, leh anăn jih jang phung ƀuôn sang, êjai ñu blŭ klei msĕ snăn kơ digơ̆. Kyuadah mnuih anei amâo tui duah klei jăk kơ phung ƀuôn sang ôh, ƀiădah duah klei jhat kơ digơ̆.”

Y-Amôs 5:10

Diñu bi êmut kơ pô ƀuah diñu ti ƀăng jang, leh anăn diñu bi êmut kheh kơ pô blŭ klei sĭt nik.

Y-Mika 2:11

Tơdah sa čô mnuih luar leh anăn mplư, blŭ lač, “Kâo srăng mtô kơ diih kơ kpiê leh anăn kơ kpiê ktang,” pô anăn srăng jing khua pô hưn êlâo năng kơ phung ƀuôn sang anei!

Y-Mika 2:7

Djŏ mơ̆ arăng lač klei anei, Ơ sang Yakôp? “Mngăt Myang Yêhôwa amâo thâo gĭr hĕ? Djŏ mơ̆ snei klei Ñu ngă?” Amâo djŏ hĕ klei Kâo blŭ ngă jăk kơ pô êbat hŏng klei kpă?

Y-Sakari 11:8

Hlăm sa mlan kâo bi rai leh tlâo čô mgăt biăp. Ƀiădah mngăt kâo amâo thâo gĭr hŏng diñu ôh, leh anăn msĕ mơh mngăt diñu bi êmut kơ kâo.

Y-Mathiơ 10:22

Jih jang mnuih srăng bi êmut kơ diih kyua anăn Kâo. Ƀiădah hlei pô gĭr tơl knhal tuč srăng tlaih.

Y-Yôhan 17:14

Kâo brei leh klei Ih blŭ kơ diñu. Lăn ala bi êmut kơ diñu leh, kyuadah diñu amâo jing phung lăn ala ôh, msĕ si Kâo amâo jing phung lăn ala ôh.

Y-Yôhan 7:7

Lăn ala amâo dưi bi êmut kơ diih ôh, ƀiădah lăn ala bi êmut kơ Kâo kyuadah Kâo hưn kơ bruă lăn ala jing jhat.

Galati 4:16

Snăn kâo jing roh hŏng diih hĕ êjai kâo hưn klei sĭt kơ diih?