I Bruă Mtao 22:6 - Klei Aê Diê Blŭ 2015

⁶ Leh anăn mtao Israel bi kƀĭn phung khua pô hưn êlâo mbĭt, mâo hlăm brô pă êtuh čô, leh anăn lač kơ digơ̆, “Kâo srăng nao bi blah hŏng ƀuôn Ramôt-Galaat amâodah kâo srăng lui?” Leh anăn digơ̆ lač, “Đĭ nao bĕ, kyuadah Khua Yang srăng jao ƀuôn anăn hlăm kngan mtao.”

I Bruă Mtao 22:6 Iomraidhean Croise

I Bruă Mtao 12:9

Ñu lač kơ digơ̆, “Ya klei diih kčĕ drei srăng lŏ wĭt lač kơ phung ƀuôn sang anei, phung lač leh kơ kâo, ‘Bi hdjul bĕ knông ama ih bi mđua leh ti hmei’?”

I Bruă Mtao 18:19

Snăn ară anei tiŏ nao bĕ arăng bi kƀĭn jih jang phung Israel kơ kâo ti čư̆ Karmel, leh anăn phung pă êtuh êma pluh čô khua pô hưn êlâo yang Baal, leh anăn pă êtuh čô khua pô hưn êlâo yang Asêra, phung huă ƀơ̆ng ti jhưng huă H'Jêsêbel.”

I Bruă Mtao 18:20

Snăn Y-Ahap tiŏ nao mnuih kơ jih jang phung ƀuôn sang Israel, leh anăn bi kƀĭn phung khua pô hưn êlâo ti čư̆ Karmel.

I Bruă Mtao 22:10

Mtao Israel leh anăn Y-Jôsaphat mtao Yuđa dôk gŭ ti jhưng mtao diñu, hơô ao mtao diñu ti anôk prah mdiê ti anôk mŭt ƀăng jang ƀuôn Samari. Leh anăn jih jang phung khua pô hưn êlâo dôk hưn êlâo ti anăp diñu.

I Bruă Mtao 22:15

Tơdah ñu truh leh kơ mtao, mtao lač kơ ñu, “Ơ Y-Mika, hmei srăng nao bi blah hŏng ƀuôn Ramôt-Galaat mơ̆, amâodah hmei srăng lui?” Gơ̆ lŏ wĭt lač kơ ñu, “Đĭ nao bĕ leh anăn dưi. Yêhôwa srăng jao ƀuôn hlăm kngan mtao.”

I Bruă Mtao 22:5

Y-Jôsaphat lač kơ mtao Israel, “Êlâo hĭn, êmuh bĕ kơ klei Yêhôwa blŭ.”

II Bruă Mtao 10:19

Snăn ară anei iêô bĕ kơ kâo jih jang phung khua pô hưn êlâo yang Baal, jih jang phung kkuh mpŭ kơ ñu, leh anăn jih jang phung khua ngă yang ñu. Đăm brei kƀah sa čô ôh, kyuadah kâo mâo sa klei ngă yang prŏng čiăng myơr kơ yang Baal. Hlei pô êkŭt amâo srăng hdĭp ôh.” Ƀiădah Y-Jêhu ngă klei anăn hŏng klei mnêč čiăng bi rai phung kkuh mpŭ kơ yang Baal.

II Bruă Mtao 3:13

Y-Êlisê lač kơ mtao Israel, “Ya klei kâo mâo hŏng ih? Nao bĕ kơ phung khua pô hưn êlâo ama ih leh anăn phung khua pô hưn êlâo amĭ ih.” Ƀiădah mtao Israel lač kơ ñu, “Hơăi, Yêhôwa yơh iêô leh tlâo čô mtao anei čiăng jao digơ̆ hlăm kngan phung Môap.”

II Klei Yăl Dliê 18:14

Tơdah ñu truh kơ mtao, mtao lač kơ ñu, “Ơ Y-Mika, hmei srăng nao kơ ƀuôn Ramôt-Galaat čiăng bi blah mơ̆, amâodah amâo srăng nao ôh?” Ñu lŏ wĭt lač, “Nao bĕ leh anăn dưi; arăng srăng jao ƀuôn diñu kơ kngan ih.”

Y-Êsai 36:10

Êgao hĭn kơ anăn, amâo djŏ Yêhôwa hĕ brei kâo đĭ hriê ngă kơ čar anei, čiăng bi rai ñu? Yêhôwa Pô lač kơ kâo, đĭ ngă bĕ kơ čar anei leh anăn bi rai hĕ ñu.’ ”

Y-Yêrêmi 5:31

phung khua pô hưn êlâo hưn klei luar, leh anăn phung khua ngă yang kiă kriê tui si klei dưi diñu pô. Phung ƀuôn sang Kâo khăp klei msĕ snăn mơh, ƀiădah ti knhal tuč ya diih srăng ngă?”

Y-Êsêkiêl 13:22

Kyuadah diih bi êdu ai phung kpă ênô hŏng klei luar, wăt tơdah Kâo amâo bi êdu ai digơ̆ ôh, leh anăn diih bi mđĭ ai phung ƀai, tơl diñu amâo weh ôh mơ̆ng êlan ƀai diñu čiăng bi mtlaih klei hdĭp diñu;

Y-Mathiơ 7:15

“Răng bĕ kơ phung khua pô hưn êlâo soh. Diñu hriê kơ diih hơô klĭt biăp, ƀiădah ti lam diñu jing asâo tan ră.

II Y-Timôthê 4:3

Kyuadah sa ênuk srăng truh hlăk anăn arăng amâo lŏ čiăng hmư̆ ôh klei mtô sĭt, ƀiădah kyua diñu čiăng hmư̆ klei mơak diñu srăng ruah phung khua pô mtô tui si diñu pô khăp.

Klei Bi Êdah 19:20

Aê Diê mă leh hlô dliê anăn, leh anăn mbĭt hŏng ñu khua pô hưn êlâo soh, pô ngă leh ti anăp ñu klei bi knăl, hŏng klei anăn khua pô hưn êlâo soh mplư phung mă tŭ leh klei čih mrô hlô dliê leh anăn kkuh leh kơ rup ñu. Jih diñu dua arăng dlăm leh hdĭp hlăm ênao pui trơ̆ng hŏng sulphur.